Sankranthi 2025: శ్రీకాకుళానికి 6 స్పెషల్ ట్రైన్స్.. ఎప్పట్నుంచంటే?

దక్షిణ మధ్య రైల్వే మరో గుడ్ న్యూస్ తెలిపింది. మరికొన్ని స్పెషల్ ట్రైన్‌లను ఏర్పాటు చేసింది. సంక్రాంతి రద్దీని దృష్టిలో ఉంచుకుని శ్రీకాకుళానికి ప్రత్యేక రైళ్లను నడపనున్నట్లు తెలిపింది. ఈ మేరకు ఒక ప్రకటన రిలీజ్ చేసింది. దాని ప్రకారం.. కాచిగూడ - శ్రీకాకుళం, చర్లపల్లి - శ్రీకాకుళం మధ్య దాదాపు 6 స్పెషల్ సర్వీసులు నడపనున్నారు. 

కాచిగూడ - శ్రీకాకుళం రోడ్ మధ్య - జనవరి 11, 12, 15, 16 తేదీల్లో రాకపోకలు జరగనున్నాయి. 

అలాగే చర్లపల్లి - శ్రీకాకుళం రోడ్ మధ్య - జనవరి 8, 9 తేదీల్లో రెండు స్పెషల్ ట్రైన్స్ నడవనున్నాయి.

Also Read : భారత్‌లో చైనా కొత్త వైరస్ టెన్షన్ .. లాక్ డౌన్ పక్కానా?

కాచిగూడ -  శ్రీకాకుళం రోడ్ మధ్య

కాచిగూడ -  శ్రీకాకుళం రోడ్ మధ్య (07615) ట్రైన్ జనవరి 11, 15 తేదీల్లో నడవనుంది. 
కాచిగూడలో సాయంత్రం 5.45 గంటలకు బయల్దేరి తర్వాతి రోజు ఉదయం 9 గంటలకు శ్రీకాకుళం రోడ్‌కు చేరుకుంటుంది. 

Also Read : మాట్లాడలేని పరిస్థితుల్లో హీరో విశాల్‌..అసలేమైందంటే!

శ్రీకాకుళం రోడ్ - కాచిగూడ మధ్య

అలాగే శ్రీకాకుళం రోడ్ - కాచిగూడ మధ్య జనవరి 12, 16 తేదీల్లో నడవనుంది. 
శ్రీకాకుళంలో మధ్యాహ్నం 2.45 గంటలకు బయల్దేరి తర్వాతి రోజు ఉదయం 7.35 గంటలకు కాచిగూడ చేరుకుంటుంది. అయితే ఈ రైలులో అన్నీ థర్డ్‌ ఏసీ కోచ్‌లే ఉండటం గమనార్హం. 

ఈ ట్రైన్ మల్కాజ్‌గిరి, చర్లపల్లి, నల్గొండ, మిర్యాలగూడ, సత్తెనపల్లి, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట, అన్నవరం, అనకాపల్లి, దువ్వాడ, పెందుర్తి, కొత్తవలస, విజయనగరం, చీపురుపల్లి, పొందూరు స్టేషన్లలో ఆగనుంది. 

Also Read : ఇన్ఫోసిస్ ఉద్యోగులకు బిగ్ షాక్.. ఆ కంపెనీలు కూడా..!

చర్లపల్లి - శ్రీకాకుళం రోడ్ మధ్య

చర్లపల్లి - శ్రీకాకుళం రోడ్ మధ్య (07617) ట్రైన్ జనవరి 8న నడవనుంది. 
చర్లపల్లిలో రాత్రి 7.20 గంటలకు బయల్దేరి మరుసటి రోజు ఉదయం 9 గంటలకు శ్రీకాకుళం రోడ్ చేరుకోనుంది. 

శ్రీకాకుళం - చర్లపల్లి మధ్య

Also Read : ఆ ఫ్లైఓవర్‌కు మన్మోహన్ సింగ్ పేరు.. సీఎం రేవంత్ కీలక ప్రకటన

శ్రీకాకుళం - చర్లపల్లి మధ్య (07618) ట్రైన్ జనవరి 9న నడవనుంది. 
శ్రీకాకుళంలో మధ్యాహ్నం 2.45 గంటలకు బయల్దేరి తర్వాతి రోజు ఉదయం 6.30 గంటలకు చర్లపల్లి చేరుకోనుంది. ఈ రైలులో ఫస్డ్‌ ఏసీ, సెకండ్‌ ఏసీ, థర్డ్‌ ఏసీ, స్లీపర్‌, జనరల్‌ కోచ్‌లు ఉంటాయి. 

ఈ రైలు నల్గొండ, మిర్యాలగూడ, సత్తెనపల్లి, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట, అన్నవరం, అనకాపల్లి, దువ్వాడ, పెందుర్తి, కొత్తవలస, విజయనగరం, చీపురుపల్లి, పొందూరు స్టేషన్లలో ఆగనుంది.