UK: యూకేలో దారుణం.. భారత యువకుడిని కత్తులతో పొడిచి హత్య..

ఈ మధ్యకాలంలో విదేశాల్లో భారతీయ వ్యక్తులు హత్యలకు గురవ్వడం కలకలం రేపుతోంది. తాజాగా యూకేలో మరో భారతీయ విద్యార్థిని దారుణంగా హత్య చేసిన ఘటన ఆలస్యంగా వెలుగులోకి వచ్చింది. నవంబర్ 25న వోర్‌స్టర్‌ ప్రాంతంలో హర్యానాకు చెందిన విజయ్ కుమార్‌ షియోరాన్ (30) అనే యువకుడిపై గుర్తు తెలియని దుండగులు కత్తులతో దాడి చేసి పారిపోయారు. అక్కడున్న స్థానికులు విజయ్‌ను ఆస్పత్రికి తరలించారు. చికిత్స పొందుతూ అతడు ప్రాణాలు కోల్పోయాడు. 

Also Read: టార్గెట్ వెస్ట్ బెంగాల్.. బిహార్ కు భిన్నంగా బీజేపీ సంచలన వ్యూహం ఇదే!

ఈ ఘటనపై రంగంలోకి దిగిన పోలీసులు అయిదుగురు అనుమానితులను అదుపులోకి తీసుకుని విచారిస్తున్నారు. ఇదిలాఉండగా హర్యానాకు చెందిన విజయ్ కుమార్ షియోరాన్ ఈ ఏడాది ప్రారంభంలో ఉన్నత చదువుల కోసం యూకేకు వెళ్లాడు. అంతకుముందు అతడు సెంట్రల్ బోర్డ్ ఆఫ్ ఎక్సైజ్ అండ్ కస్టమ్స్‌లో ఉద్యోగం చేసేవాడు. ఆ ఉద్యోగానికి రిజైన్ చేసి జనవరిలో బ్రిటన్‌కు వెళ్లాడు. 

Also Read: బంగ్లాదేశ్, పాకిస్తాన్ లకు చెక్.. సిలిగురిలో కొత్త ఆర్మీ బేస్..

తాజాగా విజయ్ మరణవార్తతో అతడి కుటుంబ సభ్యులు కన్నీరుమున్నీరవుతున్నారు. వీలైనంత త్వరగా తమ కుమారుడి మృతదేహాన్ని తీసుకోవాలని తల్లిదండ్రులు కోరుతున్నారు. ఈ మేపకు విదేశాంగ మత్రిత్వశాఖ, హర్యానా సీఎం నయాబ్ సింగ్ సైనీలను సంప్రదించారు.