Talliki Vandanam Guidelines: రేషన్ కార్డు మస్ట్.. కారు ఉంటే రాదు - తల్లికి వందనం గైడ్‌లైన్స్

Talliki Vandanam Guidelines

• మొత్తం కుటుంబ ఆదాయం గ్రామీణ ప్రాంతాల్లో నెలకు రూ.10,000 మించకూడదు. పట్టణ ప్రాంతాల్లో నెలకు రూ.12,000 మించకూడదు.
• కుటుంబంలో కనీసం ఒక వ్యక్తికి రైస్ కార్డు ఉండాలి.
• కుటుంబం మొత్తానికి తడి భూమి 3 ఎకరాల కంటే తక్కువ ఉండాలి. లేదా 10 ఎకరాల కంటే తక్కువ పొడి భూమి ఉండాలి.. లేదా రెండూ కలిపి 10 ఎకరాల కంటే తక్కువ ఉండాలి. 
• ఇంటి సభ్యులలో ఎవరికైనా నాలుగు చక్రాల వాహనం ఉండకూడదు. టాక్సీ, ట్రాక్టర్లు, ఆటోలు మినహాయింపు ఇచ్చారు. 
• నెలకు విద్యుత్ వాడకం సంవత్సరానికి సగటున 300 యూనిట్లు మించకూడదు
  

Also Read: 15 ఏళ్లలోపు పిల్లలకు సోషల్ మీడియా నిషేధం.. !

• లబ్దిదారుని కుటుంబానికి 1000 చదరపు అడుగులు లేదా అంతకంటే ఎక్కువ విస్తీర్ణంలో మున్సిపల్ ఆస్తి ఉండకూడదు.
• కేంద్ర, రాష్ట్ర ప్రభుత్వాలలో జాబ్ చేస్తున్న వారి పిల్లలు ఈ పథకానికి అనర్హులు.
• ప్రభుత్వ పింఛన్‌ (రిటైర్డ్ ఉద్యోగులకు సంబంధించి) తీసుకునే కుటుంబ సభ్యుల్లో ఎవరైనా అనర్హులు. పారిశుధ్య కార్మికులకు మినహాయింపు ఉంది.  
• ఒక కుటుంబంలోని ఎవరైనా సభ్యుడు ఆదాయపు పన్ను చెల్లిస్తున్నట్లయితే.. ఆ కుటుంబం అర్హులు కాదు.
• ఆంధ్రప్రదేశ్ రాష్ట్రంలోని హౌస్‌హోల్డ్ డేటాబేస్‌లో లబ్ధిదారుడిని చేర్చి ఉండాలి. ఒకవేళ లబ్ధిదారుడు హౌస్‌హోల్డ్ డేటాబేస్‌లో లేకపోయినా.. పిల్లవాడు డేటాబేస్‌లో ఉంటే లబ్ధిదారుడిని మ్యాప్ చేయడానికి GSWS విభాగం ఫీల్డ్ వెరిఫికేషన్ నిర్వహించాలి.

Also Read: రైల్వే ప్రయాణికులకు అదిరిపోయే శుభవార్త.. వెయిటింగ్ లిస్ట్‌పై కీలక నిర్ణయం!

• లబ్ధిదారుడి పిల్లలు ఆంధ్రప్రదేశ్ ప్రభుత్వం గుర్తించిన ప్రభుత్వ/ప్రైవేట్ ఎయిడెడ్/ప్రైవేట్ అన్ ఎయిడెడ్ పాఠశాలలు/జూనియర్ కళాశాలల్లో ITI/పాలిటెక్నిక్/IIIT (RGUKT), ఫీజు రీయింబర్స్‌మెంట్ ద్వారా ప్రయోజనం పొందే ఇతర కోర్సులను ఎంచుకునే విద్యార్థులను పరిగణనలోకి తీసుకోరు.
• స్వచ్ఛంద సంస్థల ద్వారా పాఠశాలల్లో చేరిన అనాథలు, వీధి పిల్లలు సంబంధిత శాఖతో నిర్ధారణకు లోబడి ఈ ప్రయోజనం పొందడానికి అర్హులు. 

Also Read :  టాలీవుడ్ లో మరో విషాదం.. ప్రముఖ నిర్మాత కన్నుమూత!

• విద్యార్థి తల్లి అకౌంట్ యాక్టివ్‌గా ఉండాలి. తల్లి బ్యాంక్ ఖాతా NPCI తో లింక్ చేసుకోవాలి. 
• ఈ విద్యా సంవత్సరంలో 75% హాజరు ఉన్న విద్యార్థి నెక్స్ట్ ఇయర్‌కి ఆర్థిక సహాయం పొందుతారు. ఒకవేళ చదువును ఆపివేసినా లేదా ఆ విద్యా సంవత్సరంలో 75% హాజరు లేకపోయినా అర్హులు కారు.
• 2025-26 విద్యా సంవత్సరానికి నమోదు ప్రక్రియ పూర్తయిన తర్వాత ఫస్ట్ క్లాస్ నుంచి ఇంటర్ ఫస్ట్ ఇయర్ నమోదు చేసుకున్న విద్యార్థులను ఆర్థిక సహాయం కోసం పరిగణనలోకి తీసుకుంటారు.