Batti Vikramarka: తెలంగాణ ఉద్యోగులకు గుడ్‌న్యూస్..

Batti Vikramarka: తెలంగాణలో ఉద్యోగులకు రేవంత్ సర్కార్‌ గుడ్‌న్యూస్ చెప్పింది. పెండింగ్‌ బిల్లులకు సంబంధించి రూ.707.30 కోట్ల నిధులు విడులయ్యాయి. డిప్యూటీ సీఎం భట్టి విక్రమార్క దీనికి సంబంధించి ఆదేశాలు జారీ చేశారు. ప్రతినెల ఉద్యోగుల కోసం రూ.700 కోట్లకు పైగా నిధులు విడుదల చేస్తామని ఉద్యోగ సంఘాలకు ప్రభుత్వం హామీ ఇచ్చిన సంగతి తెలసిందే. ఈ నేపథ్యంలో తాజాగా నవంబర్‌ నెలలో కూడా ప్రభుత్వం ఉద్యోగుల బకాయిలు చెల్లించనుంది. అయితే ఇందులో గ్రాట్యూటీ, జీపీఎఫ్‌, సరెండర్ లీవ్స్, అడ్వాన్స్‌లకు సంబంధించిన బిల్లులు కూడా ఉన్నాయని ప్రభుత్వ వర్గాలు తెలిపాయి. 

Also Read: 90 ఏళ్ల వయసులో తగ్గేదే లే అంటున్న తాతా.. పంచాయతీ ఎన్నికల్లో పోటీ

ఇదిలాఉండగా రాష్ట్రంలో విద్యుత్ అవసరాలు తీర్చేందుకు ప్రత్యేక ప్లాన్‌లను రూపొందించినట్లు భట్టి విక్రమార్క తెలిపారు. రాష్ట్రంలో విద్యుత్ పరిస్థితి, భవిష్యత్‌ అవసరాలపై మాట్లాడారు. విద్యుత్‌ డిమాండ్‌పై పవర్ పాయింట్ ప్రజంటేషన్ ఇచ్చారు. 2047 నాటికి రాష్ట్రాన్ని 3 ట్రిలియన్ డాలర్ల ఎకానమీగా అభివృద్ధి చేసే లక్ష్యంతో ప్రభుత్వం ముందుకెళ్తోందని అన్నారు. విద్యుత్ రంగంలో మరింత పెట్టుబడులు పెరగాలని అన్నారు. 

Also Read: వంట చేయకూడదని దళిత మహిళకు అవమానం.. ఆరుగురికి జైలుశిక్ష

2047 నాటికి లక్ష మెగావాట్ల విద్యుత్‌ అవసరం ఉంటుందని చెప్పారు. అయితే విద్యుత్‌ స్టోరేజ్‌పై ఇప్పటిదాకా ఎలాంటి ప్లాన్‌లు చేయలేదని తెలిపారు. విద్యుత్‌ను బ్యాటరీ స్టోరేజ్, పంప్‌డ్ స్టోరేజ్‌లో అందుబాటులోకి తీసుకురావాలని ప్రభుత్వం భావిస్తున్నట్లు పేర్కొన్నారు. రాష్ట్రంలో 12 ప్రాంతాల్లో పంప్‌డ్‌ స్టోరేజ్‌ పాయింట్లకు ఛాన్స్ ఉన్నట్లు పేర్కొన్నారు.