ఏపీలో మెగా DSC అభ్యర్థులకు సర్కార్ అదిరిపోయే అప్డేట్ అందించింది. మెగా డీఎస్సీ పరీక్షలకు సంబంధించిన షెడ్యూల్‌ను ఏపీ విద్యాశాఖ రిలీజ్ చేసింది. ఈ మేరకు ఏపీ మెగా డీఎస్సీ (AP Mega DSC 2025)  హాల్ టికెట్లు విడుదలయ్యాయి. జూన్ 6వ తేదీ నుంచి జూన్ 30వ తేదీ వరకు DSC పరీక్షలు నిర్వహించనున్నట్లు విద్యాశాఖ తెలిపింది. అభ్యర్థులు అధికారిక వెబ్‌సైట్ నుంచి హాల్ టికెట్లు డౌన్‌లోడ్ చేసుకోవాలని అధికారులు తెలిపారు. 

పలు రాష్ట్రాల్లో పరీక్ష కేంద్రాలు

ఈ పరీక్షలకు తెలంగాణ, కర్ణాటక, తమిళనాడు, ఒడిశాలో ఉన్న అభ్యర్థులు అప్లై చేసుకోవడంతో ఆయా రాష్ట్రాల్లో కూడా పరీక్షలు ఏర్పాటు చేయనున్నారు. ఈ పరీక్షలను రెండు సెషన్లలో నిర్వహించనున్నారు. ప్రతిరోజు రెండు సెషన్లలో పరీక్షలు జరుగుతాయి. ఉదయం 9.30 గంటల నుంచి మధ్యాహ్నం 12 గంటల వరకు తొలి సెషన్ జరుగుతుంది. మధ్యాహ్నం 2.30 గంటల నుంచి సాయంత్రం 5 గంటల వరకు రెండో సెషన్‌ను ఏర్పాటు చేయనున్నారు. 

ఈ లింక్ క్లిక్ చేసి హాల్ టికెట్లు డౌన్‌లోడ్ చేసుకోండి.. https://apdsc.apcfss.in/

Also Read: పాకిస్తాన్ గేమ్ క్లోస్.. రక్షణ మంత్రి రాజ్‌నాథ్ సింగ్ డిమాండ్ ఏంటంటే?

ప్రాథమిక కీ తేదీ

ఈ పరీక్ష కంప్యూటర్ బేస్డ్ టెస్ట్ విధానంలో ఉంటుంది. లాస్ట్ ఎగ్జామ్ పూర్తయిన తర్వాత 2వ రోజు నుంచి ప్రాథమిక కీ రిలీజ్ చేయనున్నారు. ఈ ప్రాథమిక కీ పై అభ్యంతరాలు ఏవైనా ఉంటే వాటి కోసం 7 రోజుల సమయం ఇవ్వనున్నారు. ఇక అభ్యంతరాలు పూర్తైన తేదీ నుంచి మరో 7 రోజుల తర్వాత ఫైనల్ కీ రిలీజ్ చేయనున్నారు. ఇలా ఫైనల్ కీ రిలీజ్ చేసిన 7 రోజుల్లో DSC రిజల్ట్స్ ప్రకటించనున్నారు. 

16,347 టీచర్‌ పోస్టులు

ఏపీలోని ప్రభుత్వ స్కూల్‌లలో ఖాళీగా ఉన్న 16,347 టీచర్‌ పోస్టుల భర్తీ కోసం సర్కార్ నోటిఫికేషన్ రిలీజ్ చేసింది. ఏప్రిల్ 20 నుంచి మే 15 వరకు దరఖాస్తులు స్వీకరించారు. ఈ పోస్టులకు మొత్తం 3.35 లక్షల మంది దరఖాస్తు చేసుకున్నారు. ఇతర రాష్ట్రాల నుంచి దరఖాస్తులు రావడంతో మొత్తం 5, 77, 417 అప్లికేషన్లు వచ్చినట్లు తెలుస్తోంది. ఇతర రాష్ట్రాల నుంచి 7159 మంది దరఖాస్తు చేసుకున్నారు.  అదే సమయంలో ఏపీలోని ఉమ్మడి కర్నూలు జిల్లాలో అత్యధికంగా 39,997 మంది మెగా డీఎస్సీకి అప్లై చేసుకున్నారు. అత్యల్పంగా 15, 812 మంది కడప జిల్లా నుంచి దరఖాస్తు చేసుకున్నారు.