Rtvlive.com

RTV NEWS NETWORK

RTV NEWS NETWORK

Latest News Updates from Andhra Pradesh and Telangana

Mahua Moitra

Mahua Moitra: నా ఎనర్జీ సీక్రెట్ శృంగారం.. ఎంపీ మహువా మొయ్‌త్రా వీడియో వైరల్

Published on by

Mahua Moitra: తృణముల్ కాంగ్రెస్ నుంచి ఎంపీ అభ్యర్థిగా పోటీ చేస్తున్న మహువా మొయ్‌త్రా (Mahua Moitra) తన ప్రచారంలో చేసిన వ్యాఖ్యలు వైరల్ గా మారాయి. మీ ఎనర్జీకి కారణం ఏంటని అడిగిన ప్రశ్నకు ఆమె ‘సె*క్స్’ అంటూ ఆమె ఆన్సర్ ఇచ్చారు. మహువా ఈ ఎన్నికల్లో పశ్చిమ బెంగాల్ లోని కృష్ణానగర్ నుంచి ఎంపీ అభ్యర్థిగా బరిలో నిలిచారు. ఎన్నికల ప్రచారంలో ఆమె బిజీగా ఉన్నారు. ఈ సందర్భంగా ఇచ్చిన ఓ ఇంటర్వ్యూలో రిపోర్టర్ అడిన ప్రశ్నకు సమాధానంగా మహువా మొయ్‌త్రా ఈ వ్యాఖ్యలు చేసినట్లు తెలుస్తోంది. ఈ వ్యాఖ్యలను మహువా ఎలా సమర్థించుకుంటారు అన్నది ఆసక్తికరంగా మారింది. నెటిజన్లు మాత్రం ఈ వ్యాఖ్యలపై ఫైర్ అవుతున్నారు.

మహువా మొయిత్రా ఎంపీ సభ్యత్వాన్ని గతంలో రద్దు చేస్తూ పార్లమెంట్ తీర్మానం చేసింది. డబ్బులు తీసుకొని పార్లమెంట్ లో అదానీ గ్రూపునకు వ్యతిరేకంగా మహువా ప్రశ్నలు అడిగినట్లు వచ్చిన ఆరోపణలో ఈ నిర్ణయం తీసుకున్నారు. ఆమె పార్లమెంట్ లాగిన్ ఐడీ, ఇతరులకు షేర్ చేసిందన్న పార్లమెంట్ ఎథిక్స్ కమిటీ ఇచ్చిన నివేదిక ఆధారంగా మెహూవాపై పార్లమెంట్ వేటు వేసింది. అయితే.. తన వివరణను తీసుకోకుండానే తనను ఉరి తీయాలని ఎథిక్స్ కమిటీ డిసైడ్ అయ్యిందని మహువా మొయ్‌త్రా ఆ సమయంలో ఆవేదన వ్యక్తం చేశారు.

General Elections 2024: ఈ మహిళా అభ్యర్థులు మెషీన్‌ గన్‌లు.. లోక్‌సభ ఎన్నికల్లో పేలుతారా?

Published on by

ఎన్నికలు ఎప్పుడు జరిగినా మహిళా అభ్యర్థులపై ఓటర్ల ఫోకస్‌ ఎక్కవగా ఉంటుంది. అందులోనూ బాగా తెలిసిన మహిళలైతే వారు పోటి చేసే స్థానంవైపు దృష్టి మరలడం పక్కా. ఆ అభ్యర్థులు వేసే ప్రతీ అడుగును ఓటర్లు గమనిస్తుంటారు. ముఖ్యంగా ఫైర్ బ్రాండ్లగా పేరు తెచ్చుకున్న వాళ్లు సినీ తారలైతే మీడియా ఫోకస్‌ కూడా ఎక్కువగా ఉంటుంది. అదనంగా వారి గ్లామర్‌ ఎలాగో ఆకర్షిస్తుటుంది. రానున్న సార్వత్రిక ఎన్నికల కోసం రాజకీయ పార్టీలు అభ్యర్థులను ప్రకటించుకునే పనిలో బిజీగా ఉన్నాయి. ఈ విషయంలో బీజేపీ దూకుడు కనబరుస్తోంది. అటు కాంగ్రెస్‌ స్లో అండ్‌ స్టడీ విన్స్‌ ద రేస్‌ అనే సూత్రానికి కట్టుబడి ఉన్నట్టుగా అనిపిస్తోంది. ఇక దేశంలోని మిగిలిన ప్రాంతీయ పార్టీలు సైతం అభ్యర్థులను ప్రకటించుకునే పనిలో ఉన్నాయి. ఇక ఈసారి ఏడుగురు మహిళా అభ్యర్థులపై ఎక్కువగా దృష్టి నెలకొంది. వీరంతా ప్రభావవంతమైన మహిళా అభ్యర్థులు. వారు ఎవరో ఓ లుక్కేయండి.


స్మృతి ఇరానీ మరోసారి అమేథీ నుంచి పోటీ చేస్తున్నారు. 2019లో యూపీలోని అమేథీలో కాంగ్రెస్ అగ్రనేత రాహుల్ గాంధీపై గెలిచారు ఇరానీ. నాటి ఎన్నికల సమరంలో తన సత్తా ఏంటో నిరూపించుకున్నారు. ప్రస్తుతం కేంద్ర మంత్రిగా కొనసాగుతున్నారు.

మహువా మోయిత్రా పశ్చిమ బెంగాల్‌లోని కృష్ణానగర్ (లోక్‌సభ నియోజకవర్గం) నుంచి గత ఎన్నికల్లో తృణమూల్ కాంగ్రెస్ నుంచి ఎంపీగా గెలిచారు. మహువా మొయిత్రా టీఎంసీ ఫైర్ బ్రాండ్‌గా పేరుంది. ఎన్ఐసి పోర్టల్ లాగిన్, పాస్‌వర్డ్‌ను పంచుకున్నందుకు లోక్సభ ఎథిక్స్ కమిటీ సిఫార్సును అనుసరించి డిసెంబరు 8,2023న మొయిత్రాను అనర్హురాలిగా లోక్సభ నుంచి బహిష్కరించారు. రానున్న ఎన్నికల్లో మరోసారి కృష్ణానగర్ నుంచి ఎంపీ అభ్యర్థిగా బరిలోకి దిగనున్నారు.

నటి కంగనా రనౌత్ హిమాచల్ ప్రదేశ్ లోని మండి నుంచి ఎన్నికల బరిలోకి దిగనున్నారు. కంగనా పోటి చేయడం ఇదే తొలిసారి. ఆమె నిత్యం బీజేపీకి సపోర్ట్‌గా సోషల్‌మీడియాలో పోస్టులు పెడుతుంటారు.

ఒకప్పుడు బాలీవుడ్ ‘డ్రీమ్ గర్ల్’గా పేరు తెచ్చుకున్న హేమమాలిని ఈ ఎన్నికల్లో పోటికి సిద్ధమయ్యారు. మథుర నుంచి బీజేపీ ఎంపీగా ఈ ముద్దుగుమ్మ తన అదృష్టాన్ని పరీక్షించుకోనుంది.

ప్రియాంక గాంధీ కుటుంబ కంచుకోట రాయ్ బరేలీ నుంచి ఎన్నికల్లో పోటి చేయనున్నారు.

సమాజ్ వాదీ పార్టీ అధినేత అఖిలేష్ యాదవ్ సతీమణి డింపుల్ యాదవ్ తన సరళమైన, శక్తివంతమైన ప్రసంగాలతో జనాన్ని ఆకర్షించే స్వభావం ఉన్న తెలివైన రాజకీయవేత్తగా నిరూపించుకున్నారు. మెయిన్పురి సీటు నుంచి ఆమె పోటికి దిగుతున్నారు.

బన్సూరి స్వరాజ్ న్యూఢిల్లీ స్థానం నుంచి లోక్ సభకు పోటీ చేయనున్నారు. బన్సూరి స్వరాజ్ దివంగత మహానేత సుష్మాస్వరాజ్ కుమార్తె.

Also Read: కవితకు బెయిల్ ?? కోర్టు ఆదేశాలపై సర్వత్రా ఉత్కంఠ!

 

 

 

Mahua Moitra : మహువా ఇంటికి వెళ్లిన అధికారులు.. చివరికి

Published on by

Notice To Mahua : ఇటీవల టీఎంసీ ఎంపీ మహూవా మొయిత్రా(Mahua Moitra) లోక్‌సభ(Lok Sabha) నుంచి బహిష్కరణ కు గురైన సంగతి తెలిసిందే. ఈ నేపథ్యంలో ఆమెకు ఇటీవల పలుమార్లు అధికారులు.. ఎంపీ హోదాలో ఉంటున్న బంగ్లాను వెంటనే ఖాళీ చేయాలంటూ నోటీసులు పంపారు. ఇక చివరికి ఆమె ప్రభుత్వ బంగ్లాను విడిచి వెళ్లక తప్పలేదు. మహువా ఎంపీగా ఉన్నప్పుడు దేశ రాజధాని ఢిల్లీ(Delhi) లో ఆమెకు కేటాయించిన ప్రభుత్వ భవనాన్ని ఖాళీ చేయాలంటూ అధికారులు ఇచ్చిన నోటీసుపై ఢిల్లీ హైకోర్టు స్టే విధించేందుకు నిరాకరించింది.

గతంలోనే నోటీసులు

దీంతో డైరెక్టరేట్‌ ఆఫ్‌ ఎస్టేట్స్‌ (DoE) విభాగ అధికారులు ఆమె ఇంటికి వెళ్లారు. అయితే అప్పటికే మహువా ప్రభుత్వ బంగ్లాను ఖాళీ చేసిన వెళ్లిపోయినట్లు ఆమె న్యాయవాది తెలిపారు. డిసెంబర్ 8న మహువా లోక్‌సభ సభ్యత్వం రద్దు కాగా.. జనవరి 7వ తేదీ లోపు ఆమెకు కేటాయించిన అధికార నివాసాన్ని ఖాళీ చేయాలంటూ గతంలో నోటీసులు జారీ చేశారు. దీంతో మహూవా ఢిల్లీ హైకోర్టు(Delhi High Court) లో పిటిషన్ వేశారు. కానీ కోర్టు ఆమె పిటిషన్ తిరస్కరించింది.

Also Read : Andhra Pradesh:ఆంధ్రాలో కులగణన ప్రారంభం

అధికారులు రాకముందే ఖాళీ

దీంతో డైరెక్టరేట్‌ ఆఫ్‌ ఎస్టేట్స్‌ మహువాపై చర్యలకు దిగింది. అధికారులు రావడానికి ముందే ఆమె బంగ్లాను ఖాళీ చేసి వెళ్లిపోయారని.. ఎలాంటి బలవంతం జరగలేదని.. ఆ ఇంటి తాళాలు డీవోఈ అధికారులకు అప్పగించామని ఆమె న్యాయవాది షాదాన్‌ ఫరాసెత్ పేర్కొన్నారు.

రూల్స్ బ్రేక్‌

ఇదిలా ఉండగా.. ఇటీవల లోక్‌సభలో అదానీ గ్రూప్స్‌కు సంబంధించి ప్రశ్నలు అడిగేందుకు పారిశ్రామికవేత్త హీరానందని నుంచి డబ్బులు తీసుకున్నారనే ఆరోపణలు వచ్చిన సంగతి తెలిసిందే. ఈ వ్యవహారంపై విచారణ చేపట్టిన ఎథిక్స్ కమిటీ.. మహువా సభా ధిక్కరణకు పాల్పడ్డారంటూ వెల్లడించింది. రూల్స్‌ను బ్రేక్‌ చేసి పార్లమెంట్ లాగిన్ వివరాలను బయటి వ్యక్తులను ఇచ్చానట్లు కమిటీ నిర్ధారించింది. ఇక చివరికి లోక్‌సభ నుంచి ఆమెను బహిష్కరించారు.

Mahua Moitra: మహువా మొయిత్రాకు మరో షాక్‌.. బంగ్లా ఖాళీ చేయాలని నోటీసులు..

Published on by

Mahua Moitra : ఇటీవల టీఎంసీ ఎంపీ మహువా మొయిత్రాను లోక్‌ సభ నుంచి బహిష్కరించిన విషయం తెలిసిందే. ఇప్పడు తాజాగా ఆమెకు మరో షాక్ తగిలింది. ప్రస్తుతం ఆమె ఎంపీ హోదాలో ఉంటున్న బంగ్లాను వెంటనే ఖాళీ చేయాలని (Notices to vacate Govt Bungalow) డైరెక్టరేట్‌ ఆఫ్‌ ఎస్టేట్స్‌(డీవోఈ) మంగళవారం నోటీసులు జారీ చేసింది. జనవరి 7లోపు బంగ్లాను ఖాళీ చేయాలని గత నెలలోనే ఆమెకు అధికారులు నోటీసులు పంపగా ఇప్పుడు మరోసారి నోటీసులు వెళ్లాయి. దీంతో సంబంధిత అధికారులు ఇవాల లేదా రేపు రంగంలోకి దిగనున్నట్లు తెలుస్తోంది.

Also Read: ఇలా కూడా ఉంటారా.. బతికుండగానే చావు భోజనం పెట్టింటాడు..

అయితే ఈ విషయంపై ఆమె ఇటీవల ఢిల్లీ హైకోర్టుకు వెళ్లింది. ఇందులో తాము జోక్యం చేసుకోలేమని.. డైరెక్టరేట్‌ ఆఫ్‌ ఎస్టేట్స్‌(DOE)కు విజ్ఞప్తి చేయాలని న్యాయస్థానం ఆమెకు సూచనలు చేసింది. జనవరి 7న ఆమె గడువు ముగియడంతో.. బంగ్లాలో ఎందుకు కొనసాగించాలో చెప్పాలంటూ జనవరి 8న డీవోఈ ఆమెకు నోటీసులు పంపింది. కానీ 3 రోజుల వరకు మహువా నుంచి ఎలాంటి స్పందన రాలేదు. దీంతో 12వ తేదీన మరోసారి నోటీసులు పంపించింది. చివరిక మహువా డీవోఈ ముందు హజరై ఈ విషయంపై వివరణ ఇచ్చారు.

కానీ మహువా (Mahua Moitra) చెప్పిన విషయాలు సంతృప్తికరంగా లేకపోవడం వల్ల.. వెంటనే ఎంపీ హోదాలో ఉంటున్న బంగ్లాను ఖాళీ చేయాలని నిన్న ( మంగళవారం) మరోసారి నోటీసులు పంపించింది డీవోఈ. మరో విషయం ఏంటంటే ఆలస్యం అయితే ఆమెను బంగ్లా ఖాళీ చేయించేందుకు అధికారుల బృందాన్ని రంగాన్ని దింపుతామని కేంద్ర గృహ నిర్మాణశాఖ వర్గాలు చెబుతున్నట్లు సమాచారం. ఇదిలాఉండగా.. ఇటీవల అదానీ గ్రూప్ (Adani Group) కంపెనీలపై లోక్‌సభలో ప్రశ్నలు అడిగేందుకు డబ్బులు తీసుకున్నారనే ఆరోపణలు ఎదుర్కొన్న మహువా మొయిత్రా పై డిసెంబర్‌ 8వ తేదీన బహిష్కరణ వేటు పడిన సంగతి తెలిసిందే.

Also Read: భారత్, కెనడా వివాదం.. గణనీయంగా పడిపోయిన భారతీయ విద్యార్థుల సంఖ్య

[Read more…] about Mahua Moitra: మహువా మొయిత్రాకు మరో షాక్‌.. బంగ్లా ఖాళీ చేయాలని నోటీసులు..

Mahua Moitra: మహువా ఎంపీ సభ్యత్వం రద్దు వ్యవహారం.. సుప్రీంకోర్టులో విచారణ వాయిదా..

Published on by

లోక్‌సభలో ప్రశ్నలు అడిగేందుకు పారిశ్రామిక వేత్త హిరానందనీ నుంచి డబ్బులు తీసుకున్నారనే ఆరోపణలణలతో టీఎంసీ ఎంపీ మహువా మెయిత్రాపై వేటు పడిన సంగతి తెలిసిందే. అయితే తన ఎంపీ సభ్యత్వం రద్దును సుప్రీంకోర్టులో మహువా సవాలు చేశారు. అయితే సుప్రీం ధర్మాసనం ఈ విచారణను వాయిదా వేసింది. కేంద్ర ప్రభుత్వం, అదానీకి చెందిన సంస్థలపై ప్రశ్నలు అడిగేందుకు ఆమె పారిశ్రామిక వేత్త హిరానందనీతో ఒప్పందం కుదుర్చుకున్నట్లు మహువాపై గతంలో ఆరోపణలు వచ్చాయి. బీజేపీ ఎంపీ నిషికాంత్ దూబే ముందుగా పార్లమెంటులో ఆరోపణలు చేశారు. దీంతో ఈ అంశంపై పార్లమెంట్‌లో చర్చలు జరిగాయి. అయితే ఈ వ్యవహారం ఎథిక్స్‌ కమిటీకి చేరింది. కేంద్ర ప్రభుత్వానికి వ్యతిరేకంగా మహువా మొయిత్రా అనైతిక చర్యలకు పాల్పడిందని ఎథిక్స్ కమిటీ నిర్దారించింది.

Also Read: ఆరు గ్యారెంటీలకు కట్టుబడి ఉన్నాం: గవర్నర్ తమిళిసై

అలాగే మహువా తనకు సంబంధించిన లాగిన్ వివరాలు హీరానందానీకి ఇచ్చినట్లు కూడా ఎథిక్స్ కమిటీ గుర్తించింది. ఇలాంటి అనైతిక చర్యకు పాల్పడినందుకు మహువాను పార్లమెంటు నుంచి బహిష్కరించాలని ఎథిక్స్ కమిటీ ప్రతిపాదించింది. ప్రస్తుతం పార్లమెంటు సమావేశాలు జరుగుతున్న సంగతి తెలిసిందే. అయితే ఈ సమావేశాల్లో స్పీకర్ ఓం బిర్లా మహువా మోయిత్రా పార్లమెంటు సభ్యత్వం రద్దు చేస్తున్నట్లు ప్రకటించారు. దీంతో డిసెంబర్‌ 8న ఆమె తన ఎంపీ పదవిపై వేటు పడింది. అయితే ఆధారాలు లేకుండా తనపై ఎలా ఈ నిర్ణయం తీసుకుంటారని మహువా ఖండించారు.

Mahua Moitra: తృణమూల్‌ కాంగ్రెస్‌ ఎంపీకీ బిగ్ షాక్.. 30 రోజుల్లో ఆ బంగ్లా ఖాళీ చేయాలని ఆదేశాలు

Published on by

Mahua Moitra to Vacate Govt Bungalow: తృణమూల్‌ కాంగ్రెస్‌ ఎంపీ (Congress MP) మహువా మొయిత్రాకు మర్ బిగ్ షాక్ తగిలింది. ఇప్పటికే అవినీతి ఆరోపణలు ఎదుర్కొంటున్న మహువాపై బహిష్కరణ వేటు పడిన విషయం తెలిసిందే. కాగా ఢిల్లీలో తనకోసం ప్రభుత్వం కేటాయించిన అధికారిక బంగ్లాను ఖాళీ చేయాలని సూచించాలంటూ మంత్రిత్వ శాఖను పార్లమెంట్‌ హౌసింగ్‌ కమిటీ ఆదేశించింది.

ఈ మేరకు తృణమూల్‌ కాంగ్రెస్‌ ఎంపీ మహువా మొయిత్రా (Mahua Moitra) 30 రోజుల్లోగా తన బంగ్లాను ఖాళీ చేయాల్సిందిగా ఆదేశించాలంటూ గృహనిర్మాణ, పట్టణ వ్యవహారాల మంత్రిత్వ శాఖకు హౌసింగ్‌ కమిటీ లేఖ రాసింది. పార్లమెంట్‌లో ప్రశ్నలు అడిగేందుకు డబ్బులు తీసుకున్నారన్న ఆరోపణలతో తృణమూల్‌ కాంగ్రెస్‌ ఎంపీ మహువా మొయిత్రాపై బహిష్కరణ వేటు పడిన విషయం తెలిసిందే. కాగా ఈ పరిణామాల నేపథ్యంలో ప్రభుత్వం కేటాయించిన ఢిల్లీలోని అధికారిక బంగ్లాను ఖాళీ చేయాలని హౌసింగ్‌ కమిటీ కోరింది. ఎథిక్స్ కమిటీ (Ethics Committee) నివేదికను లోక సభ ఆమోదించడంతో డిసెంబర్ 8న టీఎంసీ ఎంపీ బహిష్కరణకు గురయ్యారు. ఓ వ్యాపారవేత్త నుంచి ఆమె బహుమతులు స్వీకరించడం, అక్రమంగా లబ్ది పొందడం పార్లమెంటరీ ప్రవర్తనను ఉల్లంఘించడమేనని నివేదికలో పేర్కొంది. బీజేపీకి చెందిన నిషికాంత్ దూబే ఫిర్యాదు మేరకు ఎథిక్స్ కమిటీ విచారణ జరిపి మొయిత్రా అనైతికంగా ప్రవర్తించారని ఆరోపించింది. లోక్ సభ వెబ్ సైట్ లాగిన్ వివరాలను అనధికార వ్యక్తులతో పంచుకున్నారని కమిటీ నివేదిక నొక్కి చెప్పింది.

Also Read : వచ్చే ఏడాది మొత్తం 27 సెలవులు.. లిస్ట్ విడుదల చేసిన తెలంగాణ సర్కార్!

అయితే ఈ వివాదం జాతీయ భద్రతా చిక్కుల గురించి ఆందోళనలను లేవనెత్తింది. వ్యాపారవేత్త ప్రోద్బలంతోనే పార్లమెంటులో అదానీ గ్రూప్ ను (Adani Group), ప్రధాని నరేంద్ర మోడీని (PM Modi) లక్ష్యంగా చేసుకుని ప్రశ్నలు లేవనెత్తినందుకు బదులుగా మొయిత్రా బహుమతులు స్వీకరించారని దూబే (Nishikant Dubey) ఆరోపించారు. కాగా.. తన బహిష్కరణపై స్పందించిన మొయిత్రా.. లోక్ సభ నిర్ణయం నిర్ణయం చట్టవిరుద్ధమని అన్నారు. పార్లమెంటరీ ప్యానెల్ చర్యలను ఖండిస్తూ ఆమె సోమవారం సుప్రీంకోర్టును ఆశ్రయించారు. ప్రతిపక్షాల గొంతు నొక్కేందుకు కమిటీని అస్త్రంగా వాడుకునేందుకు ప్రభుత్వం చేస్తున్న ప్రయత్నమని ఆమె విమర్శించారు. బహిష్కరణను కంగారూ కోర్టులో విచారణతో పోలుస్తూ, ప్రతిపక్షాలకు వ్యతిరేకంగా రాజకీయ ప్రయోజనాల కోసం పార్లమెంటరీ సంస్థలను ప్రభుత్వం వాడుకుంటోందని తన బహిరంగ ప్రకటనల్లో ఆరోపించారు మొయిత్రా.