Viral Video: రాంచీ వీధుల్లో రయ్‌ రయ్‌.. ధోనీ బైక్‌ రైడింగ్‌ చూసి ఫ్యాన్స్‌ ఫిదా!

ధోనీ పేరు ప్రస్తావనకు రాగానే గుర్తొచ్చే విషయాలు ఐదు:

1) వికెట్‌ కీపింగ్‌

2) కెప్టెన్సీ

3) హెలికాఫ్టర్‌ సిక్స్

4) చెన్నై సూపర్‌ కింగ్స్

5) బైకులు

View this post on Instagram

A post shared by subodh singh Kushwaha (@kushmahi7)

ఈ ఐదులో నాలుగు ధోనీకి ప్రొఫెషనల్‌ అయితే ఐదోది మాత్రం ప్యాషన్. బైకులన్నా.. బైక్‌ రైడింగ్‌ అన్నా ధోనీ(Dhoni)కి ప్రాణం. సమయం దొరికితే చాలు.. హెల్మెట్ పెట్టుకొని రాంచీ వీధుల్లో రయ్‌ రయ్‌మని దూసుకుపోతాడు ధోనీ. హెల్మెట్‌ పెట్టుకుంటే ఎవరూ గుర్తుపట్టరులే అనుకుంటాడు కానీ.. మహేంద్రుడు ఎన్ని ముసుగులు ధరించినా ఫ్యాన్స్‌ మాత్రం ఈజీగా కనిపెట్టేస్తారు. ధోనీ బైక్‌ రైడింగ్‌ని తమ కెమెరాల్లో బంధిస్తారు. వాటిని సోషల్‌మీడియాలో పోస్ట్ చేస్తారు. ఇంకేముంది క్షణాల్లో ఆ పోస్టులు వైరల్‌గా మారిపోతాయి. ధోనీ బైక్‌ రైడ్‌(Bike ride) విజువల్ బయటకు వచ్చిందంటే ఈ కెప్టెన్‌ కూల్‌ ఫ్యాన్స్‌కు పండుగే.

సెల్ఫీ ప్లీజ్:
ధోనీ ఎక్కడ కనిపించినా సెల్ఫీల కోసం అభిమానులు పోటీ పడతారు. తాజాగా ధోనీ రాంచీలో తన హోండా రెపెసోల్ 150 బైక్‌పై రైడింగ్ చేస్తూ కనిపించాడు. ఈ క్రమంలో ఓ అభిమాని సెల్ఫీ కోసం ప్రయత్నించినప్పటికీ ఫలితం దక్కలేదు. ధోనీ గేటు లోపలకి వెళ్లిపోయాడు. దీనికి సంబంధించిన వీడియో సోషల్‌మీడియాలో చక్కర్లు కొడుతోంది. 'అయ్యో.. ధోనీ అతనికి సెల్ఫీ ఇవ్వాల్సిందని' కొందరు ఆ అబ్బాయిపై జాలి చూపిస్తుండగా.. మరికొందరు మాత్రం ఈ బైక్‌ సూట్‌లో ధోనీ కింగ్‌లా ఉన్నాడని మరికొందరు కామెంట్స్ పెడుతున్నారు. నిజంగానే ధోనీ గెటప్‌ మాములుగా లేదు.. అదిరిపోయిందంతే!

2024 ఐపీఎల్‌ ఆడుతాడా?
అంతర్జాతీయ క్రికెట్ నుంచి 2019లోనే రిటైర్ అయిన ధోనీ.. ఇండియన్ ప్రీమియర్ లీగ్‌(IPL)లో చెన్నై సూపర్ కింగ్స్‌కు నాయకత్వం వహిస్తున్నాడు. ఈ ఏడాది ఐపీఎల్‌ ట్రోఫీని కూడా గెలుచుకున్నాడు. లీగ్‌ హిస్టరీలో అత్యధికంగా ఐదుసార్లు ట్రోఫీ గెలిచిన కెప్టెన్‌గా రోహిత్ శర్మతో కలిసి ఫస్ట్ ప్లేస్‌లో ఉన్నాడు ధోనీ. ఈ ఇద్దరూ ఐదుసార్లు ఐపీఎల్‌ కప్‌ను సాధించారు. ఇక ఈ ఏడాదితోనే ధోనీ ఐపీఎల్‌ కెరీర్‌ ముగుస్తుందని అంతా భావించారు. మహేంద్రుడు కూడా రిటైర్‌మెంట్‌పై అనేకసార్లు హింట్ ఇచ్చాడు కూడా. కానీ అందరూ ఊహించినట్టు ధోనీ రిటైర్ అవ్వలేదు. దీంతో మరో ఏడాది ఐపీఎల్‌లో కూడా ధోనీ ఆడుతాడని ఫ్యాన్స్‌ ఆశలు పెట్టుకున్నారు.