🛑LIVE BREAKINGS: రైతులకు రేవంత్ సర్కార్ అదిరిపోయే శుభవార్త.. మంత్రి కీలక ప్రకటన!

రైతులకు రేవంత్ సర్కార్ అదిరిపోయే శుభవార్త చెప్పింది. వచ్చే ఏడాది సంక్రాంతి నుంచి రైతు భరోసా అమలు చేస్తామని వ్యవసాయ శాఖమంత్రి తుమ్మల నాగేశ్వర రావు తెలిపారు. కేవలం సాగులో ఉన్న భూములకు మాత్రమే పంట పెట్టుబడి సాయం అందజేస్తామని తెలిపారు.

ఏపీలో మరోసారి భూప్రకంపనలు సంభవించాయి. ప్రకాశం జిల్లా ముండ్లమూరు, తాళ్లూరు మండలాల్లో స్వల్ప భూప్రకంపనలు కలకలం సృష్టించాయి. శంకరాపురం, పోలవరం, పసుపుగల్లు, వేంపాడు, ముండ్లమూరు, మారెళ్ల, తూర్పుకంభంపాడు, శంకరాపురం సహా పలుచోట్ల కొన్ని సెకన్ల పాటు భూమి కంపించింది.

జగన్ పుట్టినరోజు బ్యానర్‌లో అల్లు అర్జున్ ఫోటో కలకలం రేపింది. ఎన్టీఆర్ జిల్లా నందిగామలో జగన్ ఫోటోతో పాటు అల్లు అర్జున్ ఫోటోను వైసీపీ క్యాడర్ ఏర్పాటు చేసింది. మెగా ఫ్యామిలీతో అల్లు అర్జున్‌ దగ్గరవుతున్న టైమ్‌లో వైసీపీ బ్యానర్లు హాట్‌ టాపిక్‌గా మారాయి.

జర్మనీలో క్రిస్మస్ వేడుకలకు ముందు టెర్రరిస్ట్ ఎటాక్ జరిగింది. మాగ్డెబర్గ్ ప్రాంతంలో క్రిస్మస్ వేడుకలు నిర్వహించగా సౌదీ అరేబియాకి చెందిన డాక్టర్‌ తలీబ్‌ తన బీఎండబ్ల్యూ కారుతో జనాలపైకి దూసుకెళ్లాడు. 15 మంది మృతి చెందగా, వందమందికి పైగా గాయాలపాలయ్యారు. 

https://rtvlive.com/international/german-christmas-market-car-crash-8544875

హైదరాబాద్‌లో అగ్ని ప్రమాదం చోటుచేసుకుంది. ఇనార్బిట్‌మాల్‌ ఎదురుగా ఉన్న సత్వభవనం ఐదంతస్తులో ఒక్కసారిగా మంటలు వ్యాపించాయి. దీంతో కంపెనీలో పని చేస్తున్న ఉద్యోగులు భయంతో బయటకు పరుగులు పెట్టారు. రెండు అగ్నిమాపక యంత్రాలతో మంటలను ఆర్పేందుకు శ్రమిస్తున్నారు.

అనంతపురం శ్రీ సత్యసాయి జిల్లా మడకశిర మండలంలో శనివారం తెల్లవారుజామున ఘోర రోడ్డు ప్రమాదం జరిగింది. ఈ ప్రమాదంలో నలుగురు అక్కడికక్కడే మృతి చెందగా పదుల సంఖ్యలో ప్రజలు తీవ్ర గాయాలపాలయ్యారు.పూర్తి వివరాలు కథనంలో.

బిగ్ బాస్ సీజన్ 8 కంటెస్టెంట్ సోనియా ఆకుల పెళ్లి శుక్రవారం అంగరంగ వైభవంగా జరిగింది. యష్‌తో కొత్త జీవితంలోకి అడుగుపెట్టింది. వీరి వివాహానికి బిగ్ బాస్ 8 కంటెస్టెంట్‌లతో పాటు గత సీజన్ కంటెస్టెంట్స్ హాజరై దీవించారు. ప్రస్తుతం పెళ్లి ఫొటోలు వైరల్ అవుతున్నాయి.

వైసీపీ మాజీఎంపీ నందిగం సురేష్‌కు బిగ్‌షాక్ తగిలింది. దళిత మహిళ మరియమ్మ హత్య కేసులో నిందితుడిగా ఉన్న సురేష్‌కు బెయిల్ ఇచ్చేందుకు సుప్రీంకోర్టు నిరాకరించింది. తదుపరి విచారణను జనవరి 7కు వాయిదా వేసింది.