Jammu Kashmir: జమ్మూకశ్మీర్‌లో భారీ పేలుడు.. ఇద్దరు జవాన్లు మృతి

Jammu Kashmir: జమ్మూకశ్మీర్‌లోని అఖ్‌నూర్‌లో మంగళవారం ఘోర ప్రమాదం జరిగింది. ఐఈడీ బాంబు పేలడంతో ఇద్దరు ఆర్మీ జవాన్లు ప్రాణాలు కోల్పోయారు. ఈ బాంబు దాడిని భారత సైనిక దళానికి చెందిన వైట్‌ నైట్‌ కార్ప్స్ నిర్ధరించింది. ఈ ఘటనపై దర్యాప్తు చేస్తున్నామని వెల్లడించింది. ఈ మేరకు ఎక్స్‌ వేదికగా ట్వీట్‌ చేసింది. 

Also Read:  నిరుద్యోగులకు అదిరిపోయే శుభవార్త.. టెన్త్ అర్హతతో 21413 పోస్టల్ ఉద్యోగాలకు నోటిఫికేషన్!

''అఖ్‌నూర్‌లోని లలీలిలో సైనికులు ఫెన్స్‌ పెట్రోలింగ్‌ చేస్తుండగా అనుమానస్పద ఐఈడీ బాంబు పేలింది. ఈ దుర్ఘటనలో ఇద్దరు జవాన్లు ప్రాణాలు కోల్పోయారు. ఈ ఘటనపై సైనిక దళాలు సెర్చ్ ఆపరేషన్లు ప్రారంభించాయి. సైనికుల త్యాగాలను వైట్ నైట్‌ కార్ప్స్‌ నివాళులర్పిస్తోందని'' రాసుకొచ్చింది.

Suspected Improvised Explosive Device blast reported in #Laleali in #Akhnoor Sector during a fence patrol resulting in two fatalities.
Own troops are dominating the area and search #operations are underway.
White Knight Corps salutes and pays tribute to the supreme sacrifice of…

— White Knight Corps (@Whiteknight_IA) February 11, 2025

ఇదిలాఉండగా ఇటీవల చిత్తూరు జిల్లాకు చెందిన కార్తీక్ అనే ఆర్మీ జవాన్ ప్రాణాలు కోల్పోయిన సంగతి తెలిసిందే. నార్త్ జమ్మూ కశ్మీర్‌లో భారత ఆర్మీ, ఉగ్రవాదుల మధ్య జరిగిన కాల్పుల్లో ఆర్మీ జవాన్ కార్తీక్ తీవ్రంగా గాయాలపాలయ్యారు. ఆ తర్వాత ఆయన్ని ఆస్పత్రికి తరలించి చికిత్స అందించారు. అయితే చికిత్స పొందుతూ కార్తీక్ సోమవారం తుదిశ్వాస విడిచారు. కార్తీక్ స్వస్థలం చిత్తూరు జిల్లా బంగారుపాళ్యం మండలం. రాగిమాను పెంట.  

Also Read: ఆ కోతి చేసిన పనికి 11 గంటలు కరెంట్‌ కట్‌.. ఆ మంకీ ఏం చేసిందో తెలుసా?