Bangladesh: బంగ్లాదేశ్ హోంమంత్రి రాజీనామా.. కారణం ఇదేనా..?

బంగ్లాదేశ్(bangladesh) మధ్యంతర ప్రభుత్వంలో కీలక పరిణామం చోటుచేసుకుంది. బంగ్లాదేశ్ చీఫ్ అడ్వైజర్ (ముఖ్య సలహాదారు) ప్రొఫెసర్ మహమ్మద్ యూనస్‌కు ప్రత్యేక సహాయకుడిగా ఉన్న ఎండీ ఖుదా బక్ష్ చౌదరి తన పదవికి రాజీనామా(Khuda Baksh resigns) చేశారు. బంగ్లాదేశ్ మధ్యంతర ప్రభుత్వంలో హోం వ్యవహారాల మంత్రిత్వ శాఖలో ఎగ్జిక్యూటివ్ అథారిటీతో పాటు స్టేట్ మినిస్టర్ హోదాలో కొనసాగుతున్న ఖుదా బక్ష్ చౌదరి బుధవారం (డిసెంబర్ 24, 2025) రాత్రి తన పదవికి రాజీనామా చేశారు. ఈ మేరకు క్యాబినెట్ డివిజన్ అధికారిక ప్రకటన విడుదల చేసింది.

Also Read :  విష్ణుమూర్తి విగ్రహం కూల్చివేసిన థాయ్ సైనికులు.. ఇండియా వార్నింగ్

Khuda Baksh Resigns

ব্রেকিং নিউজ

খোদা বকশ চৌধুরী পদত্যাগ করেছেন।

হাদী হ×ত্যা×র বিচার চাই। pic.twitter.com/AtM8Npz9Wh

— Md Rafiqul Islam Hoby (@MrHoby1) December 24, 2025

ఖుదా బక్ష్ సమర్పించిన రాజీనామా లేఖ((Khuda Baksh Chowdhury)) ను బంగ్లాదేశ్ రాష్ట్రపతి మహమ్మద్ షహబుద్దీన్ తక్షణమే ఆమోదించారు. ఈ నిర్ణయం వెనువెంటనే అమల్లోకి వస్తుందని నోటిఫికేషన్‌లో పేర్కొన్నారు. మాజీ ఇన్‌స్పెక్టర్ జనరల్ ఆఫ్ పోలీస్ అయిన ఖుదా బక్ష్, నవంబర్ 10, 2024న చీఫ్ అడ్వైజర్‌కు ప్రత్యేక సహాయకుడిగా నియమితులయ్యారు. సుమారు ఏడాది కాలం పాటు ఆయన హోం మంత్రిత్వ శాఖలో కీలక బాధ్యతలు నిర్వహించారు. హోం మంత్రిత్వ శాఖపై పర్యవేక్షణతో పాటు, దేశంలో శాంతిభద్రతల పరిరక్షణలో ఆయన కీలక పాత్ర పోషించారు. ఆయనకు రాష్ట్ర మంత్రి హోదాను కల్పించి ప్రత్యేక అధికారాలను ప్రభుత్వం అప్పగించింది. రాజీనామాకు అధికారికంగా ఎలాంటి నిర్దిష్ట కారణాలను వెల్లడించనప్పటికీ, బంగ్లాదేశ్‌లో ప్రస్తుతం నెలకొన్న రాజకీయ పరిస్థితులు, శాంతిభద్రతల సమస్యలే ఇందుకు కారణమని విశ్లేషకులు భావిస్తున్నారు.

Also Read :  అమెరికాలో 30 ఇండియన్ డ్రైవర్లు అరెస్ట్

ఒత్తిడి: ఇటీవల 'ఇంక్విలాబ్ మంచ్' కన్వీనర్ షరీఫ్ ఉస్మాన్ హదీ హత్య తర్వాత, హోం అడ్వైజర్ జహంగీర్ ఆలం చౌదరి మరియు ఖుదా బక్ష్ రాజీనామా చేయాలంటూ నిరసనకారుల నుండి ఒత్తిడి పెరిగింది. ఫిబ్రవరిలో జరగనున్న సార్వత్రిక ఎన్నికలకు ముందు మధ్యంతర ప్రభుత్వంలో సమూల మార్పులు చేయాలని చీఫ్ అడ్వైజర్ భావిస్తున్నట్లు సమాచారం. ఈ ప్రక్రియలో భాగంగానే ఈ రాజీనామా జరిగినట్లు తెలుస్తోంది. ఖుదా బక్ష్ 1979 బ్యాచ్‌కు చెందిన అనుభవజ్ఞుడైన పోలీస్ అధికారి. 2006లో కూడా ఆయన పోలీస్ చీఫ్‌గా పనిచేశారు. ముహమ్మద్ యూనస్ నేతృత్వంలోని మధ్యంతర ప్రభుత్వం పగ్గాలు చేపట్టాక, పరిపాలనలో సంస్కరణలు తీసుకురావడానికి ఆయనను ఆహ్వానించారు. ఎన్నికల షెడ్యూల్ విడుదలవుతున్న తరుణంలో ఖుదా బక్ష్ వంటి కీలక వ్యక్తి తప్పుకోవడం బంగ్లాదేశ్ రాజకీయాల్లో చర్చనీయాంశమైంది. కొత్తగా ఈ బాధ్యతలను ఎవరు చేపడతారనేది ఆసక్తికరంగా మారింది.