Stampede: ఢిల్లీ రైల్వే స్టేషన్ తొక్కిసలాటకు కారణమిదే.. 18 మంది ప్రాణాలు తీసిన బ్యాగ్

ఢిల్లీలోని రైల్వే స్టేషన్‌ తొక్కిసలాటలో 18 మంది ప్రాణాలు కోల్పోయిన ఘటనలో అసలు కారణం వెలుగులోకి వచ్చింది. గత ఫిబ్రవరిలో జరిగిన ఈ విషాద ఘటనకు ప్యాసింజర్ తలపై మోస్తున్న పెద్ద బ్యాగ్ కిందపడటమే ప్రధాన కారణమని రైల్వే మంత్రి అశ్విని వైష్ణవ్ పార్లమెంటులో వెల్లడించారు. సమాజ్‌వాదీ పార్టీ ఎంపీ రామ్ జీ లాల్ సుమన్ అడిగిన ప్రశ్నకు లిఖితపూర్వకంగా సమాధానం ఇస్తూ, ఈ ఘటనపై నియమించిన ఉన్నత స్థాయి విచారణ కమిటీ నివేదికలోని వివరాలను ఆయన పంచుకున్నారు.

🚨 New Delhi Railway Station Stampede
📌 Statement from Ashwini Vaishnaw

A high-level inquiry committee found that a stampede occurred on February 15, 2025, when a large headload carried by a passenger fell on the stairs of Foot Over Bridge (FOB-3) connecting platforms 14 and 15… pic.twitter.com/AHc2yyeCSo

— PULSE (@Pulsebyshinde) August 2, 2025

మహా కుంభమేళా కారణంగా ప్రయాణికుల రద్దీ ఎక్కువగా ఉన్న సమయంలో, ఫిబ్రవరి 15న రాత్రి 8:48 గంటలకు ఫుట్ ఓవర్ బ్రిడ్జి-3పై ఈ దుర్ఘటన చోటు చేసుకుంది. ఈ ఫుట్ ఓవర్ బ్రిడ్జి ప్లాట్‌ఫారమ్ నంబర్ 14, 15లను కలుపుతుంది.

*BIGNEWS*#STAMPEDE at New Delhi railway station
A porter (coolie) at the railway station says "I have been working as a coolie since 1981, but I never saw a crowd like this before. Prayagraj Special was supposed to leave from platform number 12, but it was shifted to platform… pic.twitter.com/I5QB6BLwFa

— Sravani Journalist (@sravanijourno) February 16, 2025

బ్యాగ్ కిందపడి..

విచారణ కమిటీ నివేదిక ప్రకారం, రాత్రి 8:15 గంటల తర్వాత ఫుట్ ఓవర్ బ్రిడ్జిపై ప్రయాణికుల రద్దీ క్రమంగా పెరిగింది. చాలా మంది ప్రయాణికులు తమ తలలపై భారీ లగేజీని మోసుకుంటూ వెళ్తున్నారు. ఈ క్రమంలో, ఒక ప్రయాణికుడు తలపై మోస్తున్న ఒక పెద్ద బ్యాగ్ జారి కిందపడింది. దీంతో పై మెట్లపై ఉన్న ప్రయాణికులు కింది మెట్లపై ఉన్న వారిని నెట్టుకున్నారు. ఇది డొమినో ప్రభావంలా పనిచేసి, మెట్లపై ఉన్న ప్రయాణికులు ఒకరిపై ఒకరు పడిపోయారు. ఈ తొక్కిసలాటలో 18 మంది చనిపోగా, 15 మంది గాయపడ్డారు.

Why would someone announce platform change suddenly without any precautions when railway stations is fully occupied and already in total chaos. #NewDelhiRailwaystationpic.twitter.com/iGndihLu8v

— Sherlock Ohms (@Wanmohnev) February 15, 2025

ప్రభుత్వం బాధితులకు పరిహారం

ఈ ఘటనపై తీవ్ర దిగ్భ్రాంతి వ్యక్తం చేసిన మంత్రి, మరణించిన వారి కుటుంబాలకు రూ. 10 లక్షలు, తీవ్రంగా గాయపడిన వారికి రూ. 2.5 లక్షలు, స్వల్ప గాయాలైన వారికి రూ. 1 లక్ష చొప్పున పరిహారం చెల్లించినట్లు తెలిపారు. భవిష్యత్తులో ఇలాంటి సంఘటనలు పునరావృతం కాకుండా ఉండేందుకు రైల్వే శాఖ అనేక చర్యలు చేపట్టిందని ఆయన తెలిపారు.