నటుడు కపిల్ శర్మ కేఫ్‌పై ఉగ్రవాదుల కాల్పులు

బాలీవుడ్ కమెడియన్ కపిల్ శర్మ కొత్తగా ప్రారంభించిన KAP's కేఫ్‌పై కాల్పులు కలకలం రేపింది. కెనడాలోని సర్రేలో జూలై 9 రాత్రి(స్థానిక కాలమానం ప్రకారం) పలు రౌండ్లు ఫైరింగ్ జరిగింది.ఈ సంఘటనకు సంబంధించిన వీడియో సోషల్ మీడియాలో వైరల్ అయింది. ఆ వీడియోలో ఒక దుండగుడు వాహనం లోపలి నుండి కేఫ్ లక్ష్యంగా చేసుకుని అనేక రౌండ్లు కాల్పులు జరిపారు. అదృష్టవశాత్తూ, ఆ సమయంలో కస్టమర్లు ఎవరూ లేరు. బెదిరించాలనే ఉద్దేశ్యంతోనే ఈదాడి జరిగినట్లు తెలుస్తోంది. 

World Famous comedian Kapil Sharma's newly inaugurated restaurant KAP'S CAFE shot at in Surrey, BC, Canada last night.
Harjit Singh Laddi, a BKI operative, NIA's (INDIA ) most wanted terrorist has claimed this shoot out citing some remarks by Kapil@SurreyPolicepic.twitter.com/p51zlxXbOf

— Ritesh Lakhi CA (@RiteshLakhiCA) July 10, 2025

ఖలిస్తానీ ఉగ్రవాది హర్జీత్ సింగ్ లడ్డి కాల్పులకు బాధ్యత వహించాడు. జాతీయ దర్యాప్తు సంస్థ మోస్ట్ వాంటెడ్ జాబితాలో ఉన్న బబ్బర్ ఖల్సా ఇంటర్నేషనల్ ఆపరేటివ్ లడ్డి, గతంలో కపిల్ శర్మ చేసిన అభ్యంతరకరమైన వ్యాఖ్యలకు వ్యతిరేకంగా ఈ దాడి చేయించినట్లు తెలుస్తోంది.