Firing At White House: వైట్ హౌస్ దగ్గరలో కాల్పులు..ఉగ్రవాద చర్యన్న ట్రంప్

అమెరికా వైట్ హౌస్ దగ్గరలో ఈ రోజు కాల్పులు చోటు చేసుకున్నాయి. ఓ దుండగుడు నేషనల్ గార్డులపై కాల్పులు జరిపాడు. నిందితుడిని పోలీసులు అరెస్ట్ చేశారు. దీనిని అమెరికా అధ్యక్షుడు ట్రంప్ ఉగ్రవాద చర్యగా అభివర్ణించారు.

By Manogna Alamuru 27 Nov 2025 in ఇంటర్నేషనల్ టాప్ స్టోరీస్

New Update

వైట్ హౌస్ దగ్గర మరోసారి కాల్పులు కలకలం జరిగింది. ట్రంప్ అధ్యక్షుడు అయ్యాక వైట్ హౌస్ దగ్గర హడావుడి జరగడం ఇది మూడోసారి. ఈరోజు ఓ దుండగుడు శ్వేతసౌధం దగ్గర ఉన్న నేషనల్ గార్డ్స్ పై కాల్పులు జరిపాడు. ఈ ఘటనలో ఇద్దరు నేషనల్ గార్డ్ లు మృతి చెందారు. ఘటన జరిగిన అనంతరం అప్రమత్తమైన బలగాలు అనుమానితుడిని అదుపులోకి తీసుకున్నాయి. అతనికి సైతం బుల్లెట్‌ గాయాలు అయినట్లు స్థానిక మీడియా వర్గాలు వెల్లడించాయి. కాల్పులు జరిగిన ప్రాంతం అత్యంత భద్రత ఉండే వైట్‌హౌస్‌ జోన్‌ పరిధిలోకి వస్తుందని అధికారులు తెలిపారు. యూఎస్‌ సీక్రెట్‌ సర్వీస్‌ అధికారులు, ఇతర ఏజెన్సీలు కాల్పులు జరిగిన ప్రాంతానికి చేరుకొని దర్యాప్తు మొదలుపెట్టాయి.

Donald Trump’s unlawful and unnecessary deployment of the West Virginia National Guard into Washington DC got two guardsman shot near the White House today.

There are conflicting reports coming in on their condition.

Story developing… pic.twitter.com/XefLqhtbka
— Ryan Shead (@RyanShead) November 26, 2025

ఇదొక ఉగ్రవాద చర్య..

వైట్ హౌస్ దగ్గర కాల్పుల ఘటనపై అధ్యక్షుడు ట్రంప్ స్పందించారు. దీనిని ఆయన ఖండించడంతో పాటూ ఉగ్రవాద చర్యగా అభివర్ణించారు. మానవాళికి వ్యతిరేకంగా జరిగిన చర్యగా ట్రంప్ పేర్కొన్నారు. నిందితుడు ఒక జంతువని ట్రంప్ అన్నారు. వాషింగ్టన్, డి.సి.లో నేషనల్ గార్డ్స్‌మెన్‌పై దాడి తర్వాత దేశాన్ని ఉద్దేశించి అధ్యక్షుడు ప్రసంగించారు. నిందితుడు మాజీ అధ్యక్షుడు జో బైడెన్వల్లనే అమెరికాలోకి వచ్చాడని...అతను 2021లో ఎయిర్ లిఫ్ట్ లో ఆఫ్ఘనిస్థాన్ నుంచి వచ్చాడని చెప్పారు. ఆ దేశం ఒక నరకకూపంఅనిట్రంప్ విమర్శించారు. ఇది ఒక హేయమైన దాడి, ఇది దుష్ట చర్య, ద్వేషపూరిత చర్య, ఉగ్రవాద చర్య. ఇది మన మొత్తం దేశంపై జరిగిన నేరం. ఇది మానవాళిపై జరిగిన నేరమని ట్రంప్ అన్నారు. నిందితుడు ఆఫ్ఘనిస్తాన్ నుండి అమెరికాలోకి ప్రవేశించాడని హోంల్యాండ్ సెక్యూరిటీ కన్ఫార్మ్ చేసిందని చెప్పారు. దీంతో పాటూబైడెన్ అధ్యక్షుడుగా ఉన్న సమయంలో ఆఫ్ఘనిస్థాన్ నుంచి అమెరికాలోకి ప్రవేశించిన ప్రతీ వాడినీ తాము తిరిగి పరీక్షిస్తామని ట్రంప్ ప్రతిజ్ఞ చేశారు. కాల్పుల ఘటన తర్వాత అధ్యక్షుడు నేషనల్ గార్డ్స్ కు మద్దతునిచ్చారు. వాషింగ్టన్ లో మరో 500 మంది గార్డ్స్ ను మోహరించాలని ఆదేశించారు. ఇక సీబీఎస్ నివేదిక ప్రకారం కాల్పులు జరిపిన అనుమానితుడు ఆఫ్ఘన్ దేశానికి చెందిన రహ్మానుల్లాలకన్వాల్ గా గుర్తించారు. దీనిపై ఎఫ్బీఐ కేసు నమోదు చేసి దర్యాప్తు చేస్తోంది.

Trump después del ataque de hoy, dice que se enviarán 500 tropas más a Washington, que tomará medidas drásticas contra los extranjeros ilegales, "Si no pueden amar a nuestro país, no los queremos", y pide "a cada familia que ore por dos grandes héroes". pic.twitter.com/TSbnBM0dhZ
— Emmanuel Rincón (@EmmaRincon) November 27, 2025