Sarpanch Elections: ముగిసిన మొదటి దశ నామినేషన్ల స్వీకరణ.. రాత్రివరకు కొనసాగిన ప్రక్రియ

తెలంగాణలో మొదటి దశ ఎన్నికలకు సంబంధించి నామినేషన్ల స్వీకరణ శనివారం ముగిసింది. రాష్ట్రవ్యాప్తంగా 189 మండలాల్లో 4236 పంచాయతీలు, 37,400 వార్డులకు నామినేషన్లు స్వీకరించారు. శనివారం రాత్రి వరకు ఈ ప్రక్రియ కొనసాగింది. నామినేషన్లు దాఖలు చేసేందుకు సాయంత్రం 5 గంటల వరకే గడువు ఉంది. పలు జిల్లాల్లో చూసుకుంటే నామినేషన్లు దాఖలు చేసేందుకు ఎక్కువమంది వచ్చారు. ఈ క్రమంలోనే సాయంత్రం 5 గంటల వరకు వచ్చిన వాళ్లందరి నుంచి నామినేషన్లు స్వీకరించారు. దీంతో రాత్రి వరకు కూడా ఈ ప్రక్రియ కొనసాగింది. 

Also Read: తెలంగాణ రైజింగ్ 2047.. యువతకు 1.41 కోట్ల ఉద్యోగాలు

శనివారం ఒక్కరోజునే సర్పంచ్‌ స్థానాలకు 20 వేలకు పైగా నామినేషన్లు దాఖలయ్యాయి. వార్డు సభ్యుల స్థానాలకు 50 వేలకు పైగా నామినేషన్లు వచ్చాయి. దీనికి సంబంధించిన వివరాలు ఆదివారం అధికారికంగా విడుదల కానున్నాయి. సాంకేతికంగా చెల్లుబాటు అయ్యే నామినేషన్ల వివరాలను మాత్రమే అధికారులు ప్రకటిస్తారు. వీటిపై అప్పీళ్లను డిసెంబర్ 1వ తేదీన స్వీకరిస్తారు. 2వ తేదీన పరిష్కరిస్తారు. నామినేషన్ల ఉపసంహరణకు డిసెంబర్ 3వ తేదీ తుది గడువు.

Also Read: రికార్డు ధర పలుకుతున్న ఏకగ్రీవ ఎన్నికలు.. ఆ గ్రామంలో రూ.51 లక్షలు

ఇక నవంబర్ 30 నుంచి రెండో విడత ఎన్నికలకు నామినేషన్లు స్వీకరించనున్నారు. రెండో విడుతలో 193 మండలాల్లో 4,333 గ్రామపంచాయతీలు, 38,350 వార్డులకు ఎన్నికలు జరగనున్నాయి.  డిసెంబర్ 3 నుంచి మూడో దశ నామినేషన్లు స్వీకరించనున్నారు. డిసెంబర్ 11, 14, 17 తేదీల్లో మూడు దశల్లో ఎన్నికలు జరగనున్న సంగతి తెలిసిందే. పోలింగ్ రోజే ఓట్లు లెక్కించి ఫలితాలు విడుదల చేయనున్నారు.