సోషల్ మీడియా యూజర్లకు సీఎం వార్నింగ్.. అలా చేస్తే పీడీ యాక్ట్‌ కేసు!

AP News : సోషల్ మీడియా యూజర్లకు ఏపీ సీఎం చంద్రబాబు సీరియస్ వార్నింగ్ ఇచ్చారు. అసాంఘిక, సంఘ విద్రోహ, వివాదాస్పద పోస్టులు పెడితే ఇకపై పీడీ యాక్ట్‌ కేసులు నమోదు చేస్తామని హెచ్చరించారు. అంతేకాదు పీడీ యాక్టు కేసుకు సంబంధించిన చట్టాల్లోనూ కీలక మార్పులు చేసేందుకు చట్ట సవరణ బిల్లుకు రాష్ట్ర మంత్రివర్గం ఆమోదం కూడా తెలిపింది. మరో 10 నేరాలను ఇందులో చేర్చబోతున్నట్లు బాబు సర్కార్ ప్రకటించింది. ఈ మేరకు ముఖ్యమంత్రి చంద్రబాబు అధ్యక్షతన బుధవారం జరిగిన మంత్రివర్గ సమావేశంలో కీలక నిర్ణయాలు తీసుకున్నారు. భూకబ్జాలు, రేషన్‌ బియ్యం అక్రమాలు, రవాణా, విక్రయం, ఎగుమతులు వంటి నేరాలకు పాల్పడేవారిపైనా పీడీ యాక్ట్ కేసులు నమోదు చేయనుంది. 

Also Read :  మల్లారెడ్డి ఆస్పత్రిపై కేసు నమోదు.. వారే చంపేశారంటూ రోగి బంధువులు..!

కర్నూలులో హైకోర్టు బెంచ్‌..

ఇక ఎన్నికల్లో ఇచ్చిన హామీ మేరకు కర్నూలులో హైకోర్టు బెంచ్‌ ఏర్పాటు చేయాలని నిర్ణయం ఏసీ సర్కార్ నిర్ణయించింది. ఈ ప్రతిపాదనను కేంద్ర ప్రభుత్వానికి పంపించడంతోపాటు కర్నూలు కేంద్రంగా పనిచేస్తున్న లోకాయుక్త, మానవ హక్కుల కమిషన్‌ వంటి న్యాయ సంబంధిత సంస్థలను అక్కడే కొనసాగించాలన్న ప్రతిపాదనలు చేసింది.

ఇది కూడా చదవండి: గౌతమ్ అదానీకి అరెస్ట్ వారెంట్.. అతని అల్లునిపై కూడా..

ఇందులో భాగంగానే పర్యాటక రంగానికి పారిశ్రామిక హోదా ప్రతిపాదనను ఆమోదించడంతోపాటు పర్యాటక ప్రాజెక్టులకూ పెట్టుబడి రాయితీ ఇచ్చేందుకు ఆమోదం తెలిపింది. మైక్రో ప్రాజెక్టులకు రూ.1.50 కోట్లు, మధ్యతరహా వాటికి రూ.7.5 కోట్లు, మెగా ప్రాజెక్టులకు రూ.25 కోట్లు, అల్ట్రా మెగా ప్రాజెక్టులకు రూ.40 కోట్ల వరకు గరిష్ఠంగా రాయితీలు ఇవ్వనున్నట్లు ప్రకటించింది. రాష్ట్రంలోనూ థింసా వంటి ప్రత్యేక నృత్యాలు, కళలు, సంస్కృతులను ప్రోత్సహించాలని సూచించారు.  దేశంలోనే మొదటి స్థానంలో ఉన్న హరియాణాను మించి ప్రోత్సాహకాలు ఇచ్చే కొత్త క్రీడల విధానానికి మంత్రివర్గం ఆమోదం తెలిపింది. గంజాయి, మాదకద్రవ్యాల్ని అరికట్టేందుకు ఏర్పాటు చేసిన యాంటీ నార్కొటిక్‌ టాస్క్‌ఫోర్స్‌కు ఈగల్‌ (ఎలైట్‌ యాంటీ నార్కొటిక్స్‌ గ్రూప్‌ ఫర్‌ లా ఎన్‌ఫోర్స్‌మెంట్‌) అని పేరు పెట్టాలని చంద్రబాబు నిర్ణయించారు. 

Also Read :  మానవత్వం మంటగలిసింది.. కాపాడండి బాబూ అంటున్నా కనికరించలేదు!

Also Read :  నేడు, రేపు ట్రాఫిక్ ఆంక్షలు.. ఈ రూట్‌లో వెళ్లారో బుక్కవ్వడం ఖాయం..