Thumb Sucking: పిల్లలు బొటనవేలును ఎందుకు చప్పరిస్తారు..? ఏం చేస్తే ఆపేస్తారు?

Thumb Sucking: సాధారణంగా కొంతమంది పిల్లలకు బొటనవేలు చప్పరించే అలవాటు ఉంటుంది. ఇలాంటి అలవాటు ఉన్న పిల్లల తల్లిదండ్రులు జాగ్రత్తగా ఉండాలి. ఈ అలవాట్లు ఎక్కువ కాలం కొనసాగితే పిల్లలో అనేక ఇతర సమస్యలు తలెత్తే ప్రమాదం ఉందని నిపుణులు సూచిస్తున్నారు. అసలు పిల్లలు బొటన వేలును ఎందుకు చప్పరిస్తారు. దీని వల్ల కలిగే సమస్యలేంటి అనే విషయాలు ఇక్కడ తెలుసుకుందాం.. 

Also Read: Kiran Abbavaram: తండ్రి కాబోతున్న మరో టాలీవుడ్ హీరో.. సోషల్ మీడియాలో పోస్ట్ !

 బొటనవేలును ఎందుకు చప్పరిస్తారు?

• కొంతమంది పిల్లలు ఒత్తిడికి గురైనప్పుడు కూడా వారి వేళ్లు, ఇతర వస్తువులను పీలుస్తారు. ఇది ఒత్తిడి నుంచి  ఉపశమనం పొందేందుకు సహాయపడుతుంది.
• చాలా సందర్భాల్లో  పిల్లలు ఆకలిగా ఉన్నప్పుడు బొటనవేలును పీల్చడం మొదలు పెడతారు .మరికొంతమంది   పిల్లలు తల్లి పాలతో సంతృప్తి చెందనప్పుడు బొటన వేలును నోట్లో పెట్టుకొని చప్పరిస్తారు.  
  

బొటనవేలు పీల్చడం వల్ల కలిగే నష్టాలు..   

• సాధారణంగా చాలా మంది పిల్లలు 2 లేదా నాలుగు సంవత్సరాలు వచ్చే ముందు ఈ అలవాటును మనుకుంటారు. కానీ కొంతమంది అదే కొనసాగిస్తారు. 
• బొటన వేలును అదేపనిగా చప్పరించడం వల్ల గోళ్ల చుట్టూ ఉన్న చర్మానికి ఇన్ఫెక్షన్ వచ్చే ప్రమాదం ఉంటుంది. 
• అలాగే  దంతాల అమరిక ఉండదు. దీనివల్ల దంతాలు రాలిపోయే ప్రమాదం పెరుగుతుంది. అంతేకాదు పై పళ్ళు, కింది పళ్ళ మధ్య గ్యాప్‌కు దారితీస్తుంది.
• బొటనవేలు చప్పరించడం వల్ల  పిల్లల బొటనవేళ్లు సన్నగా, పెదవులు మందంగా మారి కిందికి వేలాడుతూ ఉంటాయి.
• బొటనవేలు చప్పారించే పిల్లలు తరచూ కడుపు ఇన్ఫెక్షన్లతో బాధపడుతుంటారు. ఎందుకంటే రోజంతా వారు ఆడుతూ ఉంటారు. ఈ క్రమంలో రకరకాల వస్తువులను తాకి అదే చేతులను నోట్లో పెట్టుకుంటారు. దీని వల్ల అనేక క్రిములు వారి కడుపులోకి ప్రవేశిస్తాయి. వేల్లను చప్పరించడం ద్వారా పిల్లల శారీరక ఎదుగుదల కూడా దెబ్బతింటుంది.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

Also Read: Dil Raju: ఐటీ సోదాల్లో బిగ్ ట్విస్ట్.. దిల్ రాజు సతీమణితో బ్యాంక్ లాకర్లు ఓపెన్ చేయించిన అధికారులు!