కళ్ల ముందే కదులుతున్న కారు దగ్ధం.. డ్రైవర్ ఏం చేశాడంటే? వీడియో వైరల్

జైపూర్‌లో కదులుతున్న కారు దగ్ధం కావడంతో భయానక దృశ్యం కనిపించింది. ఈ సంఘటన శ్యామ్‌నగర్ ఫ్రూట్ మార్కెట్ సమీపంలో జరిగింది. కారులో అకస్మాత్తుగా మంటలు చెలరేగడంతో, డ్రైవర్ కదులుతున్న కారు నుండి బయటకు దూకేశాడు. అందుకు సంబంధించిన వీడియో వైరల్ అవుతోంది.

By Seetha Ram 13 Oct 2024 in నేషనల్ వైరల్

New Update

రాజధాని జైపూర్‌లో కదులుతున్న కారు దగ్ధం కావడంతో భయానక దృశ్యం కనిపించింది. ఈ సంఘటన శ్యామ్ నగర్ ఫ్రూట్ మార్కెట్ సమీపంలో జరిగింది. ఈ పరిణామంతో అటుగా వెళ్తున్న ప్రయాణికులు భయబ్రాంతులకు గురయ్యారు. మరికొందరు తమ వాహనాలను అక్కడికక్కడే వదిలేసి పరుగులు తీశారు.

కారులో మంటలు

కారులో అకస్మాత్తుగా మంటలు చెలరేగడంతో.. అందులో ఉన్న డ్రైవర్ కదులుతున్న కారు నుండి దూకి అతని ప్రాణాలను కాపాడుకున్నాడు. ఇప్పుడు ఆ ఘటనకు సంబంధించిన వీడియో సోషల్ మీడియాలో తెగ చక్కర్లు కొడుతోంది.

ఈ వీడియో చూసిన నెటిజన్లు రకరకాలుగా స్పందిస్తున్నారు. అయితే అదృష్టవశాత్తూ ఈ ఘటనలో ఎవరికీ ఏమీ కాలేదని తెలుస్తోంది. అగ్నిమాపక సిబ్బంది వచ్చి మంటలార్పేసరికే వాహనం పూర్తిగా కాలిపోయినట్లు తెలుస్తోంది. అయితే మంటల్లో కాలిపోయిన ఆ కారు జితేంద్ర అనే వ్యక్తికి చెందినదిగా పోలీసులు గుర్తించారు.

ఇది కూడా చదవండి: యువకుడి ప్రాణం తీసిన డీజే సౌండ్.. ఏమైందంటే?

కాగా కారు ఏసీలో నుంచి పొగలు రావడం ముందుగా గమనించిన డ్రైవర.. ఆ తర్వాత బానెట్ తెరిచి చూస్తున్న క్రమంలో మంటలు చెలరేగి ఒక్కసారిగా వాహనం మొత్తం వ్యాపించాయని చెప్పాడు. దీంతో వెంటనే హ్యాండ్ బ్రేక్ కూడా దెబ్బతినడంతో కారు అదుపు తప్పి వంతెన నుంచి కిందకు వేగంగా దూసుకెళ్లినట్టు తెలిపాడు. రోడ్డుపై పలు వాహనాలను కారు ఢీకొట్టినట్టు కూడా తెలుస్తోంది.