/rtv/media/media_files/2025/08/10/onerail-2025-08-10-17-47-01.jpg)
Follow Us
ఇండియన్ రైల్వేస్ ప్రయాణికులకు గుడ్న్యూస్ చెప్పింది. ట్రైన్ జర్నీలు బోరింగ్‌గా ఫీల్ అయ్యే వారికి ఇది తెలిస్తే ఎగిరి గంతేస్తారు.. రైల్వే ప్రయాణికులకు మెరుగైన సౌకర్యాలు కల్పించేందుకు, అలాగే.. ప్రయాణాన్ని ఆనందంగా మార్చేందుకు రైల్వే సంస్థ ఓ మంచి యాప్‌ను అందుబాటులోకి తెచ్చింది. "రైల్ వన్" అనే పేరుతో తీసుకొచ్చిన ఈ యాప్లో, టికెట్ బుకింగ్, పీఎన్ఆర్ స్టేటస్, రైలు లైవ్ లొకేషన్ వంటి సాధారణ సేవలతో పాటు, ఉచితంగా సినిమాలను వీక్షించే అవకాశం కూడా కల్పించారు.
रेलवे की सभी सेवाएं अब एक ही ऐप में!
— Ministry of Railways (@RailMinIndia) July 1, 2025
RailOne ऐप से टिकट बुकिंग, ट्रैकिंग, फीडबैक और भी बहुत कुछ। pic.twitter.com/3WrXUxv67s
ఎక్కువగా రైలు ప్రయాణాలు చేసేవారికి ఈ సర్వీస్ మంచి అవకాశం అని చెప్పవచ్చు. ప్రయాణంలో వినోదం కోసం స్మార్ట్‌ఫోన్‌లో సినిమాలు, వెబ్ సిరీస్‌లు చూడటానికి డేటా ప్యాక్‌లు అయిపోవడం, నెట్‌వర్క్ సమస్యలు రావడం వంటి ఇబ్బందులకు ఇది చెక్ పెడుతుంది. ఈ యాప్లో ప్రయాణికులకు వివిధ భాషల్లో సినిమాలు, డాక్యుమెంటరీలు, వినోద కార్యక్రమాలు అందుబాటులో ఉంటాయి. రైలులోని ఉచిత వైఫై సదుపాయాన్ని ఉపయోగించుకుని, ప్రయాణికులు ఈ OTT కంటెంట్‌ను ఫ్రీగా స్ట్రీమ్ చేయవచ్చు.
రైల్ వన్
"రైల్ వన్" యాప్ అనేక రైల్వే సర్వీసులకు అందిస్తుంది. ఇదివరకు టికెట్ బుకింగ్ కోసం ఒక యాప్, అన్-రిజర్వ్డ్ టికెట్ల కోసం మరొక యాప్, భోజనం ఆర్డర్ చేయడానికి ఇంకొక యాప్ ఉపయోగించాల్సి వచ్చేది. ఇప్పుడు ఈ అన్ని సేవలు "రైల్ వన్" యాప్లో పొందవచ్చు. దీనివల్ల ప్రయాణికులు వేర్వేరు యాప్‌లను డౌన్‌లోడ్ చేసుకునే అవసరం ఉండదు, అలాగే వాటి లాగిన్ వివరాలను గుర్తుంచుకోవాల్సిన ఇబ్బందులు తొలగిపోతాయి.
ప్రస్తుతం ఈ యాప్ గూగుల్ ప్లే స్టోర్, యాపిల్ యాప్ స్టోర్‌లలో అందుబాటులో ఉంది. రైల్వే టికెట్ బుకింగ్‌తో పాటు, ప్లాట్‌ఫామ్ టికెట్లు, రైలులో ఫుడ్ ఆర్డర్ చేయడం, రైల్వే సహాయం కోసం "రైల్ మదద్" సేవలను పొందడం వంటివి ఈ యాప్లో ఈజీగా చేసుకోవచ్చు.
