/rtv/media/agency_attachments/K5tL8SzMSJHtxzCWWrSl.png)
/rtv/media/media_files/2024/11/07/1cSe6xroa2s8jAftOiFV.jpg)
రాష్ట్రవ్యాప్తంగా రోడ్డు ప్రమాదాలు పెరిగిపోతున్నాయి. ర్యాష్ డ్రైవింగ్, డ్రంక్ అండ్ డ్రైవ్ వల్ల ఎంతో మంది ప్రాణాలు కోల్పోతున్నారు. అయితే ఈ ప్రమాదంలో ఎక్కువగా యువతే ప్రాణాలు విడుస్తున్నట్లు ఇప్పటికే పోలీసులు తెలిపారు. ఇందులో భాగంగానే రోడ్డు ప్రమాదాలను నివారించేందుకు ఎప్పటికప్పుడు తనిఖీలు నిర్వహిస్తున్నారు.
ర్యాష్ డ్రైవింగ్ చేసే వారిపై కఠిన చర్యలు తీసుకుంటున్నారు. అదే సమయంలో డ్రంక్ అండ్ డ్రైవ్ లో పట్టుబడిన వారిపై సైతం కేసులు పెట్టి శిక్షలు విధిస్తున్నారు. ఎన్ని కఠిన చర్యలు తీసుకున్నా వారిలో మార్పు రావడం లేదు. అంతకంతకు మరింత ఎక్కువ చేస్తున్నారు. దీంతో విసుగెత్తిపోయిన న్యాయస్థానం అనూహ్య తీర్పును వెలువరించింది.
డ్రంక్ అండ్ డ్రైవ్ వాహన తనిఖీలు
డ్రంక్ అండ్ డ్రైవ్ కేసులో పట్టుబడిన వారికి సరైన శిక్ష విధించింది. ఇందులో భాగంగానే ఇటీవల మంచిర్యాల జిల్లా కేంద్రంలో పోలీసులు డ్రంక్ అండ్ డ్రైవ్ వాహన తనిఖీలు నిర్వహించగా.. దాదాపు 27 మందిని అదుపులోకి తీసుకున్నారు. వారిని ట్రాఫిక్ పోలీసులు న్యాయస్థానంలో హాజరుపరిచారు. ఇందులో భాగంగానే ఈ కేసును పరిశీలించిన మంచిర్యాల మొదటి అదనపు ప్రథమ శ్రేణి న్యాయమూర్తి ఉపనిషద్విని ఊహించని తీర్పు ఇచ్చారు.
ఊహించని తీర్పు
డ్రంక్ అండ్ డ్రైవ్ లో పట్టుబడిన వారంతా గురువారం నుంచి సుమారు వారం రోజుల పాటు స్థానిక మాతాశిశు సంరక్షణ కేంద్రంలో పారిశుద్ధ్య పనులు చేయాలని తీర్పునిచ్చారు. ఇందులో భాగంగానే వాహనదారులు నింబంధనలు పాటించాలని లేనియెడల కఠన చర్యలు తప్పవని ట్రాఫిక్ సీఐ సత్యన్నారాయణ తెలిపారు.
Also Read : నాని - శ్రీకాంత్ ఓదెల మూవీకి డిఫరెంట్ టైటిల్.. అస్సలు ఉహించలేదే