/rtv/media/media_files/2025/09/30/passengers-perform-garba-at-the-airport-2025-09-30-14-45-17.jpg)
Passengers perform Garba at the airport
Follow Us
IndiGo: మనం ప్రయాణించాల్సిన విమానం ఆలస్యమైతే విమానశ్రయ సిబ్బందిపై రుసరుసలాడుతాం. మన గమ్యస్థానానికి చేరుకోవడం ఆలస్యమవుతుందని చిర్రుబుర్రలాడుతుంటాం. కానీ ఓ విమానశ్రయంలో తాము ఎక్కాల్సిన విమానం ఆలస్యం కావడంతో ప్రయాణీకులు ఏ మాత్రం విసుక్కోకుండా ఆడిపాడారు. ప్రయాణీకులంతా విమానశ్రయంలోనే గర్బా నృత్యం చేస్తూ ఆనందంగా గడిపారు. దీనికి సంబంధించిన వీడియోను సోషల్‌ మీడియాలో పెట్టడంతో అది కాస్తా వైరల్‌గా మారింది.
सुरतियो ने गोवा एयरपोर्ट को बनाया गरबा ग्राउंड
— Khushbu_journo (@Khushi75758998) September 30, 2025
इंडिगो की फ्लाइट में 7 घंटे की देरी होने पर सूरत एयरपोर्ट पर यात्रियों ने गरबा खेलकर जश्न मनाया pic.twitter.com/aBCT4x4zN5
వివరాల ప్రకారం..గోవా నుంచి సూరత్‌కు వెళ్లాల్సిన ఇండిగో (IndiGo) ఎయిర్‌లైన్స్‌ విమానం కోసం పలువురు ప్రయాణీకులు గోవా ఎయిర్‌పోర్టుకు చేరుకున్నారు. కానీ, పైలట్‌ అనారోగ్యానికి గురవడంతో ఇండిగో విమానం ఆలస్యమైంది. ఈక్రమంలో ఎయిర్‌పోర్టులోని ప్రయాణీకులు ఒకింత ఇబ్బంది పడ్డారు. అయితే ప్రయాణికుల్లో ఉన్న మయూర్‌ అనే వ్యక్తి తాను గర్బా ఆడేందుకు సూరత్‌ వెళ్లాలనుకున్నానని, కానీ విమానం ఆలస్యం కారణంగా ఇక్కడే చిక్కుకుపోయానని అక్కడి సిబ్బందితో మాట్లాడుతూ కొంత నిరాశపడ్డాడు. విమానం ఆలస్యం కావడంతో తాను గర్బాలో పాల్గొనలేకపోతున్నానని నిరుత్సాహానికి గురయ్యాడు.
అయితే ఈవిషయం తెలుసుకొన్న ఇండిగో సిబ్బంది వెంటనే స్పందించారు. ఎయిర్‌పోర్టులో స్పీకర్‌లు ఏర్పాటుచేశారు. వెంటనే ప్రయాణీకులు అంతా ఆ సంగీతానికి తగినట్లు గర్బా ఆడారు. ప్రయాణికులతో పాటు సిబ్బందిఈ గర్బాలో పాల్గొని ప్రయాణీకులను ఉత్సాహపరిచారు. విమానం ఆలస్యమైన విషయాన్ని మరిచిపోయి అక్కడే ఎంజాయ్ చేశారు. ఈ నృత్యానికి సంబంధించిన వీడియోను కొందరు సోషల్‌ మీడియాలో పోస్టు చేయగా.. అదికాస్త వైరల్‌ గా మారింది. విమానం ఆలస్యం కావడంతో నిరుత్సాహానికి గురైనా.. గర్బా నృత్యాన్ని ఆస్వాదించానని, ఇది మరచిపోలేని రోజు అని మయూర్‌ అనే ప్రయాణికుడు ఆనందం వ్యక్తం చేశాడు.
ఇది కూడా చూడండి: Asia Cup 2025: టీమిండియా విన్నింగ్ మూమెంట్స్.. ట్రోఫీ లేకుండా విజయాన్ని ఎంజాయ్ చేసిన ఆటగాళ్లు.. ఫొటోలు చూశారా?
