America-Iran: పెద్దన్న దెబ్బకు పడిపోయిన ఇరాన్ కరెన్సీ.. ఒక డాలరుకు ఎన్ని లక్షల రియాల్స్‌ అంటే!

అగ్రరాజ్యం అమెరికా అధ్యక్షుడు ట్రంప్ చేపడుతున్న చర్యల వల్ల అనేక దేశాలు తీవ్ర సమస్యలు ఎదుర్కొంటున్నాయి. ఆయన చేసే వ్యాఖ్యలతో కొందరు సమస్యల్లో పడితే.. ఆయన చేసే పనుల వల్ల మరికొందరు విపరీతంగా కష్టాలు ఎదుర్కోవాల్సి వస్తోంది. కొన్నేళ్ల క్రితమే ట్రంప్ ఇరాన్ అణ్వాయుధ తయారీని అడ్డుకోవడమే లక్ష్యంగా తీసుకున్న చర్యలతో.. ఆ దేశ కరెన్సీ కనిష్ట స్థాయికి పడిపోయింది. ముఖ్యంగా ఒక అమెరికన్ డాలర్‌తో పోలిస్తే ఇరాన్ కరెన్సీ దాదాపు 10 లక్షల రియాల్స్‌కు చేరింది.

Also Read:  Ayodhya Ram mandir: అయోధ్య రామ మందిరం పై దాడికి పాకిస్థాన్ ఉగ్ర కుట్ర

గత ఆరు నెలలుగా...

దీంతో అక్కడి ప్రభుత్వం.. ఆర్థిక మంత్రిని బాధ్యుడిని చేస్తూ అతడిని పదవి నుంచి తొలగించింది. ఇరాన్ కరెన్సీ అయిన రియాల్ విలువ అత్యంత దారుణంగా పడిపోయింది. ముఖ్యంగా ఒక అమెరికా డాలరుతో పోలిస్తే ప్రస్తుతం ఇరాన్ కరెన్సీ 9,30,000 రియాల్స్‌కు చేరింది. 2015లో ఒక డాలరుతో పోలిస్తే ఇరాన్ కరెన్సీ 32,000 రియాల్స్‌గా ఉండేది. అయితే గతేడాది ఆ దేశ అధ్యక్షుడిగా మసౌద్ పజెక్షియాన్ బాధ్యతలు చేపట్టే సమయానికి దాని విలువ 5,84,000కు చేరుకుంది. గత ఆరు నెలలుగా మరింత కనిష్టానికి పడిపోయింది. 

Also Read: Horoscope Today: నేడు ఈ రాశి వారు మట్టి ముట్టుకున్న బంగారం అవుతుంది...

ఫిబ్రవరి నెల మొదటి వారంలో ఒక డాలర్ విలువ 8 లక్షల 50 వేల రియాల్స్‌గా ఉంటే.. ఇప్పుడు దాదాపుగా 10 లక్షల రియాల్స్‌కు చేరింది. ఇందుకు అగ్రరాజ్యం అమెరికా అధ్యక్షుడు ట్రంప్‌యే ముఖ్య కారణం.

ముఖ్యంగా ఇరాన్ అణ్వాయుధ తయారీకి సిద్ధం అవుతుండగా.. ట్రంప్ దాన్ని అడ్డుకోవడానికి చర్యలు చేపట్టారు. ఇరాన్ ప్రభుత్వంపై గరిష్ఠ ఒత్తిడి పెంచేలా పెద్ద ఎత్తునే పావులు కదిపారు. ఇరాన్ చమురు ఎగుమతులను పూర్తిగా సున్నాకు తీసుకురావడం, ఐరాస ఆంక్షల అమలుకు కూడా పిలుపును ఇచ్చారు. దీంతో ఆ దేశ కరెన్సీ విలువు తగ్గుతూ వస్తోంది. ఏడాది కాలంలోనే రెండింతల పతనానికి చేరుకుంది. ప్రస్తుతం ప్రపంచంలోనే అతి తక్కువ విలువ ఉన్న కరెన్సీల్లో ఇరాన్ రియాల్ మూడో స్థానికి చేరుకుంది.

దీంతో ఆ దేశ సర్కారు అక్కడి ఆర్థిక మంత్రి అబ్దోల్ నస్సెర్ హెమ్మతిని బాధ్యుడిని చేస్తూ తీసివేసింది. ముఖ్యంగా ఆదివారం రోజూ అతడిని అభిశంసిస్తూ.. అక్కడి పార్లమెంటు తీర్మానం చేసింది. ఆ తర్వాత ఆ దేశ అధ్యక్షుడు పెజెక్షియన్ మాట్లాడుతూ.. మన దేశం ఆంక్షల యుద్ధంలో చిక్కుకుందని, దీనికి అందరూ సహకరించాలని కోరారు. మరోవైపు పదవిని కోల్పోయిన ఆర్థిక మంత్రి స్పందిస్తూ.. కరెన్సీ విలువ పడిపోవడానికి ఎవరో ఒకరిని నిందించడం సరికాదని చెప్పారు. ఇరాన్ ఆర్థిక పరిస్థితికి ప్రధాన కారణాలు 2015 అణు ఒప్పందం నుంచి అమెరికా తప్పుకోవడం, పశ్చిమ దేశాల ఆంక్షలేనని చెప్పుకొచ్చారు.

Also Read: Trump: పుతిన్ కంటే వాళ్లే యమ డేంజర్.. జాగ్రత్తగా ఉండాలంటూ ట్రంప్ సంచలన పోస్ట్‌!

Also Read: TG Inter Exams: తెలంగాణలో ఇంటర్ పరీక్షలు.. విద్యార్థులు తప్పక తెలుసుకోవాల్సిన విషయాలివే!