Dance Pe Chance: గడ్డకట్టే చలిలో 870 మంది చిన్నారుల నృత్య ప్రదర్శన.. న్యూజెర్సీలో ‘డ్యాన్స్ పే ఛాన్స్’ వేడుకలు!

అమెరికాలోని న్యూజెర్సీ వేదికగా ఫెడరేషన్ ఆఫ్ ఇండియన్ అసోసియేషన్స్ (FIA) నిర్వహించిన 43వ 'డ్యాన్స్ పే ఛాన్స్' కార్యక్రమం అద్భుతమైన మైలురాయిని అధిగమించింది. గడ్డకట్టే చలిని కూడా లెక్కచేయకుండా వందలాది మంది భారతీయ చిన్నారులు తమ ప్రతిభను చాటారు. భారతీయ సంస్కృతిని, కళలను విదేశాల్లో విస్తరించేందుకు ఈ నృత్య పోటీలను నిర్వహించారు. ఈ కార్యక్రమం జరిగిన సమయంలో న్యూజెర్సీలో వాతావరణం ప్రతికూలంగా ఉంది. ఉష్ణోగ్రతలు సున్నా డిగ్రీల కంటే తక్కువకు పడిపోవడమే కాకుండా.. విపరీతమైన చల్లని గాలులు వీస్తున్నాయి. ఇలాంటి గడ్డకట్టే చలిలో ప్రయాణం చేయడమే కష్టం. అలాంటిది 870 మంది చిన్నారులు ఈ వేడుకలో డ్యాన్స్ వేశారు. 

ఇది కూడా చూడండి: Malreddy Ranga Reddy : మంత్రి పదవి కోసం రాజీనామా చేస్తా..ఎమ్మెల్యే మల్‌రెడ్డి రంగారెడ్డి కీలక వ్యాఖ్యలు

900 young artists performed at FIA’s 42nd Annual Dance Pe Chance competition in Trenton, #NewJersey, organized in commemoration of #RepublicDay2026 & 150 years of #vandemataram. The event reflected the vibrancy of India’s cultural heritage & strong connect of #Diasporapic.twitter.com/gF81kuCpWM

— TheSouthAsianTimes (@TheSATimes) February 10, 2026

 ఇది కూడా చూడండి: పశ్చిమ బెంగాల్‌ SIR ప్రక్రియను పొడిగించండి.. సుప్రీంకోర్టు కీలక ఆదేశాలు

మరింత వైభవంగా డ్యాన్స్ పే ఛాన్స్..

భారతీయ సంస్కృతికి అద్దం పట్టేలా నృత్య ప్రదర్శన చేశారు. సుమారు 43 ఏళ్ల సుదీర్ఘ చరిత్ర ఉన్న ఈ 'డ్యాన్స్ పే ఛాన్స్' వేడుకలు ఈసారి మరింత వైభవంగా జరిగాయి. వివిధ వయస్సుల వారు విభిన్న బృందాలుగా ఏర్పడి భారతీయ శాస్త్రీయ, జానపద, బాలీవుడ్ పాటలకు నృత్యాలు చేశారు. రంగురంగుల దుస్తులు, అద్భుతమైన కొరియోగ్రఫీతో వేదికపై భారతీయ కళా వైభవాన్ని ఆవిష్కరించారు. ఈ కార్యక్రమం విజయవంతం కావడంలో పిల్లల తల్లిదండ్రులు కూడా సహకారం చేశారు. ఎన్నో వారాల నుంచి కష్టపడి పిల్లలను డ్యాన్స్ ప్రాక్టీస్ చేయించారు. భారతీయ మూలాలను మరిచిపోకుండా పిల్లల్లో దేశభక్తిని, కళలపై ఆసక్తిని పెంచడంతో పలువురు వారికి అభినందనలు తెలుపుతున్నారు. 

ఇది కూడా చూడండి: రూ.54 వేల కోట్లు కొట్టేసిన సైబర్ నేరగాళ్లు.. సుప్రీంకోర్టు సంచలన వ్యాఖ్యలు

900 young artists performing different forms of Indian dance; Consul General @binaysrikant76 attended @FIANYNJCTNE ’s 42nd Annual Dance Pe Chance, a cultural dance competition in Trenton, New Jersey, organized in association with @IndiainNewYork, in commemoration of India’s 77th… pic.twitter.com/p1hXWiXJQL

— India in New York (@IndiainNewYork) February 8, 2026