CM, PMలకు అయితే బెయిల్ లేకుంటే జైల్.. ‘ఆ చట్టం తీసుకురావడానికి కేజ్రీవాలే కారణం’

కేంద్ర హోం మంత్రి అమిత్ షా లోక్ సభలో ప్రవేశపెట్టిన ఓ కీలక బిల్లుపై చేసిన వ్యాఖ్యలు ప్రస్తుతం చర్చనీయాంశమయ్యాయి. క్రిమినల్ కేసుల్లో అరెస్టయిన ప్రధానమంత్రులు, ముఖ్యమంత్రులు, మంత్రులను పదవి నుంచి తొలగించేలా కొత్త చట్టం, దేశంలో రాజకీయ నీతిని పెంచే లక్ష్యంతో రూపొందించబడిందని ఆయన పేర్కొన్నారు. ఈ సందర్భంగా, అక్రమాలపై అరెస్టయినప్పటికీ తమ పదవులకు రాజీనామా చేయకుండా, జైలు నుంచే ప్రభుత్వాన్ని నడిపించిన రాజకీయ నేతల గురించి అమిత్ షా ప్రస్తావించారు. ఈ చట్టం తీసుకురావడానికి ఢిల్లీ మాజీ సీఎం అరవింద్ కేజ్రివాలే కారణమని ఆయన శుక్రవారం మీడియాతో అన్నారు. ఢిల్లీ లిక్కర్ స్కామ్‌లో అరవింద్ కేజ్రివాల్ అరెస్ట్ అయ్యిన విషయం తెలిసిందే. ఆ సమయంలో కొన్ని నెలలపాటు ఆయన జైలు నుంచి పరిపాలనా బాధ్యతలు చూశారు.

కేజ్రీవాల్ పేరును నేరుగా ప్రస్తావించనప్పటికీ, ఆయన వ్యాఖ్యలు ఢిల్లీ ముఖ్యమంత్రి అరవింద్ కేజ్రీవాల్‌ను ఉద్దేశించి చేసినట్లుగా స్పష్టంగా కనిపిస్తున్నాయి. ఎందుకంటే, గతంలో ఢిల్లీ మద్యం కుంభకోణం కేసులో అరెస్టయిన కేజ్రీవాల్, జైలులో ఉన్నప్పటికీ ముఖ్యమంత్రి పదవికి రాజీనామా చేయలేదు. ఈ పరిస్థితిని అమిత్ షా విమర్శిస్తూ, "జైలు నుంచి ప్రభుత్వాన్ని నడిపించడం" అనేది రాజకీయ నైతికతకు విరుద్ధమని అన్నారు.