పెన్ను వివాదం.. హాస్టల్ బిల్డింగ్‌ పైనుంచి దూకి విద్యార్థిని సూసైడ్!

కొన్ని విషయాలు వినడానికి విచిత్రంగా అనిపిస్తాయి. చాలా చిన్న విషయానికే అంత పెద్ద నిర్ణయం తీసుకోవాలా అనేలా ఉంటాయి. క్షణకావేశంలో తీసుకున్న కొన్ని నిర్ణయాలు ప్రాణాలు పోయే పరిస్థితికి తీసుకువస్తాయి. తాజాగా అలాంటిదే జరిగింది. ఓ విద్యార్థిని క్షణకావేశంలో తీసుకున్న నిర్ణయం తన ప్రాణాలను బలి తీసుకుంది. ఈ ఘటన ఆంధ్రప్రదేశ్‌లోని పల్నాడు జిల్లాలో జరిగింది. పూర్తి వివరాల్లోకి వెళితే..

ఇది కూడా చూడండి: వైద్యుల నిర్లక్ష్యం.. ప్రైవేట్ ఆసుపత్రికి రూ.30 లక్షల జరిమానా!

పల్నాడు జిల్లా నరసరావుపేటలో విషాదకరమైన ఘటన జరిగింది. పెన్ను విషయంలో తలెత్తిన గొడవ ఓ విద్యార్థిని ప్రాణం తీసింది. పల్నాడు జిల్లా బొల్లాపల్లి మండలం వెల్లటూరుకు చెందిన జెట్టి అనూష నరసరావుపేటలో భావన కాలేజీలో ఇంటర్ ఫస్ట్ ఇయర్ చదువుతోంది. అక్కడే ఒక ప్రైవేట్ కాలేజీ హాస్టల్‌లో ఉంటుంది. 

ఇది కూడా చూడండి: అయ్యప్ప భక్తులకు గుడ్ న్యూస్.. ప్రత్యేకంగా 26 రైళ్లు ఏర్పాటు

పెన్ను విషయంలో గొడవ

ఇవాళ ఉదయం హాస్టల్‌లోని మరో స్నేహితురాలితో పెన్ను విషయంలో అనూషకు గొడవ అయింది. దీంతో అనూష తీవ్ర మనస్థాపం చెంది హాస్టల్ ‌మీద నుంచి దూకేసింది. దాదాపు నాలుగో అంతస్తు నుంచి కిందికు దూకడంతో అక్కడికక్కడే మృతి చెందింది. అందుకు సంబంధించిన వీడియో సీసీ ఫుటేజీలో రికార్డు అయింది. ఈ ఘటన జరిగిన తర్వాత కాలేజీ యాజమాన్యం పోలీసులకు సమాచారం అందించింది. 

ఇది కూడా చూడండి: ఉన్నత హోదా ఇప్పిస్తామని.. హీరోయిన్ తండ్రికి రూ.25 లక్షలు టోకరా

దీంతో పోలీసులతో పాటు నరసరావుపేట ఆర్డీవో హేమలత, ఎంఆర్ఓ వేణుగోపాల్ ఘటనా స్థలానికి చేరుకున్నారు. మరోవైపు అనూష మృతిపై తమకు అనుమానం ఉందని ఆమె కుటుంబసభ్యులు ఆందోళనకు దిగారు. విద్యార్థిని ఆత్మహత్యపై కాలేజీ మేనేజ్‌మెంట్ సరైన సమాధానం చెప్పలేదని వారు ఆరోపించారు. ఇందులో భాగంగా హాస్టల్ ఎదుట బైఠాయించారు. తమకు న్యాయం జరగాలని డిమాండ్ చేశారు. 

ఇది కూడా చూడండి:  ట్రంప్ మరో విచిత్ర నిర్ణయం.. వ్యాక్సిన్లు వద్దన్న వ్యక్తికి హెల్త్ మినిస్ట్రీ!