Stock Market: లాభాల్లోకి స్టాక్ మార్కెట్..సెన్సెక్స్ 300 పాయింట్లు పైకి

దేశీ స్టాక్ మార్కెట్లో మదుపర్లు కాస్త ఆచితూచి అడుగులు వేస్తున్నారు. దీంతో మార్కెట్ ఒకరోజు లాభాల్లో మరో రోజు నష్టాల్లో ఉంటోంది. నిన్న కుప్పకూలిన మార్కెట్ ఈరోజు మాత్రం ప్రారంభం నుంచే పరుగులు తీస్తోంది. ఈరోజు ఉదయం మార్కెట్ ప్రారంభ సమయానికి సెన్సెక్స్ ఏకంగా 400 పాయింట్ల పైకి జంప్ చేసింది. సెన్సెక్స్ 400 పాయింట్లు పెరిగి 81,550 వద్ద ట్రేడవుతోంది. నిఫ్టీ కూడా 100 పాయింట్లకు పైగా పెరిగి..24, 700 దగ్గర ట్రేడవుతోంది.  సెన్సెక్స్ స్టాక్‌లలో 17 లాభాల్లో ఉన్నాయి. టాటా స్టీల్, టెక్ మహీంద్రా, ఎయిర్‌టెల్ షేర్లు 4% వరకు పెరిగాయి. కాగా, టాటా మోటార్స్, ఆసియన్ పెయింట్స్, నెస్లే ఇండియా షేర్లు 2.5% తగ్గాయి. అలాగే నిఫ్టీలోని 50 స్టాక్స్‌లో 35 లాభాల్లో ఉన్నాయి. ఎన్‌ఎస్‌ఇలోని మెటల్ రంగం అత్యధికంగా 1.42% లాభపడింది. ఇది కాకుండా, ఐటీ, బ్యాంకింగ్, రియాల్టీ స్టాక్స్ స్వల్పంగా పెరిగాయి. అయితే, ఫార్మా, ఆటో మరియు హెల్త్‌కేర్‌లలో స్వల్ప క్షీణత ఉంది.

అంతర్జాతీయంగా మిశ్రమ ఫలితాలు..

ఆసియా మార్కెట్లలో, జపాన్ నిక్కీ 308 పాయింట్లు తగ్గి 37,875 వద్ద ట్రేడవుతోంది. అదే సమయంలో, కొరియా కోస్పి దాదాపు 30 పాయింట్లు  పెరిగి 2,637 వద్ద ట్రేడవుతోంది. హాంకాంగ్ కు సంబంధించిన హాంగ్ సెంగ్ సూచీ 295 పాయింట్లు పెరిగి 23,403 వద్ద ట్రేడవుతోంది. చైనా షాంఘై కాంపోజిట్ స్వల్పంగా పెరిగి 3377 వద్ద ఉంది.
మే 12న, US డౌ జోన్స్ 270 పాయింట్లు పడిపోయి 42,140 వద్ద ముగిసింది. నాస్‌డాక్ కాంపోజిట్ 302 పాయింట్లు  పెరిగి 19,010 వద్దకు చేరుకుంది. మే 13న విదేశీ పెట్టుబడిదారులు  నగదు విభాగంలో రూ.476.86 కోట్ల విలువైన షేర్లను విక్రయించారు. కాగా, దేశీయ పెట్టుబడిదారులు రూ.4,273.80 కోట్ల నికర కొనుగోళ్లు చేశారు.

today-latest-news-in-telugu | stock-markets | sensex-today | nifty

Also Read: Ind-Pak: కాశ్మీర్ ను ఖాళీ చేయాల్సిందే..ఎప్పటికే ఇదే మాట..భారత్