type-1 diabetes: కొన్ని ఆహారాల వల్ల టైప్‌-1 డయాబెటిస్‌ రాదా?

సాధారణంగా చాలామంది డయాబెటిస్ వచ్చిందంటే ఆరోగ్యకరమైన ఆహారం తీసుకోవడం లేదని, ఎక్కువగా స్వీట్లు, వేయించిన ఆహారాలు తినడం వల్ల వచ్చిందనుకుంటారు. చిన్న పిల్లలలో కూడా డయాబెటిస్ సమస్య ఈ రోజుల్లో పెరుగుతోంది. దీనిని టైప్ 1 డయాబెటిస్ అంటారు.

ఆహారంతో టైప్ 1 డయాబెటిస్‌కు ఎటువంటి సంబంధం లేదని కొందరు చెబుతున్నారు. వైద్యులు మాత్రం మనం తినే ఆహారం వల్ల టైప్ 1 డయాబెటిస్ వస్తుందని చెప్పలేం అంటున్నారు.

టైప్ 1 డయాబెటిస్ అనేది పిల్లలలో వచ్చే ఒక రకమైన డయాబెటిస్. టైప్ 1 డయాబెటిస్ అనేది ఒక ఆటో ఇమ్యూన్ వ్యాధి. ఇది శరీరంలోపల అనారోగ్యం లేదా బలహీనమైన రోగనిరోధక వ్యవస్థ వల్ల సంభవించవచ్చు.

దీనికి మనం తినే ఆహారంతో సంబంధం లేదు. కాబట్టి మనం తినే ఆహారం నుండి అది వస్తుందని చెప్పలేం అంటున్నారు. టైప్ 1 డయాబెటిస్ ఉన్న పిల్లలు చాలా మంది ఉన్నారు.

దీనిని ఇన్సులిన్‌తో నియంత్రించవచ్చు, కానీ పూర్తిగా నయం చేయలేమని వైద్యులు చెబుతున్నారు. ఇన్సులిన్, ఆహారం ద్వారా దీనిని నియంత్రించవచ్చని వైద్యులు అంటున్నారు.

కొన్ని ఆహార పదార్థాలను దూరం పెట్టడం, పోషకాహారాలు తీసుకోవడంతో పాటు వ్యాయామం ద్వారా కూడా కంట్రోల్‌లో ఉంచుకోవచ్చని నిపుణులు సలహా ఇస్తున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.