TG TET 2025: టీజీ టెట్ ఎగ్జామ్ షెడ్యూల్ విడుదల.. పరీక్షలు ఎప్పట్నుంచంటే?

తెలంగాణ టెట్‌ 2025 (TG TET 2025) పరీక్షల షెడ్యూల్‌ను పాఠశాల విద్యాశాఖ విడుదల చేసింది. ఈ పరీక్షలు జూన్ 18వ తేదీ నుంచి 30వ తేదీ వరకు రెండు షిఫ్ట్‌ల్లో పరీక్షలు జరగనున్నాయి. వీటిని పేపర్ 1, పేపర్ 2గా విభజించారు. కాగా జూన్ 15 నుంచి పరీక్షలు నిర్వహిస్తామని నోటిఫికేషన్‌లో పేర్కొన్నప్పటికీ జూన్ 18 నుంచి నిర్వహిస్తుండటం గమనార్హం. 

ఈ లింక్ క్లిక్ చేసి పూర్తి వివరాలు తెలుసుకోండి - https://tgtet.aptonline.in/tgtet/

రెండు షిఫ్ట్‌లలో

ఉదయం 9 గంటల నుంచి 11 గంటల వరకు ఒక షిఫ్ట్‌, మధ్యాహ్నం 2 గంటల నుంచి 4.30 గంటల వరకు మరో షిఫ్ట్‌లో పరీక్షలు జరుగుతాయి. కాగా ఏప్రిల్‌ 15 నుంచి 30 వరకు దరఖాస్తులు స్వీకరించారు. జూన్‌ 9 నుంచి హాల్‌టికెట్లు అందుబాటులోకి వచ్చే ఛాన్స్ కనిపిస్తుంది.

పరీక్ష పేపర్లు ఇంగ్లీష్, తెలుగు మాధ్యమాల్లో ఉంటాయి. కొన్ని సబ్జెక్టులకు హిందీ, కన్నడ, తమిళం, మరాఠీ, ఉర్ధూ, బెంగాలీ, సంస్కృతం మాధ్యమాల్లో అవకాశం ఇచ్చారు. 

ఈ టెట్ పరీక్షలు మొదటగా మాథమెటిక్స్ అండ్ సైన్ (పేపర్ -2) పరీక్షతో స్టార్ట్ అవుతాయి. 16 సెషన్లలో వివిధ సబ్జెక్టులకు పరీక్షలు నిర్వహిస్తారు. చివరి రోజు మైనారిటీ భాషలో పేపర్2 మాథమెటిక్స్, సైన్స్ అండ్ సోషల్ స్టడీస్ ఎగ్జామ్స్ నిర్వహించనున్నారు. 

పరీక్షా కేంద్రాలు

ప్రతి జిల్లాలో కేంద్రాలను ఏర్పాటు చేశారు. నల్గొండ, ఖమ్మం, హైదరాబాద్, వరంగల్, సిరిసిల్ల, మంచిర్యాల, ములుగు, మహబూబ్‌నగర్, మెదక్, నిజామాబాద్, జగిత్యాల, పటాన్‌చెరు, సంగారెడ్డి వంటి జిల్లాల్లో పరీక్ష కేంద్రాలు ఏర్పాటు చేశారు. కాగా 1,83,653 దరఖాస్తులు వచ్చాయి. అందులో పేపర్‌ 1కు 63,261మంది, పేపర్‌-2కు 1,20,392మంది దరఖాస్తు చేసుకున్నారు. 

Also Read: కెప్టెన్ మారాడు కథ మారింది..

tg-tet-exam | tg-tet-notification