/rtv/media/media_files/2025/07/26/trump-2025-07-26-10-03-18.jpg)
Trump
Follow Us
Trump: అమెరికా అధ్యక్షుడు డొనాల్డ్ ట్రంప్ భారత్‌తో వాణిజ్య సంబంధాలపై మరోసారి సంచలన వ్యాఖ్యలు చేశారు. దొంగే దొంగా.. దొంగా అన్నట్లు ఉంది ట్రంప్ వ్యవహారం. భారత్ టారిఫ్‌లతో తమను 'చంపేస్తోందని' ఆయన ఘాటుగా వ్యాఖ్యానించారు. ట్రంప్ ఓ రేడియో షోలో మాట్లాడుతూ, "చైనా, బ్రెజిల్ మాదిరిగానే, భారతదేశం కూడా మమ్మల్ని సుంకాలను ఉపయోగించి చంపేస్తోంది" అని ట్రంప్ వ్యాఖ్యానించారు ఈ వ్యాఖ్యలు ఇరు దేశాల మధ్య వాణిజ్య ఉద్రిక్తతలను మరింత పెంచుతున్నాయి. ట్రంప్ ఇటీవల భారత్‌పై సుంకాలు 50 శాతానికి పెంచిన విషయం తెలిసిందే.
Trump mentions India again. Says
— Sidhant Sibal (@sidhant) September 3, 2025
"India kills us with tariffs"
"India was the most highly tariffed nations in the world'
"India has offered me no tariffs"
Ctsy: Scott Jennings show pic.twitter.com/NY7T0nWX1R
రష్యా నుంచి ముడి చమురు కొనుగోలు చేయడం మానుకోకపోతే భారత్‌పై మరిన్ని సుంకాలు విధిస్తామని ట్రంప్ ఇప్పటికే హెచ్చరించారు. ఆ హెచ్చరికలను బేఖాతరు చేస్తూ భారత్ రష్యా నుంచి చమురు దిగుమతులను కొనసాగిస్తోంది. దీంతో కోపోద్రిక్తుడైన ట్రంప్ ప్రభుత్వం భారత్ ఎగుమతులపై 50 శాతం అదనపు సుంకాలు విధించింది. ఇది బ్రెజిల్ తర్వాత అత్యధిక టారిఫ్‌లు కావడం గమనార్హం.
ఈ పరిణామం భారత్‌పై తీవ్ర ప్రభావం చూపుతోంది. ఈ సుంకాల కారణంగా భారతీయ ఎగుమతులపై సుమారు 48 బిలియన్ డాలర్ల నష్టం వాటిల్లే అవకాశం ఉందని ఆర్థిక నిపుణులు అంచనా వేస్తున్నారు. ముఖ్యంగా రత్నాలు, వస్త్రాలు, రొయ్యల వంటి భారతీయ ఉత్పత్తుల ఎగుమతులు దెబ్బతిన్నాయి. అయితే, ఈ ఆరోపణలను భారత్ విదేశాంగ మంత్రిత్వ శాఖ ఖండించింది.
భారత్ తన ఇంధన భద్రత కాపాడుకునేందుకు రష్యా నుంచి చమురు దిగుమతులు కొనసాగిస్తోందని, ఈ విషయంలో అమెరికా జోక్యం చేసుకోవడం సరికాదని భారత్ స్పష్టం చేసింది. అయితే, అమెరికా ప్రభుత్వంలో కొంతమంది అధికారులు ఈ వివాదం త్వరలో పరిష్కారమవుతుందని ఆశాభావం వ్యక్తం చేస్తున్నారు. భారత్, అమెరికా మధ్య వాణిజ్య ఒప్పందంపై చర్చలు కొనసాగుతున్నాయని కేంద్ర వాణిజ్య శాఖ మంత్రి పియూష్ గోయల్ తెలిపారు. ట్రంప్ వ్యాఖ్యలు కేవలం ఎన్నికల ప్రచారం కోసమేనని, భవిష్యత్తులో ఈ వివాదం పరిష్కారమవుతుందని కొందరు విశ్లేషకులు భావిస్తున్నారు. ఏది ఏమైనా, ఇరు దేశాల మధ్య నెలకొన్న వాణిజ్య ఉద్రిక్తతలు ప్రపంచ ఆర్థిక వ్యవస్థపై ప్రభావం చూపిస్తాయని ఆర్థిక నిపుణులు హెచ్చరిస్తున్నారు.
