H1B Visa Dropbox: హెచ్ 1 బీ వీసాదారులకు షాక్..డ్రాప్ బాక్స్ రూల్స్ కఠినతరం

H1B Visa Dropbox: వీసాల విషయంలో అగ్రరాజ్యం ఒక్కో రూల్ ను నెమ్మదిగా మార్చుకుంటూ వస్తోంది. మొత్తానికి ఇతర దేశాల వాళ్ళు అంత ఈజీగా రాకుండా ఉండేలా చర్యలు తీసుకుంటోంది. తాజాగా డ్రాప్ బాక్స్ విధానంలో కూడా మార్పులు తీసుకురానున్నట్లు తెలుస్తోంది. వీసా రెన్యువల్ కోసం డ్రాప్ బాక్స్ విధానం అమల్లో ఉంది. దీనిలో ఇంటర్వూలు లేకుండా వీసాలను రెన్యువల్ చేసుకోవచ్చును. దీనికి ఇప్పటివరకు 48 నెలల టైమ్ ఉండేది. అంటే వీసా అయిపోయాక 48 నెలల వరకు ఇంటర్వ్యూలకు అటెండ్ అవకుండా డ్రాప్ బాక్స్ ద్వారా పొందవచ్చును. ఇప్పుడు ఆ కాలాన్ని 12 నెలలకు తగ్గిస్తారని చెబుతున్నారు. ఈ రూల్ ను తక్షణమే అమల్లోకి తీసుకువస్తారని కూడా అంటున్నారు. అయితే దీన్ని ఎటువంటి అధికార ప్రకటన లేకుండానే అమల్లోకి తీసుకువచ్చేశారని  కూడా అంటున్నారు. వీసా కేంద్రాల్లో కొత్త నిబంధనను అమలు చేస్తున్నారని కొన్ని పత్రికలు రాస్తున్నాయి. 

Also Read: Vallabhaneni Vamsi Arrest Case: నా భర్తను జైల్లో చంపేస్తారు.. వల్లభనేని వంశీ భార్య సంచలన ఆరోపణలు!

హెచ్ 1 బీ, టూరిస్ట్ వీసాల మీద ప్రభావం..

ఈ కొత్త రూల్ వల్ల ముఖ్యంగా హెచ్ 1 వీసాదారులే కాకుండా టూరిస్ట్ వీసాదారుల మీద కూడా ప్రభావం పడనుంది. వీరు వీసా పునరుద్ధరణకు సుదీర్ఘకాలం వేచి చూడాల్సిన పరిస్థితి నెలకొనే అవకాశం ఉంది. నిజానికి కోవిడ్ కు ముందు ఈ కొత్త రూలే అమల్లో ఉండేది. అయితే కోవిడ్ టైమ్ లో వీసాల జాప్యం చాలా జరిగింది. దాంతో గుట్టలుగా వీసాలు పేరుకుపోయాయి. అందుకే అప్పుడు 12 నెలల కాలాన్ని 48 నెలలకు పెంచి తొందరగా వీసాలు ఇష్యూ అయ్యేలా చేశారు. ఇప్పుడు దాన్ని మళ్ళీ ఎత్తేస్తున్నారు. దీంతో ఇప్పటికే ఢిల్లీ, ముంబయి వంటి ప్రధాన నగరాల్లో బీ1/బీ2 వంటి వీసా దరఖాస్తుదారులు ఇంటర్వ్యూ అపాయింట్‌మెంట్‌ కోసం 440 రోజులకు పైగా నిరీక్షిస్తున్నారు. ఇప్పుడు మరింత ఎక్కువమంది ఇంటర్వ్యూలకు వస్తే ఈ వీసాల జారీ ఇంకా ఆలస్యం కానుంది.

Also Read: Bujji Thalli Song: 100 మిలియన్ వ్యూస్.. యూట్యూబ్ లో దుమ్మురేపుతున్న 'బుజ్జితల్లి' సాంగ్

Also Read: Chhaava Box Office Collections: రష్మిక నటించిన ఛావా సినిమాకు రికార్డ్ కలెక్షన్స్