/rtv/media/member_avatars/2024/11/28/2024-11-28t080743362z-dfsdsd.jpg )
/rtv/media/media_files/2025/11/30/modi-and-mamata-benarjee-2025-11-30-12-32-59.jpg)
Modi and Mamata benarjee
Follow Us
బీహార్ అసెంబ్లీ ఎన్నికల్లో ఎన్డీయే కూటమి గెలుపుతో బీజేపీకి మరింత జోష్‌ వచ్చింది. దీంతో మోదీ సర్కార్‌ పశ్చిమ బెంగాల్‌పై టార్గెట్ పెట్టింది. అయితే బిహార్‌లో అనుసరించిన ఫార్మాలా పశ్చిమ బెంగాల్‌లో వర్కవుట్ అవుతుందా ? లేదా ? అనేదానిపై ఆసక్తి నెలకొంది. ఎందుకంటే బిహార్, పశ్చిమ బెంగాల్ మధ్య సాంస్కృతిక, సామాజిక పరిస్థితులు భిన్నంగా ఉంటాయి. ప్రస్తుతం పశ్చిమ బెంగాల్‌లో టీఎంసీ పార్టీ అధికారంలో ఉంది. వచ్చే ఏడాది అక్కడ జరగనున్న అసెంబ్లీ ఎన్నికల్లో బీజేపీ, టీఎంసీ పార్టీల మధ్య గట్టి పోటీ ఉండనుంది.
30 శాతం ముస్లింలే
2011, 2016, 2021లో జరిగిన అసెంబ్లీ ఎన్నికల్లో వరుసగా మూడుసార్లు టీఎంసీ పార్టీ అధికారంలోకి వచ్చిన సంగతి తెలిసిందే. గత ఎన్నికల్లోనే బీజేపీ అధికారంలోకి వచ్చేందుకు ఎన్నో ప్రయత్నాలు చేసింది. ముఖ్యంగా హిందూ జాతీయవాదం అంశంపై ఎన్నికల ప్రచారంలోకి దిగినా అవి ఫలించలేదు. ఈ అంశాన్ని కీలకంగా తీసుకుని ప్రచారంలోకి దిగితే గెలవడం సులభం కాదని బీజేపీ గ్రహించింది. వాస్తవానికి పశ్చిమ బెంగాల్‌లో దాదాపు 30 శాతం ముస్లిం జనాభా ఉంటుంది. అందుకే బీజేపీ ఈసారి తమ వ్యూహాన్ని మార్చనున్నట్లు తెలుస్తోంది.
బెంగాల్‌లో SIR
ప్రస్తుతం పశ్చిమ బెంగాల్‌లో ఓటరు జాబితా ప్రత్యేక సమగ్ర సవరణ (SIR) జరుగుతోంది. ఇటీవల బీహార్‌లో ఈ ప్రక్రియ ముగిసిన సంగతి తెలిసిందే. ఇక్కడ బీజేపీ ఫేక్‌ ఓట్లను తొలగించడంతో విజయం సాధించింది. పశ్చిమ బెంగాల్‌లో SIR వైఖరి భిన్నంగా ఉంది. అందుకే ఇక్కడ ఒక కొత్త ఫార్ములాను అమలు చేయాలని బీజేపీ భావిస్తోంది. ఆ రాష్ట్రంలో 294 అసెంబ్లీ స్థానాలు ఉండగా.. ఇందులో 40 నుంచి 50 స్థానాల్లో గెలుపును ముస్లిం ఓటర్లే నిర్ణయిస్తారు. ఈ సీట్లపై ఆధారపడకున్నా మిగతా స్థానాలపై గట్టిగా ఫోకస్ పెట్టి బీజేపీ గెలిచే ఛాన్స్ ఉంది. గత ఎన్నికల్లో బీజేపీ ఈ సీట్లను కోల్పోయింది. కానీ ఈసారి జరగబోయే ఎన్నికల్లో ఈ స్థానాల్లో ఎక్కువ సీట్లు రాబట్టుకోవాలని భావిస్తోంది.
Also Read: బంగ్లాదేశ్, పాకిస్తాన్ లకు చెక్.. సిలిగురిలో కొత్త ఆర్మీ బేస్..
మూడేళ్ల పాటు మమతా బెనర్జీ సీఎంగా అధికారంలో ఉంటున్నారు. దీంతో ముస్లిం ఓటర్లలో కూడా ఆమెపై అసంతృప్తి వ్యక్తం చేసేవారు ఉంటారు. ఈసారి వీళ్లనే బీజేపీ టార్గెట్ చేయనుందని తెలుస్తోంది. టీఎంసీపై వ్యతిరేకంగా ఉండే ముస్లిం ఓటర్లు కాంగ్రెస్‌ లేదా వామపక్ష పార్టీలకు ఓట్లు వేస్తారు. ఇప్పుడు ఈ ఓటర్లను ఆకర్షించడమే బీజేపీ వ్యూహం.
గత మూడేళ్లలో బెంగాల్‌లో ముస్లింలు రాజకీయ హింస కారణంగా మృతి చెందినట్లు ఓ బీజేపీ నాయకుడు తెలిపారు. దేశంలో చూసుకుంటే మరే రాష్ట్రంలో కూడా ఇలా జరగలేదని పేర్కొన్నారు. అందుకే టీఎంసీపై ముస్లింల నుంచి కూడా వ్యతిరేకత వస్తోందని తెలిపారు. బీహార్‌లో ఎన్డీయే కూటమి గెలిచిన అనంతరం.. బీజేపీ ముస్లిం వ్యతిరేక పార్టీ అంటూ ప్రచారం చేసిందని అన్నారు. రాష్ట్రంలో ముస్లింలు కుడా SIRకు సపోర్టు ఇస్తున్నారని తెలిపారు. ఈ ప్రక్రియతో చొరుబాటుదారులు, రోహింగ్యా శరణార్థులను ఓటర్ల జాబితా నుంచి తొలగించడమే లక్ష్యంగా పెట్టుకున్నట్లు పేర్కొన్నారు.
తాము భారతీయ ముస్లింలకు వ్యతిరేకం కాదని.. చొరబాటుదారులు, అక్రమంగా ఉంటున్న రోహింగ్యా శరణార్థులకు మాత్రమే వ్యతిరేకం అని స్పష్టం చేశారు. మొత్తంగా చూసుకుంటే ఈసారి బీజేపీ ముస్లింలకు అనుకూలంగా ప్రచారం చేసే అవకాశాలు కనిపిస్తున్నాయి. ఇటీవల జరిగిన మహారాష్ట్ర, హర్యానా, బీహార్ అసెంబ్లీ ఎన్నికల్లో వరుసగా ఎన్డీయే కూటమి గెలవడంతో బీజేపీకి మరింత బలం పెరిగింది. మరి వచ్చే ఏడాది వెస్ట్ బెంగాల్‌లో జరగనున్న అసెంబ్లీ ఎన్నికల్ల ఈసారైన బీజేపీ గెలుస్తుందో ? లేదో తెలియాలంటే మరికొంతకాలం వేచిచూడాల్సిందే.
