Harsha Sai: హర్షసాయికి బిగ్ రిలీఫ్.. హైకోర్టు ముందస్తు బెయిల్

యూ ట్యూబర్ హర్ష సాయికి హైకోర్టు ముందస్తు బెయిల్ మంజూరు చేసింది. తనపై పెట్టిన కేసు చెల్లదని హైకోర్టును హర్ష సాయి ఆశ్రయించారు. దీంతో హైకోర్టు ముందస్తు బెయిల్ మంజూరు చేసింది. హర్షసాయి తరఫున అడ్వకేట్ తానికొండ చిరంజీవి బెయిల్ పిటిషన్ దాఖలు చేశారు. హర్షసాయిపై పెట్టిన కేసు చెల్లదంటూ వాదనలు వినిపించారు. ఈ సందర్భంగా హర్ష సాయి లాయర్ మాట్లాడుతూ.. హర్షసాయిపై పెట్టిన అక్రమ కేసు చెల్లదన్నారు. కోర్టులో సాయి తన నిర్దోషిత్వాన్ని నిరూపించుకుని మేలిమి ముత్యంలా బయటకు వస్తాడన్నారు. మరింత బలమైన శక్తి గా మారి హర్ష సమాజానికి మరిన్ని సేవలు అందించాలని ఆకాక్షించారు.
ఇది కూడా చదవండి: రేవంత్‌ సర్కార్‌కు బిగ్ షాక్.. కులగణనకు బ్రేక్

గత నెలలో ఫిర్యాదు..

గత నెల 24న ఓ యువతి హర్షసాయిపై నార్సింగ్ పోలీసులకు ఫిర్యాదు చేసింది. తనను పెళ్లి పేరుతో శారీరకంగా వాడుకుని మోసం చేశాడని ఆరోపించింది. రూ.2 కోట్ల రూపాయలు సైతం తీసుకున్నాడని ఫిర్యాదులో పేర్కొంది. దీంతో హర్షసాయిపై కేసు నమోదైంది. అప్పటి నుంచి హర్షసాయి కోసం పోలీసులు గాలిస్తున్నాయి. ఏ క్షణమైనా ఆయన అరెస్ట్ అవుతాడన్న ప్రచారం సాగింది. అయితే.. హైకోర్టు ముందస్తు బెయిల్ ఇవ్వడంతో ఆయనకు ఊరట లభించింది. దీంతో ఒకటి లేదా రెండు రోజుల్లో ఆయన బయటకు వచ్చే అవకాశం ఉంది. 
ఇది కూడా చదవండి: డ్రగ్ టెస్ట్ కు రేవంత్.. కేటీఆర్ తరఫున వాదిస్తా.. రఘునందన్ సంచలనం

హర్షసాయి విషయానికి వస్తే.. అందరూ డబ్బులు సంపాదించడానికి యూట్యూబ్ వీడియోలు చేస్తే .. కానీ హర్ష సాయి మాత్రం డబ్బులను పంచుతూ వీడియోలు చేసేవాడు. తన యూట్యూబ్ మనీతో పేద వారికీ లక్షల రూపాయలు సాయం చేయడం, తన సబ్ స్క్రైబర్ల కోసం ఏకంగా ఫ్రీ పెట్రోల్ బంక్ ఓపెన్ చేయడం వంటి పనులు చేస్తూ అతి తక్కువ సమయంలోనే ఫుల్ పాపులర్ అయ్యాడు. 2018లో యూట్యూబర్ గా కెరీర్ మొదలు పెట్టిన హర్ష సాయి మొదటగా లైఫ్ స్టైల్, ఎడ్యుకేషన్ కు సంబంధించిన వీడియోలు చేసేవాడు. ఆ తర్వాత రూట్ మార్చిన హర్ష సామజిక సేవ చేయడం మొదలు పెట్టాడు. అనంతరం సోషల్ మీడియాలో ఫుల్ పాపులర్ గా మారాడు.

Also Read :  బాలయ్య ఫ్యాన్స్ కు నిర్మాత క్షమాపణలు.. 'NBK109' టైటిల్ అప్డేట్ లేదా?

Also Read :  తొలిసారిగా మహిళా వ్యోమగామిని అంతక్షంలోకి పంపిన చైనా..