Imran Khan: ఇమ్రాన్ ఖాన్ క్షేమమే.. స్పష్టం చేసిన జైలు అధికారులు

పాక్ మాజీ ప్రధాని, పాకిస్తాన్ తెహ్రీక్-ఇ-ఇన్సాఫ్ (పిటిఐ) అధినేత ఇమ్రాన్ ఖాన్(pakistan-ex-pm-imran-khan) జైలులో మరణించినట్లు వార్తలు వచ్చాయి. మీడియాలో అంతా చాలా హడావుడి జరిగింది. జైల్లో ఉన్న ఆయన్ని కలవడానికి ఎవరికీ అనుమతి ఇవ్వడం లేదని.. దీంతో ఆయన చనిపోయి ఉంటాడనే అనుమానం వ్యక్తమయింది. దీంతో ఇమ్రాన్ ఖాన్‌ను జైల్లోనే చంపేశారా అని ఆయన కుటుంబ సభ్యులు నిలదీస్తున్నారు. ఈ పుకార్ల నేపథ్యంలో ఆయన సోదరీమణులు, ఇమ్రాన్ ఖాన్‌ను కలవాలని డిమాండ్ చేస్తున్నారు. అవినీతి ఆరోపణలపై ఇమ్రాన్ ఖాన్ 2023 నుంచి రావల్పిండిలోనిఅడియాలా జైలులో ఉన్నారు. మూడు వారాలుగా తమ సోదరుడిని కలవడానికి అనుమతించడం లేదని అతడి సోదరీమణులు ఆరోపించారు.

హాయిగా జైల్లో ఉన్నారు..

అయితే ఇమ్రాన్ ఖాన్ చనిపోయారంటూ వస్తున్న వార్తల్లో నిజం లేదని రావల్పిండి జైలు అధికారులు ఖండించారు. ఆయన ఆరోగ్యంగా ఉన్నారని, మంచి భోజనం అందిస్తున్నామని ప్రకటనను విడుదల చేశారు. అలాగే అడియాలా జైలు నుంచి ఇమ్రాన్ ను తరలించారంటూ వస్తున్న వార్తల్లో కూడా నిజం లేదని చెప్పారు. ఆయన పూర్తిగా ఆరోగ్యంగా ఉన్నారు. వైద్య సహాయం అందుతుంది. ఆయన మృతి చెందారంటూ జరుగుతున్న ప్రచారం నిరాధారమైనవి తెలిపారు. దీనిపై పాక్ రక్షణ మంత్రి ఖవాజా ఆసిఫ్ కూడా స్పందించారు. ఇమ్రాన్ క్షేమంగానే ఉన్నారని చెప్పారు. ఆయన బయట కంటేజైల్లోనే సుఖంగా ఉన్నారని..ఫైవ్‌స్టార్‌ హోటళ్లలో కూడా లభించని మంచి ఆహారాన్ని అతడు పొందుతున్నారని చెప్పారు. జైల్లో ఆయనకు విలాసవంతమైన సౌకర్యాలను అందిస్తున్నాయని చెప్పారు.

ఇమ్రాన్ ఖాన్ 2023 నుంచి అడియాలా జైల్లో ఉన్నారు. పాక్ ప్రభుత్వం ఒక నెల నుంచి ఇమ్రాన్ ఖాన్ తో సమావేశాలపై అప్రకటిత నిషేధం విధించింది. చివరకు ఖైబర్ఫఖ్తుంఖ్వా సీఎం సోహైల్ అఫ్రిదిని కూడా ఇమ్రాన్ ఖాన్‌(imran khan news)ను కలిసేందుకు అనుమతించలేదు. 7 సార్లు ప్రయత్నించినప్పటికీ, జైలు అధికారులు అనుమతి ఇవ్వలేదు. దీంతో పాటూ ఆయన సోదరీమణులను కూడా కలవనివ్వలేదు. అందుకే ఆయన చనిపోయారన్న వార్తలు ఊపందుకున్నాయి.

పాకిస్తాన్ లో హై టెన్షన్..

మరోవైపు ఇమ్రాన్ ఖాన్ ను చూపించాలంటూ ఆయన అభిమానులు నిరసనలు చేస్తున్నారు. దీంతో పాకిస్తాన్ లో హైటెన్షన్ నెలకొంది. అర్థరాత్రి రావల్పిండి జైలు దగ్గరకు అభిమానులు, మద్దుతుదారులు భారీగా తరలివచ్చారు. మాజీ పీఎంపైవిషప్రయోగం చేసి చంపారంటూ ఆగ్రహం వ్యక్తం చేశారు. ఇమ్రాన్‌ఖాన్‌ను అంతం చేసేందుకు ఆసిమ్‌ మునీర్ కుట్రపన్నారని ఆరోపిస్తున్నారు.

ఇమ్రాన్ సోదరీమణులపై దాడి..

ఇవన్నీ ఇలా ఉంటే ఇమ్రాన్ ఖాన్ ముగ్గురు సోదరీమణుల విషయంలో మరో రాద్ధాంతం జరిగింది. తమపై అడియాలా జైలు బయట దాడి జరిగింది అని ముగ్గురు చెల్లెళ్ళు ఆరోపించారు. గత నెల రోజులుగా తాము తమ సోదరుడిని కలవడానికి ప్రయత్నిస్తున్నామని..నిన్న కూడా జైలు బయట శాంతియుతంగా కూర్చుని ఉంటే తమపై పోలీసులు దాడి చేశారని చెప్పారు. వీధి లైట్లు ఆపేసి, జుట్టు పట్టుకుని రోడ్డు పైకి లాక్కెళ్ళారని...బాగా కొట్టారని ఆరోపించారు. తమతో పాటూ పీటీఐ మద్దతుదారులపై కూడా దాడి జరిగిందని చెప్పారు. ఈ దాడిలోపాల్గొన్నపోలీసులపైపంజాబ్ఇన్‌స్పెక్టర్జనరల్ఆఫ్పోలీస్చర్యతీసుకోవాలనిసోదరీమణులుడిమాండ్చేస్తున్నారు.

Also Read: Firing At White House: వైట్ హౌస్ దగ్గరలో కాల్పులు..ఉగ్రవాద చర్యన్న ట్రంప్