Rice Face Mask: మెరిసే చర్మం కోసం రైస్‌ ఫేస్‌ మాస్క్‌.. ఈ టిప్‌ ట్రైయ్‌ చేయండి

Rice Face Mask: గ్లోయింగ్ స్కిన్ అనేది ప్రతి ఒక్కరూ కోరుకుంటారు. మెరిసే చర్మం కోసం అనేక ఇంటి చిట్కాలు పాటిస్తుంటారు. వీటిలో రైస్ ఫేస్ మాస్క్ చాలా ప్రాచుర్యం పొందింది. అన్నంలో ఉండే యాంటీ ఆక్సిడెంట్లు, విటమిన్లు చర్మానికి నేచురల్ గ్లో ఇస్తాయి. ఈ ఫేస్ మాస్క్‌ను ఇంట్లోనే సులభంగా తయారు చేసుకోవచ్చు. దానిని ఇంట్లో ఎలా చేసుకోవాలో ఈ ఆర్టికల్‌లో కొన్ని విషయాలు తెలుసుకుందాం. 

ఫేస్‌ మాస్క్‌ కోసం..

బియ్యంలో ఉండే పదార్థాలు చర్మాన్ని శుభ్రంగా, మృదువుగా మారుస్తాయి. ఇది యాంటీ ఏజింగ్ లక్షణాలను కలిగి ఉంటుంది. ఇది ముడతలు, సన్నని గీతలను తగ్గించడంలో సహాయపడుతుంది. ఇది చర్మాన్ని లోతుగా శుభ్ర పరుస్తుంది. చనిపోయిన చర్మ కణాలను తొలగిస్తుంది. అర కప్పు బియ్యాన్ని నీటిలో 5-6 గంటలు నానబెట్టాలి. నానబెట్టిన బియ్యాన్ని బాగా ఎండబెట్టి గ్రైండ్ చేసి మెత్తగా పొడి చేసుకోవాలి. ఒక గిన్నెలో 2-3 టీస్పూన్ల బియ్యప్పిండి తీసుకుని అందులో పాలు పోసి చిక్కటి పేస్ట్‌లా చేసుకోవాలి.

ఇది కూడా చదవండి: కాకరకాయ రసంతో ఆరు అద్భుత ప్రయోజనాలు

ఈ పేస్ట్‌ను 10-15 నిమిషాల పాటు ఫ్రిజ్‌లో ఉంచితే మంచి ఫలితం ఉంటుంది. ఫేస్ మాస్క్ వేసుకునే ముందు మైల్డ్ ఫేస్ వాష్‌తో ముఖాన్ని కడుక్కోవాలి. తయారు చేసిన పేస్ట్‌ను బ్రష్ లేదా చేతితో ముఖం, మెడపై రాసుకుని 15-20 నిమిషాలు ఆరనివ్వాలి. ఇప్పుడు గోరు వెచ్చని నీటితో ముఖాన్ని శుభ్రం చేసుకోవాలి. వారానికి 2-3 సార్లు ఉపయోగించాలి. మంచి ఫలితాల కోసం రాత్రి పడుకునే ముందు దీన్ని రాసుకోవాలి. బియ్యం, పాలతో చేసిన ఈ ఫేస్ మాస్క్ చర్మాన్ని ప్రకాశవంతం చేయడమే కాకుండా మంచి పోషణను అందిస్తుందని చర్మ నిపుణులు చెబుతున్నారు.

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడంలేదు. ఆరోగ్య సమస్యల నివారణకు సంబంధిత వైద్య నిపుణుడిని సంప్రదించడం ఉత్తమం.

ఇది కూడా చదవండి: రిపబ్లిక్ డే రోజు మూడు రంగుల కేక్‌ ట్రై చేయండి