BREAKING: సౌదీ అరేబియా మృతుల కుటుంబాలకు రూ.5 లక్షలు పరిహారం

సౌదీ అరేబియాలోని మదీనా సమీపంలో సోమవారం తెల్లవారుజామున జరిగిన రోడ్డు ప్రమాదంలో 45 మంది మృతి చెందిన సంగతి తెలిసిందే. మృతలందరూ హైదరాబాద్‌ వాసులేనని హజ్‌ కమిటీ వెల్లడించింది. ఈ ఘటనపై మృతుల కుటుంబాలకు తెలంగాణ మంత్రివర్గం సంతాపం తెలిపింది. బాధిత కుటుంబాలకు రూ.5 లక్షల చొప్పున పరిహారం ఇస్తామని ప్రకటించింది. అలాగే మంత్రి అజారుద్దీన్, MIM ఎమ్మెల్యే, మైనార్టీ విభాగానికి చెందిన ఓ అధికారితో కలిసి ప్రభుత్వ ప్రతినిధి టీమ్‌ను సౌదీకి పంపించాలని సూచనలు చేసింది. 

Also Read: సౌదీలో మరణిస్తే మృతదేహాన్ని ఇవ్వరు.. ఈ రూల్‌ గురించి తెలుసా ?

మృతులకు మత సంప్రదాయాల ప్రకారం అక్కడే అంత్యక్రయలు నిర్వహించాలని నిర్ణయించింది. హైదరాబాద్‌లోని బాధిత కుటుంబ సభ్యుల్లో ఒక్కో కుటుంబానికి ఇద్దరిని తీసుకెళ్లేందుకు ఏర్పాట్లు చేయాలని కేబినెట్ నిర్ణయం తీసుకుంది. ఇదిలాఉండగా మక్కా యాత్ర ముగించుకుని మదీనా వెళ్తుండగా ఈ ప్రమాదం చోటుచేసుకుంది.  డీజిల్ ట్యాంకర్‌ను బస్సు ఢీకొనడంతో మంటలు చెలరేగాయి. క్షణాల్లోనే బస్సు మొత్తం మంటలు అంటుకోవడంతో భారీగా ప్రాణనష్టం సంభవించింది. మృతుల్లో 18 మంది మహిళలు, 17 మంది పురుషులు, 10 మంది చిన్నారులు ఉన్నారు.