Maha Shivaratri 2025: మహాశివరాత్రి స్పెషల్.. ఆలయంలో రాజకీయ నాయకుల పూజలు!

మహాశివరాత్రి సందర్భంగా తెలంగాణ మినిస్టర్ పొన్నం ప్రభాకర్ దక్షిణకాశీగా పేరొందిన ప్రసిద్ద శైవ క్షేత్రం రాజన్న సిరిసిల్ల జిల్లా వేములవాడ శ్రీ రాజరాజేశ్వర స్వామి ఆలయంలో పూజలు చేశారు.

ఈ వేడుకల్లో పొన్నం ప్రభాకర్, ప్రభుత్వ విప్ వేములవాడ శాసనసభ్యులు ఆది శ్రీనివాస్ పాల్గొన్నారు. ఈ సందర్భంగా స్వామివారికి పట్టువస్త్రాలు సమ ర్పించారు.

అలాగే మహాశివరాత్రి పర్వదినాన్ని పురష్కరించుకుని భక్తులు కూడా వేములవాడ శ్రీ రాజరాజేశ్వర స్వామి ఆలయానికి పోటెత్తారు.

మహాశివరాత్రి సందర్భంగా మహబూబాబాద్ జిల్లా, కురవి మండల కేంద్రంలోని ప్రముఖ పుణ్యక్షేత్రం భద్రకాళి సమేత శ్రీ వీరభద్ర స్వామి వారిని మాజీ మంత్రి, శాసనమండలి బి.ఆర్.ఎస్ పార్టీ విప్ సత్యవతి రాథోడ్ దర్శించుకుని ప్రత్యేక పూజలు చేశారు.

మహాశివరాత్రి పర్వదినం సందర్భంగా మధిర పట్టణంలోని శివాలయంలో తెలంగాణ డిప్యూటీ సీఎం భట్టి విక్రమార్క సతీసమేతంగా పూజలు నిర్వహించి స్వామి వారికి అభిషేకం చేయించారు.

మహాశివరాత్రి సందర్భంగా కీసరలో శ్రీ రామలింగేశ్వర స్వామిని జోగినపల్లి సంతోష్ కుమార్, ఎమ్మెల్యే మల్లారెడ్డి దర్శించుకున్నారు.

మహా శివరాత్రి పర్వదినాన్ని పురస్కరించుకుని వేములవాడ శ్రీ రాజరాజేశ్వర స్వామి వారిని ఎమ్మెల్సీ కవిత దర్శించుకున్నారు.

మహాశివరాత్రి సందర్భంగా నార్కట్ పల్లి మండలం చెర్వుగట్టు దేవస్థానం శ్రీ పార్వతి సమేత జడల రామలింగేశ్వర స్వామి దేవస్థానంలో నకిరేకల్ ఎమ్మెల్యే వేముల వీరేశం దంపతులు ప్రత్యేక పూజలు చేశారు.