Padi Kaushik Reddy: బీఆర్ఎస్ ఎమ్మెల్యే పాడి కౌశిక్ రెడ్డి అరెస్ట్!

TG: హుజురాబాద్ బీఆర్ఎస్ ఎమ్మెల్యే కౌశిక్ రెడ్డి అరెస్ట్ అయ్యారు. ఓ మీడియాకు ఇంటర్వ్యూ ఇచ్చి వెళ్తుండగా జూబ్లీహిల్స్ లోని వద్ద కరీంనగర్ వన్ టౌన్ పోలీసులు అదుపులోకి తీసుకున్నారు. కౌశిక్ రెడ్డిని కరీంనగర్ తరలిస్తున్నట్లు తెలుస్తోంది. ఈ మేరకు ఆదివారం కరీంనగర్ కలెక్టరేట్ సమీక్షా సమావేశంలో అధికార పార్టీ కాంగ్రెస్ ఎమ్మెల్యే సంజయ్ పట్ల కౌశిక్ దురుసుగా వ్యవహరించిన విషయం తెలిసిందే. కాగా తనను బూతులు తిట్టి, చేయి చేసుకున్నాడంటూ సంజయ్ పోలీసులకు ఫిర్యాదు చేశారు. అంతేకాదు స్పీకర్ కు సైతం సంజయ్ సోమవారం కంప్లైంట్ ఇచ్చారు. కౌశిక్ రెడ్డిపై కఠిన చర్యలు తీసుకోవాలని కోరారు. 

అసలేం జరిగిందంటే..

కరీంనగర్ జిల్లా కలెక్టర్ కార్యాలయంలో నిర్వహించిన మంత్రుల సమీక్ష సమావేశం రసాభాసగా మారింది. మంత్రుల సమక్షంలోనే ఎమ్మెల్యేలు పాడి కౌశిక్ రెడ్డి, సంజయ్ కొట్టుకున్నంత పని చేశారు. కరీంనగర్ జిల్లా ఇన్చార్జి మంత్రి ఉత్తమ్ కుమార్ రెడ్డి అధ్యక్షతన జరిగిన ఈ సమావేశానికి ఇతర మంత్రులు పొన్నం ప్రభాకర్, శ్రీధర్ బాబు, ఎమ్మెల్యేలు కూడా హాజరయ్యారు. అయితే, జగిత్యాల ఎమ్మెల్యే సంజయ్ మాట్లాడుతున్న సమయంలో బీఆర్ఎస్ ఎమ్మెల్యే పాడి కౌశిక్ రెడ్డి అభ్యంతరం తెలిపారు. సంజయ్ గత ఎన్నికల్లో బీఆర్ఎస్ తరఫున గెలిచి ఆ తర్వాత కాంగ్రెస్ లోకి వెళ్లిన సంగతి తెలిసిందే. ఇదే అంశాన్ని కౌశిక్ రెడ్డి నేటి మంత్రుల సమీక్షలో ప్రస్తావించారు. నువ్వు ఏ పార్టీ తరఫున గెలిచావు? ఆ తర్వాత ఏ పార్టీలోకి వెళ్లావు?... అసలు నీ పార్టీ ఏది? అంటూ కౌశిక్ రెడ్డి... సంజయ్ పై మండిపడ్డారు. దాంతో, ఇద్దరు ఎమ్మెల్యేల మధ్య వాగ్వాదం నెలకొంది. ఇరువురు నేతలు పరుష పదజాలంతో తిట్లు అందుకున్నారు. ఒకరినొకరు నెట్టుకునే వరకు వెళ్లింది. దాంతో అక్కడున్న నేతలు కౌశిక్ రెడ్డిని నిలువరించారు. ఈ దశలో పోలీసులు రంగప్రవేశం చేసి కౌశిక్ రెడ్డిని సమీక్ష సమావేశం నుంచి బయటికి తీసుకుని వెళ్లారు.

ఇది కూడా చదవండి: KTR: కేటీఆర్ బంధువు హోటల్‌పై పోలీసుల దాడి.. 35 మంది ఒకేసారి!

రౌడీ షీట్ ఓపెన్..

బీఆర్ఎస్ ఎమ్మెల్యే కౌశిక్ రెడ్డికి కాంగ్రెస్ ప్రభుత్వం బిగ్ షాక్ ఇవ్వబోతున్నట్లు తెలుస్తోంది. ఆదివారం కరీంనగర్ కలెక్టరేట్ లో ఎమ్మెల్యే సంజయ్‌పై దాడి చేసిన కౌశిక్ రెడ్డిపై పోలీసులు రౌడీ షీట్ ఓపెన్  చేయనున్నట్లు తెలుస్తోంది. ఇప్పటికే కౌశిక్‌ రెడ్డిపై 3 వేర్వేరు కేసులు నమోదయ్యాయి. కరీంనగర్ ఆర్డివో ఇచ్చిన ఫిర్యాదుతో పాటు, లైబ్రరీ చైర్మన్ సత్తు మల్లేష్, ఎమ్మెల్యే సంజయ్ కుమార్ పీఏ కంప్లైట్ ఇచ్చారు. దీంతో పాడి కౌశిక్‌ రెడ్డిపై బీఎన్ఎస్ యాక్టు 132, 115 (2), 352,292 కేసులు ఫైట్ చేశారు. మరో ఫిర్యాదుపై కూడా 126 (2),115(2) సెక్షన్ల కింద పోలీసులు కేసులు నమోదయ్యాయి. 

ఇది కూడా చదవండి: Sajjanar: పెళ్లి పేరుతో న్యూడ్ వీడియో కాల్స్.. మ్యాట్రిమోనితో జాగ్రత్త