Pigeon: బాల్కనీలో పావురాలతో ఇబ్బంది పడుతున్నారా?. ఇలా చేయండి

Pigeon: పావురాలు సహజంగా భవనాలలో గూడు కట్టుకుంటాయి. ముఖ్యంగా వేసవిలో అవి ఇళ్ల బాల్కనీలకు గుంపులుగా చేరి తిరుగుతాయి. అవి బాల్కనీని పాడు చేయడమే కాకుండా ప్రజల ఆరోగ్యంపై కూడా తీవ్రమైన ప్రభావాన్ని చూపుతాయి. మలంలో క్రిప్టోకోకస్, హిస్టోప్లాస్మోసిస్ వంటి శిలీంధ్రాలు, అలాగే వివిధ బ్యాక్టీరియా, వైరస్‌లు ఉంటాయి. ఇవి దుమ్ము రూపంలో నేల, నీరు, గాలిలోకి ప్రవేశిస్తాయి. రోగనిరోధక శక్తి బలహీనంగా ఉన్న వ్యక్తులు, పిల్లలకు అలెర్జీలు, శ్వాసకోశ సమస్యలు,  మెనింజైటిస్ వంటి వ్యాధులు వచ్చే ప్రమాదం ఎక్కువగా ఉందని వైద్య నిపుణులు హెచ్చరిస్తున్నారు. 

పావురాలకు ఘాటైన వాసనలు నచ్చవు:

క్లామిడియా సిట్టాసి అనే బ్యాక్టీరియా వల్ల కలిగే సిట్టాకోసిస్ అనే వ్యాధి సంక్రమించే అవకాశం ఉంది. ఇంకా పావురం ఈకలలో కనిపించే పేలు, పురుగులు, మానవ ఆరోగ్యానికి హానికరం. పావురం రెట్టలు మానవులలో ఊపిరితిత్తుల సమస్యలతో సహా వివిధ వ్యాధులను కలిగించే సామర్థ్యాన్ని కలిగి ఉన్నాయని నిపుణులు హెచ్చరిస్తున్నారు. ఓ అధ్యయనంలో పావురాలు మానవులలో అనేక ఆరోగ్య సమస్యలను కలిగిస్తాయని వెల్లడైంది. పావురాలకు ఘాటైన వాసనలు నచ్చవు. ఒక స్ప్రే బాటిల్‌లో కొంచెం నీరు, ఉప్పు వేసి కలపాలి. తర్వాత ఆ మిశ్రమాన్ని పావురాలు వచ్చే ప్రాంతంలో బాగా స్ప్రే చేయాలి.  

ఇది కూడా చదవండి: షుగర్‌ ఉన్నవారికి అరటి పువ్వుతో కలిగే ప్రయోజనాలు

పావురాలను తరిమికొట్టడంలో CDలు కూడా చాలా ప్రభావవంతంగా ఉంటాయి. మీ దగ్గర పాత సీడీలు ఉంటే వాటిని బాల్కనీలో ఎక్కడో వేలాడదీయండి. ఇలా చేయడం ద్వారా అవి ప్రతిబింబించే రంగు కాంతి పావురాలు అక్కడికి రాకుండా చేస్తుంది. పావురాలు బాల్కనీలోకి రాకుండా నిరోధించడానికి అల్యూమినియం ఫాయిల్ చాలా ఉపయోగకరంగా ఉంటుంది. అల్యూమినియం ఫాయిల్ పొడవైన ముక్కను తీసుకొని చిన్న ముక్కలుగా కత్తిరించండి. తర్వాత వాటిని బాల్కనీకి అన్ని వైపులా వేలాడదీయాలి. ఇలా చేస్తే పావురాలు ప్రతిబింబానికి భయపడి పారిపోతాయని నిపుణులు అంటున్నారు.  

గమనిక: ఈ కథనం ఇంటర్నెట్‌లో అందుబాటులో ఉన్న సమాచారం ఆధారంగా మాత్రమే ఇచ్చినది. RTV దీనిని ధృవీకరించడం లేదు.  

ఇది కూడా చదవండి: 25 ఏళ్ల వయసులో చేయించుకోవాల్సిన పరీక్షలు ఇవే

( home-tips | home tips in telugu | latest-news)