Telangana: తెలంగాణ రైజింగ్ 2047.. యువతకు 1.41 కోట్ల ఉద్యోగాలు

రేవంత్ ప్రభుత్వం యువతకు పెద్దపీఠ వేస్తోంది. రాబోయే 20 ఏళ్లలో రాష్ట్రంలో 1.41 కోట్ల ఉద్యోగాలు కల్పించాలనే టార్గెట్‌తో ముందుకెళ్తోంది. ఈ క్రమంలోనే తెలంగాణ రైజింగ్ విజన్ 2047లో భాగంగా టాలెంట్‌ హైపర్‌లూప్‌ 2047 పేరుతో 'స్కిల్లింగ్ ఎకో సిస్టమ్‌ను' ఆవిష్కరించింది. డిగ్రీ పట్టాలు ఉన్నప్పటికీ నైపుణ్యాలు లేకపోవడం చాలామంది యువతకు ఉద్యోగాలు దొరకడం లేవు. ఇలాంటి నిరుద్యోగులకు ఈ పాలసీ ఎంతగానో ఉపయోగకరంగా ఉంటుందని ప్రభుత్వం భావిస్తోంది. 

మరోవైపు యంగ్ ఇండియా స్కిల్స్‌ యూనివర్సిటీని కూడా ప్రభుత్వం ఏర్పాటు చేస్తోంది. ఇందులో పరిశ్రమలకు అవసరమయ్యే సిలబస్‌ను, స్కిల్స్‌ను అందించనున్నారు. అలాగే ఈ వర్సిటీ ఆధ్వర్యంలో రాష్ట్రవ్యాప్తంగా 100 స్కిల్‌ అప్‌ హబ్స్, 6 నుంచి 8 సెంటర్స్‌ ఆఫ్‌ ఎక్సలెన్స్‌లను ఏర్పాటుచేయనున్నారు. ఇవి కేవలం పాఠాలు బోధించే కేంద్రాలుగా మాత్రమే కాదు వీటిలో మేకర్ స్పేసెస్‌, రిపేర్ కేఫ్‌లు, సర్వీస్‌ ల్యాబ్‌లు కూడా అందుబాటులోకి తీసుకురానున్నారు. నీటి సరఫరా, సాలిడ్ వేస్ట్‌మేనేజ్‌మెంట్‌, విద్యుత్ నిర్వహణ లాంటి అన్ని విషయాల్లో యువతకు ప్రాక్టకల్‌ నాలెడ్జ్‌ను స్కిల్స్‌ను అందించనున్నారు. 

Also Read: వంట చేయకూడదని దళిత మహిళకు అవమానం.. ఆరుగురికి జైలుశిక్ష

సాధారణంగా తరగతి గదిలో చెప్పే పాఠాలకి, ఫీల్డ్‌వర్క్‌లో చేసే పనికి తేడాలు ఉంటాయి. అందుకే రాష్ట్ర ప్రభుత్వం విజన్-2047లో భాగంగా వినూత్న పద్ధతిని ప్రతిపాదించింది. రాష్ట్రంలో జరిగే మెట్రో రైలు నిర్మాణం, బీఆర్డీఎస్‌ కారిడర్లు, డబుల్‌ బెడ్‌ రూం ఇళ్లు, వాటర్ గ్రిడ్‌ పనులను ఆన్‌సైట్‌ ట్రైనింగ్‌ గ్రౌండ్స్‌గా మార్చనున్నారు. పనులు జరుగుతుండగానే యువత అక్కడ పాల్గొంటారు. అక్కడున్న మిషీన్లను ఆపరేట్ చేయడం, టెక్నాలజీని నేర్చుకునే సదుపాయం ఉంటుంది. ప్రాజెక్టు పూర్తయ్యే సమయానికి వేలాదిమంది నిపుణులు వచ్చేస్తారు. 

భారత్‌ ఫ్యూచర్‌ సిటీ, ఫార్మా సిటీ, నిమ్జ్‌లాంటి ప్రాంతాల్లో ఆయా రంగాలకు సంబంధించిన వర్క్‌షాప్‌లు ఏర్పాటు చేయనున్నారు. రాష్ట్రంలో క్లస్టర్లవారీగా పరిశ్రమల అవసరాలను గుర్తిస్తారు. ప్రస్తుతమున్న స్కిల్లింగ్ కెపాసిటీని 2 నుంచి 3 రేట్లు పెంచాలని ప్రభుత్వం టార్గెట్‌ పెట్టుకుంది. మొత్తానికి 'హ్యూమన్ క్యాపిటల్ అండ్ ఇన్‌‌క్లూజన్ మిషన్' కింద 2047 నాటికి 1.41 కోట్ల ఉద్యోగాలు సృష్టించడమే టార్గెట్‌గా పెట్టుకుంది. 

Also Read: రష్యా ట్యాంకర్లపై దాడులు..నల్ల సముద్రంలో మేడే సంకేతాలు