AP News: ఆరోగ్యానికి, మానసిక ప్రశాంతతకు యోగా ఎంతో ముఖ్యం: విశాఖ కలెక్టర్

AP News: విశాఖపట్నంలో జూన్ 21న జరగబోయే అంతర్జాతీయ యోగ దినోత్సవాన్ని పురస్కరించుకొని జిల్లా ప్రజలంతా ఇందులో పాల్గొనాలని జిల్లా కలెక్టర్ డా. హరేండ్రప్రసాద్ పిలుపునిచ్చారు. ఆరోగ్యానికి, మానసిక ప్రశాంతతకు యోగా ఎంతగానో దోహదపడుతోందని పేర్కొంటూ యోగా ప్రాముఖ్యతను ప్రజల్లోకి చాటి చెప్పే కార్యక్రమాల్లో ప్రతీ ఒక్కరూ భాగస్వాములు కావాలని ఆయన కోరారు. ఉద్యోగులు, ప్రభుత్వ శాఖలలో పని చేస్తున్న ఎన్‌జీఓలు, పాఠశాలలు, కళాశాలలు, క్రీడా వర్గాలు ఇలా ప్రతి వర్గానికీ యోగా దినోత్సవంలో పాల్గొనాలన్న బాధ్యత ఉందని కలెక్టర్ అన్నారు.

Also Read :  ఏపీలో రేషన్ మాఫియా అక్రమాల బాగోతం.. ప్రారంభమైన మరుసటి రోజే దందాలు

ఆరోగ్యం కోసం యోగా మార్గదర్శకంగా..

ఈ దినోత్సవానికి భాగంగా సన్నాహక కార్యక్రమాల పరంపరలో భాగంగా విశాఖపట్నం ఎంవిపి కాలనీ ప్రాంతంలోని ఎస్3 స్పోర్ట్స్ ఏరీనాలో ప్రత్యేక జలయోగ ప్రదర్శన నిర్వహించారు. ఆర్ట్ ఆఫ్ లివింగ్ సంస్థతో కలిసి జిల్లా యంత్రాంగం సంయుక్తంగా ఈ కార్యక్రమాన్ని నిర్వహించింది. ఈ సందర్భంగా డాక్టర్ యార్లగడ్డ గీతా శ్రీకాంత్ ఆధ్వర్యంలో నదిలోనే జలయోగ ప్రదర్శన ఆకట్టుకుంది. ఆమె నుదిటిపై దీపం పెట్టుకొని, అరచేతుల్లో జ్యోతులు వెలిగించుకొని నీటిలో యోగాసనాలను ప్రదర్శించారు. ఇది ప్రత్యక్షంగా వీక్షించిన కలెక్టర్ హరేండ్రప్రసాద్ ఈ వినూత్న ప్రదర్శనను ఎంతగానో అభినందించారు. జలయోగ ప్రదర్శన ద్వారా యోగా సాధనలో అంకితభావం, స్థిరత, నిగ్రహం ఎంత ముఖ్యమో చూపించగలిగారని అన్నారు.

ఇది కూడా చదవండి: సప్లిమెంట్స్ తీసుకోవడం అవసరమా లేదా? మాత్రలు సమతుల్య ఆహారాన్ని భర్తీ చేస్తాయా?

కేవలం నగరంలో మాత్రమే కాకుండా జిల్లా నలుమూలలా అంతర్జాతీయ యోగా దినోత్సవానికి సంబంధించి విస్తృత ప్రచారం జరగాలనీ గ్రామీణ ప్రాంతాల్లోని ప్రజలు కూడా యోగ సాధనలో పాల్గొనేలా చైతన్యం కల్పించాలన్నదే లక్ష్యంగా జిల్లా యంత్రాంగం ముందుకు సాగుతోందని కలెక్టర్ స్పష్టంచేశారు. ఆరోగ్యవంతమైన సమాజ నిర్మాణానికి యోగా మార్గదర్శకంగా నిలుస్తుందని పేర్కొన్నారు. అన్ని వర్గాల ప్రజలు ఇందులో భాగమై యోగా ప్రాధాన్యతను ప్రపంచానికి తెలియజేయాలని ఆయన కోరారు.

ఇది కూడా చదవండి: ఈ పీరియడ్స్ సంకేతాలను విస్మరించవద్దు.. తీవ్రమైన సమస్యలు తప్పవు!

Also Read :  ఓరెయ్ దరిద్రుడా.. భార్యతో బలవంతంగా గర్భస్రావం మాత్రలు మింగించి

( ap-news | yoga | International Day of Yoga 2025 | Latest News)