Spam Messages: స్పామ్ సందేశాలు ఇకనుంచి ఈజీగా గుర్తుపట్టచ్చు

మొబైల్ ఫోన్లకు తరచుగా స్పామ్ సందేశాలు వస్తుంటాయన్న సంగతి తెలిసిందే. వీటిని సులభంగా గుర్తించడం కోసం టెలికాం సంస్థలు కీలక నిర్ణయం తీసుకున్నాయి. నిజమైన మెసేజ్‌లు, స్పామ్ మెసేజ్‌ల మధ్య తేడాను ఈజీగా గుర్తించేందుకు ఆ సందేశం చివర్లో ఓ లెటర్‌ను జోడిస్తున్నాయి. వినియోగదారులందరికీ ఈ సదుపాయం అందుబాటులోకి తీసుకొచ్చినట్లు సెల్యూలర్ ఆపరేటర్స్ అసోసియేషన్ ఆఫ్ ఇండియా (COAI) తెలిపింది. ఈ అసోసియేషన్‌లో ఎయిర్‌టెల్, జియో, వొడాఫోన్ ఐడియా మెంబర్స్‌గా ఉన్నాయి. 

Also Read: ఉత్తరాఖండ్ లో ఘోర రోడ్డు ప్రమాదం..ఎనిమిది మంది మృతి

ఈ మధ్య కాలంలో ఫోన్‌కొచ్చే మెసేజ్‌లను చూస్తే చివర్లో P,S,T,G లెటర్స్‌ కనిపిస్తాయి. చివర్లో P అని ఉంటే అది ప్రమోషనల్ అని అర్థం. S అంటే ఆ మేసెజ్‌ల సర్వీసులకు సంబంధించింది. T అంటే ట్రాన్జాక్షన్‌కు సంబంధించింది. G అంటే ప్రభుత్వ సంబంధిత సందేశంగా గుర్తించవచ్చు. ఒకవేళ మీరు ఏదైనా ట్రాన్జాక్షన్ జరిపితే హెడర్ చివర్లో T అనే లెటర్ వస్తుంది. గవర్న్‌మెంట్‌ సంబంధించిన సమాచారానికి చివర్లో G అని వస్తుంది. 

Also read: తల్లిదండ్రులకు అలెర్ట్.. చిన్నారుల ఆధార్ కార్డుపై కేంద్రం కీలక సూచన

స్మామ్ మెసేజ్‌లు గుర్తించేందుకు అన్ని టెలికాం సంస్థలు ఈ విధానాన్ని అనుసరిస్తున్నట్లు COAI డైరెక్టర్ జనరల్ ఎస్‌పీ కొచ్చర్ చెప్పారు. పారదర్శకత కోసం తాము ఈ చర్యలు తీసుకుంటున్నప్పటికీ స్పామర్లు, స్కామ్‌స్టర్లు కొత్త మార్గాలు వెతుకుతున్నారని తెలిపారు. ఎలాంటి నియంత్రణ లేని ఓటీటీ కమ్యూనికేషన్ యాప్స్‌ అయిన వాట్సాప్, టెలిగ్రామ్‌ లాంటి వాటిని వాళ్లు వాడుతున్నారని ఆందోళన వ్యక్తం చేశారు. దీనివల్ల స్పామ్‌ను అరికట్టాలన్న ఉద్దేశం దెబ్బతింటోందని తెలిపారు. ఈ పరిస్థితి మారాలంటే ఓటీట కమ్యూనికేషన్ యాప్స్‌పై నియంత్రణ అవసరం ఉందన్నారు.