తాజాగా ఈ చిత్రంలో కీలక పాత్ర పోషిస్తున్న రేణు దేశాయ్ ఫస్ట్ లుక్ ని విడుదల చేశారు మేకర్స్. ఈ చిత్రంలో హేమలత లవణం అనే స్ఫూర్తిదాయకమైన పాత్రలో కనిపించబోతున్నారు రేణు దేశాయ్. ఓ పసిబిడ్డని పట్టుకున్నట్లు కనిపిస్తున్న ఫస్ట్ లుక్ పోస్టర్ చాలా ఆసక్తికరంగా ఉంది.

రేణుదేశాయ్ రీఎంట్రీ సినిమా ఇది. బద్రితో ఆమె టాలీవుడ్ కు పరిచయమైంది. ఆ తర్వాత జానీ అనే సినిమా చేసింది. మధ్యలో ఓ తమిళ సినిమా చేసింది. అక్కడితో కెరీర్ కు ఫుల్ స్టాప్ పెట్టి పవన్ కల్యాణ్ ను పెళ్లి చేసుకుంది. ఇద్దరు పిల్లలకు జన్మనిచ్చింది. ఆ తర్వాత విబేధాలొచ్చి పవన్-రేణు విడిపోయారు. మళ్లీ ఇన్నాళ్లకు టైగర్ నాగేశ్వరరావు సినిమాతో సినిమాల్లోకి వచ్చింది రేణు దేశాయ్.

అక్టోబర్ 3న ఈ చిత్రం ట్రైలర్‌ని రిలీజ్ చేయనున్నారు మేకర్స్. జివి ప్రకాష్ కుమార్ సంగీతం అందిస్తున ఈ చిత్రం నుంచి ఇప్పటికే 2 పాటలు బయటకొచ్చాయి. త్వరలోనే మిగతా పాటల్ని కూడా విడుదల చేయబోతున్నారు. నూపుర్ సనన్, గాయత్రి భరద్వాజ్ ఈ చిత్రంలో హీరోయిన్స్.

ఈ చిత్రానికి సినిమాటోగ్రఫీ ఆర్‌ మదీ ఐఎస్‌సి, అవినాష్ కొల్లా ప్రొడక్షన్ డిజైనర్. శ్రీకాంత్ విస్సా డైలాగ్ రైటర్ కాగా, మయాంక్ సింఘానియా సహ నిర్మాత. రవితేజ కెరీర్ లోనే ప్రాపర్ పాన్ ఇండియా సినిమా ఇది. ఒకేసారి సౌత్ లోని అన్ని భాషలతో పాటు, హిందీలో ఈ సినిమా విడుదల కానుంది. ఈ సినిమాపై రవితేజ చాలా హోప్స్ పెట్టుకున్నాడు.