Winter Clothes Washing Tips: ఉన్ని దుస్తులు కంపు కొడుతున్నాయా..? ఉతికే పని లేకుండా శుభ్రం చేసుకునే పద్ధతులు తెలుసుకోండి!!

చలికాలం మొదలవుతుంది. గాలి చల్లగా మారడంతో.. చాలా మంది ప్రజలు తమ వార్డ్‌రోబ్‌లు లేదా పెట్టెల నుంచి చలికాలపు దుస్తులను (Winter Clothes) తీయడం ప్రారంభిస్తారు. చాలామంది ఈ బట్టలను మార్చి లేదా ఏప్రిల్‌లో ప్యాక్ చేసి మళ్లీ నవంబర్ సమయంలో బయటకు తీస్తుంటారు. ఇంత కాలం నిల్వ ఉంచడం వలన బట్టలకు చెడు వాసన (Odor) రావడం ఒక సాధారణ సమస్య. ఈ వాసన కారణంగా.. దుస్తులను పెట్టెల్లోంచి తీసిన వెంటనే ధరించడం సాధ్యం కాదు. అంతేకాకుండా దుస్తులను ఎక్కువ కాలం మూసి ఉంచడం వలన బాక్టీరియా పెరిగే ప్రమాదం కూడా పెరుగుతుంది. మీరు కూడా రాబోయే చలికాలం కోసం దుస్తులను బయటకు తీసినట్లయితే.. ఈ వార్త మీ కోసమే. మీ దుస్తులను ఉతకకుండానే వాటి నుంచి చెడు వాసనను తొలగించి... పూర్తిగా తాజాగా (Fresh) మార్చే కొన్ని సులభమైన చిట్కాలు, ట్రిక్స్‌ ఉన్నాయి. వాటి గురించి కొన్ని విషయాలు ఈ ఆర్టికల్‌లో తెలుసుకుందాం.

దుస్తుల వాసన తొలగించే సులభ మార్గాలు:

ఎండలో ఆరవేయాలి: వార్డ్‌రోబ్ లేదా పెట్టె నుంచి చలికాలపు దుస్తులను బయటకు తీసిన తరువాత వాటిని మొదటగా ఎండలో ఆరబెట్టాలి. శీతాకాలంలో చేయవలసిన మొదటి పని ఇదే. దుస్తులను ఎండలో ఆరబెట్టడం వలన వాటికి ఉన్న వాసన పోతుంది. అంతేకాక ఏవైనా బాక్టీరియా ఉన్నట్లయితే.. అవి సూర్యరశ్మి ద్వారా నాశనం అవుతాయి. దుస్తులు సున్నితమైన రంగులలో ఉంటే రంగు వెలిసిపోకుండా ఎక్కువసేపు ఎండలో ఉంచకుండా జాగ్రత్త వహించాలి. ఎండలో ఆరిన తరువాత ఆ దుస్తులపై పెర్ఫ్యూమ్ స్ప్రే చేయవచ్చు. ఇది వాసనను పూర్తిగా తొలగిస్తుంది.

నారింజ- నిమ్మ తొక్కలు (Orange and Lemon Peels): దుస్తులు సువాసనగా మారడానికి ఈ చిట్కాను ఉపయోగించవచ్చు. దుస్తులను ఎండలో ఆరబెట్టిన తర్వాత ఒక మెష్ వస్త్రం (Mesh cloth) లేదా సంచి తీసుకుని అందులో ఎండిన నిమ్మకాయ, నారింజ తొక్కలను ఉంచాలి. ఈ సంచిని దుస్తుల పెట్టెల్లో లేదా వార్డ్‌రోబ్‌లలో ఉంచడం వలన దుస్తుల నుంచి ఏదైనా అవాంఛిత వాసన పూర్తిగా తొలగిపోయి.. తాజాగా సువాసన వస్తాయి.

 ఇది కూడా చదవండి: ఈ లక్షణాలు కనిపిస్తే జాగ్రత్త.. మరికొద్ది సేపట్లో గుండెపోటు రావడం పక్కా..!

దుస్తులను ఎక్కువ కాలం ప్యాక్ చేసి ఉంచడం వలన వాటిపై క్రిములు, బాక్టీరియా పెరిగే ప్రమాదం ఉంటుంది. ఈ సమస్యను వదిలించుకోవడానికి దుస్తులను ఉతకవచ్చు. కానీ ఉతకడానికి సమయం లేకపోతే.. క్లాత్ శానిటైజర్ (Cloth Sanitizer) ను ఉపయోగించవచ్చు. దీనిని స్ప్రే లాగా దుస్తులపై పిచికారీ చేయవచ్చు. ఇది క్రిములు, బ్యాక్టీరియాను చంపడమే కాక.. చెడు వాసనను కూడా తొలగిస్తుంది. ఈ సులభమైన చిట్కాలతో ఉతకకుండానే చలికాలపు దుస్తులను తక్షణమే తాజాదనం, సువాసనతో సిద్ధం చేసుకోవచ్చని నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

 ఇది కూడా చదవండి: బీట్‌రూట్ జ్యూస్ అని తీసి పారేయకండి..15 రోజులు వరుసగా తాగితే అద్భుతమైన ప్రయోజనాలు లభిస్తాయి!!