/rtv/media/media_files/2025/09/04/noor-khan-pakistan-air-base-2025-09-04-14-39-24.jpg)
Follow Us
పహల్గామ్ అటాక్‌కు ప్రతీకారంగా ఇండియన్ ఎయిర్ ఫోర్స్ కొన్ని నెలల క్రితం "ఆపరేషన్ సిందూర్" చేపట్టిన విషయం తెలిసిందే. ఈ దాడుల్లో పాకిస్తాన్‌లోని ఎయిర్ బేస్‌లు తీవ్రంగా దెబ్బతిన్నాయి. వాటిలో ఒకటి, పాకిస్థాన్‌కు ముఖ్యమైనది నూర్ ఖాన్ వైమానిక స్థావరం పునర్నిర్మాణ పనులను చేపట్టినట్లు తాజా శాటిలైట్ చిత్రాల ద్వారా తెలుస్తోంది. రావల్పిండిలోని ఈ కీలకమైన వైమానిక స్థావరం, పాకిస్తాన్ సైన్యానికి వ్యూహాత్మకంగా చాలా ముఖ్యమైనది. ఇది దేశ రాజధాని ఇస్లామాబాద్‌కు అత్యంత సమీపంలో ఉంది.
Pakistan has begun rebuilding around the site India struck at Nur Khan Airbase, the construction activity reveals newly erected wall segments that are similar to the original building layout of structures that were demolished after the strike https://t.co/9JygeKRwaZ
— Damien Symon (@detresfa_) September 4, 2025
"ఆపరేషన్ సిందూర్"లో భాగంగా భారత వైమానిక దళం నూర్ ఖాన్ స్థావరంతో పాటు మరికొన్ని పాకిస్తాన్ ఎయిర్‌బేస్‌లపై దాడులు జరిపింది. ఈ దాడుల వల్ల నూర్ ఖాన్ ఎయిర్‌బేస్‌లోని రన్‌వేలు, ఎయిర్ డిఫెన్స్ వ్యవస్థలు ధ్వంసమయ్యాయని ఇండియన్ ఆర్మీ అప్పట్లో ప్రకటించింది. పాకిస్తాన్ ప్రధాని షెహబాజ్ షరీఫ్ కూడా ఈ దాడి జరిగిన విషయాన్ని తర్వాత అంగీకరించారు. ఈ దాడిలో పాకిస్తాన్ వైమానిక దళానికి చెందిన 20 శాతం ఆస్తులు ధ్వంసమయ్యాయని నివేదికలు పేర్కొంటున్నాయి.
A thread on High value air bases of PAF bombed by IAF with impunity and recorded by pakis themselves.
— Dehati Armageddon Neutraliser (@ImperiumHindu) May 11, 2025
1. Their most protected air base of Nur khan in Rawalpindi was bombed like it was freaking Gaza 😭 pic.twitter.com/oePpNzpoDr
నూర్ ఖాన్ ఎయిర్‌బేస్ పాకిస్తాన్ ఎయిర్ మొబిలిటీ కమాండ్‌కు ప్రధాన కార్యాలయం. ఇక్కడ సీ-130 రవాణా విమానాలు, ఐఎల్-78 మిడ్-ఎయిర్ రీఫ్యూలింగ్ ట్యాంకర్లు, డ్రోన్ల ఫ్లీట్‌లు ఉన్నాయి. ఈ స్థావరాన్ని దెబ్బతీయడం ద్వారా భారత్ పాకిస్తాన్ వైమానిక దళం రవాణా, లాజిస్టిక్స్ సామర్థ్యాలను తీవ్రంగా దెబ్బతీసింది. దీని వ్యూహాత్మక ప్రాముఖ్యత కారణంగా పాకిస్తాన్ ఈ స్థావరాన్ని వీలైనంత త్వరగా పునరుద్ధరించడానికి ప్రయత్నిస్తోంది.
తాజా ఉపగ్రహ చిత్రాలను పరిశీలిస్తే, దెబ్బతిన్న రన్‌వేలపై మరమ్మత్తు పనులు జరుగుతున్నట్లు తెలుస్తోంది. ఇండియా దాడుల తర్వాత పాకిస్తాన్ కొన్ని రోజులపాటు తన గగనతలాన్ని మూసివేసింది. ఈ పునర్నిర్మాణ పనులు పూర్తి కావడానికి కొంత సమయం పట్టవచ్చని రక్షణ రంగ నిపుణులు అంచనా వేస్తున్నారు. ఈ పరిణామాలు భారత్-పాకిస్తాన్ సరిహద్దులో ఉద్రిక్తతలు కొనసాగుతున్నాయనడానికి నిదర్శనంగా నిలుస్తున్నాయి. ఉగ్రవాదాన్ని ప్రోత్సహిస్తున్న పాకిస్తాన్‌కు వ్యతిరేకంగా భారత్ తన వైమానిక, రక్షణ సామర్థ్యాలను మరింత పటిష్టం చేసుకుంటుందని విశ్లేషకులు అభిప్రాయపడుతున్నారు.
