మహిళను ఈడ్చుకెళ్లి గెంటేసిన విమాన సిబ్బంది.. వైరల్ అవుతున్న వీడియో!

ఎయిర్ ఇండియా ఎక్స్‌ప్రెస్ విమానం నుంచి ఓ మహిళను బలవంతంగా దింపుతున్న వీడియో నెట్టింట తెగ వైరల్ అవుతోంది. సూరత్ నుంచి బెంగళూరు వెళ్తున్న ఎయిర్ ఇండియా విమానంలో ఇద్దరు భద్రతా అధికారులు ఒక మహిళను బయటకు గెంటేశారు. అయితే ఆమె తన సీటు గురించి భద్రతా సిబ్బందితో గొడవ పెట్టుకుందని తోటి ప్రయాణికులు చెబుతున్నారు. ఫ్లైట్ ఎక్కినప్పటి నుంచి సీటు కోసం అరుస్తూ.. క్యాబిన్ సిబ్బందితో దుర్భాషలాడిందని అంటున్నారు.

ఇది కూడా చూడండి: నేటి నుంచి అమల్లోకి రానున్న కొత్త రూల్స్ ఇవే!

గొడవలు ఎందుకు సృష్టిస్తారు

దీనివల్ల ఒక గంట పాటు విమానం ఆలస్యం అయ్యింది. దీనికి సంబంధించిన వీడియో క్లిప్ నెట్టింట వైరల్ అవుతోంది. అయితే ఒక మహిళను ఎందుకు అలా బయటకు నెట్టివేశారని నెటిజన్లు సోషల్ మీడియాలో స్పందిస్తూ విమాన సిబ్బందిపై మండిపడ్డారు. దీనికి మరొక నెటిజన్ స్పందిస్తూ.. ఏ కారణం లేకుండా విమాన సిబ్బంది అలా చేయరు కదా అని కామెంట్ చేశారు. మరొకరు ఏ కారణం లేకుండా ప్రజలు ఎక్కువగా గొడవలను ఎందుకు సృష్టిస్తారో అని కామెంట్లు చేస్తున్నారు. మరి ఈ వీడియో చూస్తే మీకు ఏం అనిపిస్తుంది.

ఇది కూడా చూడండి: Telangana: మిస్టర్ రంగనాథ్‌..అంటూ జడ్జి ప్రశ్నల వర్షం!