BREAKING: సంచలన నిర్ణయం.. వాట్సాప్‌పై నిషేధం ?

ప్రస్తుత రోజుల్లో సోషల్ మీడియా వాడకుండా ఎవరూ ఉండలేరు. ముఖ్యంగా వాట్సాప్, ఇన్‌స్టా, ఎక్స్‌ లాంటి యాప్‌లను ప్రతిరోజూ వినియోగించడం అనేది తప్పనిసరిగా మారిపోయింది. అయితే తాజాగా రష్యా ప్రభుత్వం సంచలన నిర్ణయం తీసుకుంది. తమ దేశంలో వాట్సాప్‌పై నిషేధం విధించేందుకు చర్యలు తీసుకుంటామని ప్రకటన చేసింది. తమ దేశంలో ఉన్న రూల్స్‌కు అనుగుణంగా వాట్సాప్ ప్లాట్‌ఫామ్ పనిచేయడం లేదని పేర్కొంది. నేరాలు నియంత్రించడంలో సహకరించడం లేదని తెలిపింది.  

Also Read: వంట చేయకూడదని దళిత మహిళకు అవమానం.. ఆరుగురికి జైలుశిక్ష

చట్టాలను పాటించకపోతే సంపూర్ణ నిషేధం విధిస్తామని వార్నింగ్ ఇచ్చింది. అంతేకాదు వాట్సాప్‌కు ప్రత్యామ్నాయంగా యూజర్లు దేశీయ యాప్‌లను ఎంచుకోవాలని సూచించింది. దీనిపై వాట్సాప్‌ మాతృసంస్థ అయిన మెటా స్పందించింది. యూజర్ల డేటా, కమ్యూనికేషన్ సురక్షితంగా ఉంచే హక్కును ఉల్లంఘించేలా రష్యా చర్యలకు దిగిందని ఆరోపిస్తోంది. వాటిని మేము అడ్డుకున్నందుకే వాట్సాప్‌పై నిషేధం విధించేందుకు యత్నిస్తోందని విమర్శించింది.

రష్యా ప్రజలు ఎక్కువగా మేసేజింగ్‌ కోసం వాట్సాప్, టెలిగ్రామ్‌ యాప్‌లను వాడుతున్నారు. దేశంలో ఉగ్రవాద, మోసపూరిత కార్యకలాపాలు పరిశీలించడం కోసం ఈ యాప్‌లు వాడే వినియోగదారుల డేటాను ప్రభుత్వం యాక్సెక్ చేసేలా సహకరించాలని రష్యా అడుగుతోంది. కానీ దీనికి వాట్సాప్‌ ఒప్పుకోవడం లేదు. ఈ క్రమంలోనే ఈ ఏడాది ఆగస్టులో వాట్సాప్‌లో వినియోగదారులు కాల్స్ చేసుకోకుండా నిషేధించింది. 

Also Read: నిన్న లేఖ రాశాడు..ఈ రోజు లొంగిపోయాడు..ఎంఎంసీ జోన్‌ ప్రతినిధి అనంత్ సరెండర్‌

ఎండ్ టు ఎండ్‌ ఎన్‌క్రిప్షన్ లేనటువంటి దేశీయ మెసేజింగ్‌ యాప్‌ 'మాక్స్‌'ను వినియోగించాలని ప్రజలకు సూచించింది. దేశంలో ఉక్రెయిన్ మద్దతుదారులను టార్గెట్‌గా చేసుకునేందుకే పుతిన్ ప్రభుత్వం ఈ చర్యలకు దిగిందని నిపుణులు అంటున్నారు. కానీ ఇది ప్రజల హక్కులను కాలరాయడమేనని విమర్శిస్తున్నారు.