CM Jagan: ఆ 50 మందికి షాక్.. రేపు సీఎం జగన్ కీలక ప్రకటన?

YCP MLA Final List : మరి కొన్ని నెలల్లో జరగబోయే ఆంధ్ర ప్రదేశ్ అసెంబ్లీ ఎన్నికలకు(AP Assembly Elections) సీఎం జగన్(CM Jagan) వ్యూహాలు రచిస్తున్నారు. ఈ నేపథ్యంలో సర్వేల్లో ఎన్నికల్లో విజయం సాధించలేని సిట్టింగ్ ఎమ్మెల్యేలకు సీఎం జగన్ టికెట్ కట్ చేస్తున్నారు. ఆయా స్థానాల్లో అభ్యర్థులను మార్చనున్నారు. వచ్చే 2024 అసెంబ్లీ ఎన్నికల్లో ఎలాగైనా గెలవాలని కొత్త వారికి టికెట్ ఇచ్చే విషయంపై సీఎం జగన్ అండ్ టీమ్ కసరత్తు చేస్తోంది. గత కొన్ని రోజులుగా తాడేపల్లి సీఎం కార్యాలయానికి ఎమ్మెల్యేలు క్యూ కడుతున్నారు. సీఎం జగన్ వారితో టికెట్ గురించి చర్చిస్తున్నారు. ఈ ఎన్నికల్లో టికెట్ రాదని భావించిన కొందరు సిట్టింగ్ లు పార్టీ ఫిరాయించే పనిలో పడ్డారు. ప్రతిపక్ష పార్టీలతో రహస్య సమావేశాలు పెడుతున్నారనే టాక్ అక్కడ రాజకీయాల్లో జోరుగా వినిపిస్తోంది.

ALSO READ: సీఎం జగన్ కు ఎమ్మెల్సీ వంశీ సంచలన లేఖ

50 మంది సిట్టింగ్ లకు జగన్ షాక్..?

ఎమ్మెల్యే అభ్యర్థుల విషయంలో కసరత్తు చేస్తున్న సీఎం జగన్ కీలక నిర్ణయం తీసుకున్నట్లు సమాచారం. 50 నుంచి 60 మంది సిట్టింగ్ ఎమ్మెల్యేలకు టికెట్ కట్ చేయనున్నారు. వారి స్థానాల్లో కొత్త వారికి అవకాశం కల్పించనున్నారు. ఇవాళ లేదా రేపు వైసీపీ అభ్యర్థుల ప్రకటన సీఎం జగన్ చేయనున్నట్లు వార్తలు వస్తున్నాయి. 51 మందితో వైసీపీ లిస్ట్ రెడీ చేసినట్లు సమాచారం. జనవరి 1 నుంచి ప్రజల్లోకి కొత్త అభ్యర్థులు వెళ్లేలా జగన్ కార్యాచరణ రూపొందించారు. 175 స్థానాల్లో ఇప్పటికే 11 మంది అభ్యర్థులను వైసీపీ ప్రకటన చేసిన విషయం తెలిసిందే. పది జిల్లాల్లో ఇప్పటికే కసరత్తు పూర్తి అయిందని ఆ పార్టీలో ప్రచారం జోరందుకుంది. నెల్లూరు, కృష్ణా, విశాఖల ఎమ్మెల్యే టికెట్ కేటాయింపులపై సీఎం జగన్ నేతలతో చర్చలు జరపనున్నారు. ఈరోజు లేదా రేపు వైసీపీ ఎమ్మెల్యే అభ్యర్థుల ఫైనల్ లిస్ట్ వచ్చే అవకాశం ఉన్నట్లు సమాచారం.

ALSO READ: గుడ్ న్యూస్.. నేడే అకౌంట్లోకి డబ్బు జమ