Prajwal Revanna: MP అత్యాచార కేసులో ఫాంహౌస్‌లో దొరికిన ఆ చీర కీలకం

కర్ణాటక రాజకీయాల్లో సంచలనం సృష్టించిన లైంగిక వేధింపుల కేసులో JDS మాజీ MP ప్రజ్వల్ రేవణ్ణను స్పెషల్ కోర్టు దోషిగా నిర్ధారించింది. మాజీ ప్రధాని దేవెగౌడ మనవడు ప్రజ్వల్ రేవణ్ణకు ఈ తీర్పు ఒక భారీ షాక్‌గా మారింది. ఈ కేసులో న్యాయస్థానం తీర్పుకు ఓ చీర కీలక సాక్ష్యంగా మారిందని దర్యాప్తు అధికారులు తెలిపారు.

గత ఏడాది ఏప్రిల్‌లో ప్రజ్వల్ రేవణ్ణ ఇంట్లో మహిళా పనిమనిషి తనపై జరిగిన లైంగిక వేధింపుల గురించి పోలీసులకు ఫిర్యాదు చేసింది. 2021 నుంచి ప్రజ్వల్ రేవణ్ణ తనపై పదే పదే అత్యాచారం చేశారని, ఈ ఘటన వీడియోలు తీసి ఎవరికైనా చెబితే బయటపెడతానని బెదిరించాడని ఆమె ఆరోపించింది. అయితే, కేసు దర్యాప్తులో పోలీసులకు ఈ నేరాన్ని నిరూపించడానికి తగిన ఆధారాలు అవసరమయ్యాయి. ఈ సమయంలో బాధితురాలు తాను దాచిపెట్టిన ఒక చీరను పోలీసులకు అందించింది. ఈ చీరను ఫోరెన్సిక్ పరీక్షలకు పంపగా, దానిపై వీర్యం ఆనవాళ్లు ఉన్నట్లు నిపుణులు నిర్ధారించారు.

How a saree hidden in Prajwal Revanna's farmhouse sealed his fate in rape case

A hidden saree helped convict former JD(S) MP Prajwal Revanna for raping a 47-year-old domestic worker.

He was sentenced to life imprisonment and fined Rs 11 lakh. https://t.co/SJs1PxYy3Spic.twitter.com/cMZ8dC53E9

— narne kumar06 (@narne_kumar06) August 7, 2025

ఈ ఫోరెన్సిక్ నివేదిక ప్రజ్వల్ రేవణ్ణ నేరాన్ని నిరూపించడంలో అత్యంత కీలకమైన సాక్ష్యంగా మారింది. బాధితురాలు చెప్పిన ఘటనలకు, టెక్నికల్ ఆధారాలను ఈ చీర రుజువు చేసింది. అంతేకాకుండా, బాధితురాలు చెప్పిన స్టేట్‌మెంట్ గురించి ఈ సాక్ష్యం బలోపేతం చేసింది. ప్రత్యేక కోర్టు విచారణ సమయంలో 23 మంది సాక్షులను ప్రశ్నించింది. పోలీసులు సేకరించిన వీడియో క్లిప్‌లు, ఫోరెన్సిక్ నివేదికలతో పాటు ఈ చీరను కూడా కోర్టులో సమర్పించారు.

ఈ కేసులో ప్రజ్వల్ రేవణ్ణను దోషిగా తేల్చడానికి ఈ భౌతిక సాక్ష్యం, బాధితురాలి వాంగ్మూలం కలిసి పటిష్టమైన ఆధారాన్ని అందించాయి. ఈ తీర్పు ప్రజ్వల్ రేవణ్ణ రాజకీయ భవిష్యత్తును పూర్తిగా దెబ్బతీసింది. ఈ ఘటన దేశంలో రాజకీయ పలుకుబడి ఉన్న వ్యక్తులు చేసే నేరాలపై న్యాయస్థానం కఠినంగా వ్యవహరిస్తుందని మరోసారి నిరూపించింది.