/rtv/media/media_files/2025/02/12/cXfui2ePSuFzsShMtSe5.jpg)
New Income Tax Bill Photograph: (New Income Tax Bill)
Follow Us
New Income Tax Bill: ఇండియన్ ఇన్‌కం ట్యాక్స్ విధానం గజిబిజిగా ఉంటుంది. పన్నుల పద్దులు ఎవరికీ అంత ఈజీగా అర్థం కావు. ప్రస్తుతం అమలులో ఉన్న ఆదాయ పన్ను చట్టం 1961 నాటిది. కేంద్ర ప్రభుత్వం దీని ప్లేస్‌లో మరో ఇన్‌కం ట్యాక్స్ విధానాన్ని తీసుకొస్తోంది. ఫిబ్రవరి 12న కొత్త ఆదాయపు పన్ను బిల్లు పార్లమెంటులో త్వరలో ప్రవేశపెట్టనున్నారు. ఇందులో 536 సెక్షన్లు, 23 చాప్టర్లు ఆదాయ పన్ను గురించి చేసిన చట్టాలు 622 పేజీల్లో పొందుపరిచారు. ఏప్రిల్ 1 నుంచి కొత్త ఇన్‌కం ట్యాక్స్ యాక్ట్ అమలులోకి రానుంది. దీంతో ట్యాక్స్ విధానం సులభతరం కానుంది.
Also Read: TTD: తిరుమల శ్రీవారి భక్తులకు గుడ్‌న్యూస్.. ఇకపై వాట్సాప్‌లోనే
ఈ ఏడాది ఆర్థిక సంవత్సంలో భారీగా మార్పులు రానున్నాయి. ఇందులో డిజిటల్ ట్యాక్స్ మానిటరింగ్ సిస్టమ్ ప్రవేశపెట్టారు. ఆదాయ పన్ను కొత్త చట్టం బిల్లులో ప్రతిపాదించిన కీలక మార్పుల్లో ట్యాక్స్ ఇయర్ ఒకటని సమాచారం. ఈ మార్పువల్ల వ్యాపారుల పన్ను చెల్లింపులను సులభతరం చేసేందుకు వీలవుతుందని భావిస్తున్నారు. తరచూ శాసన పరమైన సవరణలు అవసరం లేకుండా పన్ను పథకాలను ప్రవేశపెట్టడానికి కేంద్ర ప్రత్యక్ష పన్నుల బోర్డు (సీబీడీటీ)కి ఎక్కువ అధికారాన్ని ఈ బిల్లు కల్పిస్తుంది.
ట్యాక్స్ ఇయర్ అంటే ఏమిటి?
ట్యాక్స్‌ను లెక్కించే సంవత్సరం(12 నెలల) కాలాన్ని ట్యాక్స్ ఇయర్ అంటారు. కొత్త ఆదాయపు పన్ను బిల్లు ప్రకారం ట్యాక్స్ ఇయర్ ఏప్రిల్ 1న ప్రారంభమై మరుసటి ఏడాది మార్చి 31న ముగుస్తుంది. 1961 ఆదాయపు పన్ను చట్టంలో ఉపయోగించిన ప్రివియస్ ఇయర్, అసెస్‌మెంట్‌ ఇయర్ స్థానంలో ఈ ట్యాక్స్ ఇయర్‌ను వాడనున్నారు.
Also Read: Trump-musk: మస్క్‌ కు హై పవర్‌ ఇచ్చిన ట్రంప్‌...ఇక కోతలే..కోతలు!
పన్ను చట్టాలు సులభతరం ఇలా..
స్థిరమైన ట్యాక్స్ ఇయర్‌ను పరిగణనలోకి తీసుకోవడం ద్వారా పన్ను చెల్లింపుదారులు ఆదాయాన్ని నివేదించడానికి, పన్నులు చెల్లించడానికి నిర్దిష్ట వ్యవధిని కలిగి ఉంటారు. ఇది విభిన్న ఆర్థిక సంవత్సరాలకు వేర్వేరు అసెస్‌మెంట్‌ ఇయర్( ప్రివియస్ ఇయర్ - వచ్చే ఆర్థిక సంవత్సరం)లను కలిగి ఉండటం వల్ల తలెత్తే గందరగోళాన్ని తొలగిస్తుంది. పన్ను చెల్లింపుదారులు తమ బాధ్యతలను అర్థం చేసుకోవడానికి సులభమైన, స్పష్టమైన భాషను ఉపయోగించాలని కొత్త బిల్లు లక్ష్యంగా పెట్టుకుంది. ఏళ్ల తరబడి పేరుకుపోయిన కాలం చెల్లిన నిబంధనలు, వివరణలను తొలగించాలని నిర్ణయించారు. పన్ను విధానాలకు సంబంధించి స్పష్టమైన నిర్వచనాలు, క్రమబద్ధమైన విధానాతతో కొత్త పన్ను చట్టాలు వివాదాలు, లిటిగేషన్లను తగ్గిస్తాయని భావిస్తున్నారు. దీనివల్ల మరింత పన్ను వసూలుకు వీలవుతుందని నిపుణులు అంచనా వేస్తున్నారు. పన్నుకు సంబంధించి వివాదాలు తగ్గడం వల్ల న్యాయవ్యవస్థపై భారం తగ్గుతుందని చెబుతున్నారు.
