Valentine Tree: అక్షరాల్లో ప్రేమ.. విశాఖ చెట్టు చెబుతున్న 'నా ఆటోగ్రాఫ్‌' లవ్‌ స్టోరీ!

విశాఖపట్టణం పెద్దవాల్తేరులో జీవవైవిధ్య ఉద్యానంలోని క్లూసియా రోసియా అనే ఈ చెట్టు ప్రేమికుల కలల గూటిగా నిలిచింది. దీని ఆకులు ఎండి రాలిపోయినా.. అక్షరాలు మాత్రం అలాగే భద్రంగా ఉంటాయట. అందుకే ఇది ‘ఆటోగ్రాఫ్‌ ట్రీ ’గానూ ప్రాచూర్యం పొందింది.

By Archana 13 Feb 2025 in లైఫ్ స్టైల్ Latest News In Telugu

New Update

Valentine Tree: ప్రేమికులు తమ ప్రేమ కలకాలం నిలిచిపోవాలని కోరుకుంటారు. అందుకు కోసం ఒకరి పేర్లను ఒకరు గుండెలపై, చేతులపై పచ్చబొట్టుగా వేయించుకుంటారు. మరికొంతమంది చెట్లపై, రాళ్లపై తమ ప్రేమ గుర్తులను పదిలం చేస్తుంటారు. అలాంటి వారి కోసమే అన్నట్లుగా విశాఖపట్నంలోని ఈ 'వాలెంటైన్ ట్రీ' అందరి దృష్టిని ఆకర్షిస్తోంది. ఈ చెట్టుపై చెక్కే ప్రతి అక్షరం ఓ అనుభూతి, ఓ ఆనందం! చెప్పలేని భావనలు చెట్టు తొర్రపై,ఆకులపై పేర్లై మిగిలిపోతాయి. గుండె చప్పుడిలా పదిలంగా నిలుస్తాయి.

Also Read: Kiccha Sudeep: హైదరాబాద్ మెట్రోలో హీరో కిచ్చా సుదీప్.. అక్కడ ఏం చేశారో చూడండి?

వాలెంటైన్ ట్రీ..

విశాఖపట్టణం పెద్దవాల్తేరులో ప్రేమికుల కలల గూటిగా నిలిచిన ఈ చెట్టు శాస్త్రీయనామం ‘క్లూసియా రోసియా'. వాడుక భాషలో దీనిని వాలెంటైన్ ట్రీ అని కూడా అంటారు. ప్రేమను ఎప్పటికీ చిరస్థాయిగా నిలిపే ఓ ప్రకృతి అద్భుతం ఈ చెట్టు. ఎన్ని కాలాలు మారినా అక్షరాలు చెట్టు చర్మంలో చిరునవ్వుగా నిలిచి, ప్రతి జంట కథను గుర్తుచేస్తాయి. ప్రేమ మరిచిపోయే వస్తువు కాదని, ప్రేమ నిలిచిపోయే ప్రతిబింబమని ఈ చెట్టు ప్రతి రోజూ మనకి చెబుతుంది. ఈ చెట్టు ఆకులు ఎండి రాలిపోయినా.. ఆ ఆ అక్షరాలు మాత్రం అలాగే భద్రంగా ఉంటాయట. అందుకే ఇది ‘ఆటోగ్రాఫ్‌ ట్రీ ’గానూ ప్రాచుర్యంలో ఉందని విశాఖపట్నం జీవవైవిధ్య ఉద్యాన వ్యవస్థాపకులు డాక్టర్‌ రామమూర్తి తెలిపారు.