కిష్టార్‌ క్లౌడ్ బరస్ట్ బాధిత కుటుంబాలకు సీఎం బారీ ఎక్స్‌గ్రేషియా

జమ్మూ కాశ్మీర్ కిష్తార్ జిల్లాలో ఇటీవల సంభవించిన క్లౌడ్ బరస్ట్ వల్ల మృతి చెందినవారి కుటుంబాలకు, అలాగే ఆస్తి నష్టపోయిన వారికి ప్రభుత్వం ఎక్స్-గ్రేషియా ప్రకటించింది. ఈ ప్రకృతి వైపరీత్యంలో కనీసం 60 మంది మరణించారు, అనేకమంది గల్లంతయ్యారు. ఈ ఘటన తీవ్ర విషాదాన్ని నింపింది.

#JammuAndKashmir CM @OmarAbdullah visited Chashoti village in #Kishtwar to assess the damage caused by flash floods triggered by a cloudburst.

Announcing ex-gratia relief from the CM’s Relief Fund, CM informed that Rs 2 lakh will be given to families of the deceased, Rs 1 lakh… pic.twitter.com/6PNZ7aYKFM

— All India Radio News (@airnewsalerts) August 16, 2025

ఈ భారీ వరదల తర్వాత, జమ్మూ కాశ్మీర్ ముఖ్యమంత్రి ఒమర్ అబ్దుల్లా ఘటనా స్థలాన్ని సందర్శించి, సహాయక చర్యలను పర్యవేక్షించారు. బాధితులను కలుసుకుని వారి కష్టాలను తెలుసుకున్న తర్వాత, ముఖ్యమంత్రి సహాయ నిధి నుంచి ఎక్స్-గ్రేషియా ప్రకటించారు. మృతుల కుటుంబాలకు రూ. 2 లక్షలు, తీవ్రంగా గాయపడిన వారికి రూ. 1 లక్ష, స్వల్పంగా గాయపడిన వారికి రూ. 50,000 చొప్పున పరిహారం అందజేయనున్నట్లు తెలిపారు.

The devastating cloudburst in Kishtwar today has taken several innocent lives and caused extensive damage to public property. We stand in solidarity with those affected, offering our prayers and support.
May the Almighty bless them with the strength to endure this heartbreaking… pic.twitter.com/JllTidWSTx

— Anika Nazir (@i_Anika_Nazir) August 14, 2025

ఆస్తి నష్టానికి కూడా పరిహారం:
ఈ విపత్తులో ఇళ్లను కోల్పోయిన వారికి కూడా ప్రభుత్వం ఆర్థిక సహాయం అందించనుంది. పూర్తిగా ధ్వంసమైన ఇళ్లకు రూ. 1 లక్ష, తీవ్రంగా దెబ్బతిన్న ఇళ్లకు రూ. 50,000, పాక్షికంగా దెబ్బతిన్న ఇళ్లకు రూ. 25,000 చొప్పున పరిహారం ఇస్తామని ముఖ్యమంత్రి ప్రకటించారు.

ఈ ఘటనతో చుట్టుపక్కల ప్రాంతాల్లో రోడ్లు, వంతెనలు కొట్టుకుపోయి రాకపోకలు నిలిచిపోయాయి. సహాయక బృందాలు గల్లంతైన వారి కోసం విస్తృతంగా గాలిస్తున్నాయి. ఆర్మీ, ఎన్‌డిఆర్‌ఎఫ్, ఎస్‌డిఆర్‌ఎఫ్ బృందాలు సహాయక చర్యల్లో చురుగ్గా పాల్గొంటున్నాయి. ప్రభుత్వం ఈ విపత్తు సమయాన బాధితులకు అండగా ఉంటుందని, మౌలిక సదుపాయాల పునరుద్ధరణకు చర్యలు తీసుకుంటుందని ముఖ్యమంత్రి హామీ ఇచ్చారు. ఈ విపత్తు వల్ల ప్రజలు తీవ్ర ఇబ్బందులు పడుతున్నారు, దీని నుంచి కోలుకోవడానికి ప్రభుత్వం అన్ని విధాలా సహకరిస్తుందని ముఖ్యమంత్రి కార్యాలయం ఒక ప్రకటనలో తెలిపింది.